Luuk 8:18 - WƖA TENIŊ

¹⁸ Má fɩɛlɛ ma sɩaa woruŋ arɩ wɩalɩŋ ma sɩɩ nɩɩ lɛ. Nɩɩ-la kala sɩɩ to Wɩa niiŋ wɩaa, Wɩa jaŋ faasa pɛ ʋ lɛ dɩ ʋ to woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la maa, ʋ jaŋ laaʋ kaa viiri.”

Luuk 8:18 ပူးပေါင်းရင်းမြစ်များ

NAMAGABA 14:12

Ŋ jaŋ wuo bɩɩnɛ arɩ ŋ ŋaa wɩɩ ʋ bʋa lɛ nɛ, ama ʋ dɩdɛrɩŋ lɛ ŋ sʋʋ.

Matiu 13:12

Nɩɩ-la kala sɩ to Wɩa niiŋ wɩaa, Wɩa jaŋ faasa pɛ ʋ lɛ woruŋ. Nɩɩ-la ma sɩ bɩ Wɩa niiŋ wɩaa ka to, Wɩa bɩ jaŋ pɛ ʋ lɛ. Ʋ sɩ pɛ ʋ lɛ mʋa-la ma, ʋ jaŋ laa ʋ kʋa.

Matiu 25:29

Ŋɩɩ nɛ Yesu bʋla pɩba, “Nɩɩ-la sɩ paala kɛŋ kɩaa yʋgɛ nɛ Wɩa jaŋ wasa chɛ a pɛ pa dɩ ʋ kaa yʋgɛ kɩŋkɛŋ, ama nɩɩ-la sɩ bɩ faasa kɛŋ kɩaa yʋgɛ, mʋapɩlɩɩ-la ma ʋ sɩ kɛnɛ, Wɩa jaŋ kaa laa ʋ teeŋ.

Maak 13:14

Ma jaŋ na dɩ ba joŋ kʋ-la sɩ kɛŋ disiniŋ aa chei leriŋ a bil lee-la ʋ sɩ bɩ maga ʋ hɛ. Kʋa deeŋ jaŋ ŋaa wʋbɔŋŋɔɔ. Ʋ jaŋ chei Wɩa yɩrɩŋ. (Ma sɩ jaŋ karɩmɛ wɩaa deemba, ma jaŋ jɩŋ ba bʋbʋɔŋ.) Dɩ ma nɛ na ŋɩɩ, má leŋ dɩ nɩalɩŋ sɩ hɛ Judiya tinteeŋ lɛ, dɩ ba fá jɩl peelee nyuŋ a faa.

Luuk 19:26

Ŋɩɩ nɛ ʋ bʋla pɩba, ‘Nɩɩ-la sɩ paala kɛŋ kɩaa yʋgɛ, Wɩa jaŋ wasa chɛ pɛ a pʋ, ama nɩɩ-la sɩ bɩ faasa kɛŋ kɩaa yʋgɛ, mʋapɩlɩɩ-la ma ʋ sɩ kɛnɛ, Wɩa jaŋ kaa laa ʋ teeŋ.

Luuk 9:44

“Má sɩ́ wɩɩ-la mɩ sɩ jaŋ bʋla pɩma yʋ. Ʋ nɛ ŋ-la: Ba jaŋ joŋ mɩ-na, Nuhuobiine Bie a hɛ nɩaa nɩsɩŋ lɛ.”

Jɔɔŋ 15:2

Naakel-la kala sɩ mɛrɛ tɩa-la lɛ aŋ bɩ nɛŋ, ʋ yie kere ta nɛ, naakel-la kala sɩɩ nɛŋ, ʋ yie buoro ta nɛ, ka dɩ ʋ wuo faasa nɛŋ woruŋ.

Tɩntɩŋŋaa 10:33

Kɔnɩɩlɩas bɩra bʋl, “Ŋɩɩ nɛ tɩɩ mɩ guu tɩŋ nɩaa, ba kɔ ŋ teeŋ dɩ ba yɩrɩŋ. Ŋ ma hɛ doluŋ ŋ sɩ kɔ ŋ-la. Lɛɛlɛ la kala hilime nɛ Wɩa sɩpaaŋ, a gbɩgbɛrɛ dɩ la nɩɩ wɩɩ-la La Tɩɩna sɩ dagɩŋ dɩ ŋ bʋla pɩla.”

Tɩntɩŋŋaa 17:11

Juu tɩmma-la sɩ hɛ Biriya lɛ nɛ kɛŋ mɛlɛ a kɩɩ Juu tɩmma-la fa sɩ hɛ Tɛsalonaaka lɛ. Ba chaga laa Wɩa niiŋ wɩalɩŋ arɩ na-kparɩba nɛ, a kɩkarɩmɛ Wɩa teniŋ arɩ sɩɩfɩɛsɩŋ tapʋlɩɩ-na kala, dɩ ba na wɩalɩŋ Pɔɔl sɩ bʋla ŋaa wʋtɩtɩɩba nɛ.

Rom Tɩŋŋaa 12:3

Wɩa sɩ kɛŋ zile ŋɩɩ mɩ teeŋ, mɩɩ sʋl ma kʋŋkala dɩ ma sɩ́ ma tɩtɩa kaa yʋgɛ a kɩɩ ŋɩɩ ma sɩ maga. Má leŋ dɩ ma sɩaa fɩɛlɛ. Wɩa pɩ nʋʋkala laa diiniŋ nɛ. Ama ba kɩɩ dɔŋɔ nɛ. Nʋʋkala maga dɩ ʋ bɩɩnɛ ʋ nyuŋ lɛ a magɛ ŋɩɩ Wɩa sɩ leŋe ʋ kɛŋ laa diiniŋ.

1 Kɔrɩntɩ Nɩaa 14:37

Dɩ nʋʋ nɛ bɩɩna arɩ ʋ ŋaa Wɩa wʋlaabʋllʋ nɛ koo dɩ ʋ kɛŋ kɩalɩŋ Wɩa Dɩŋ-zɔŋ-la sɩ joŋo dii zile la lɛ, ʋ maga dɩ ʋ tɩɩna jɩŋ arɩ wɩɩŋ deeŋ mɩ sɩɩ bʋl lɩɩ Wɩa teeŋ nɛ.

1 Kɔrɩntɩ Nɩaa 3:18

Nʋʋkala sɩ́ ʋ tɩtɩa nyɩsʋ. Dɩ nʋʋ nɛ hɛ ma tʋɔŋ a bɩɩnɛ arɩ ʋ kɛŋ wʋjɩmɩŋ dʋnɩa deeŋ lɛ, ʋ maga dɩ ʋ bɩrɩmɛ nɩyaarɩ nɛ a wuo kɛŋ wʋjɩmɩɩ-la sɩ lɩɩ Wɩa teeŋ.

1 Kɔrɩntɩ Nɩaa 8:2

Nɩɩ-la sɩ bɩɩna dɩ ʋ jɩŋ wɩaa nɛ, ʋ bɩ wɩɩkala jɩŋ arɩ ʋ sɩ maga dɩ ʋ jɩŋ ŋɩɩ.

Fɩlɩpa Nɩaa 3:4

Mɩ-na nɛ paala magɛ dɩ mɩ joŋ mɩ yɩɛlaa hɛ yaraa wʋŋaalaa lɛ. Dɩ nʋʋkala nɛ bɩɩna arɩ ʋ kɛŋ wombiiŋ dɩ ʋ joŋ ʋ yɩɛlaa a hɛ yaraa wɩaa lɛ, mɩ-na jaŋ paala wuo bʋl arɩ mɩ kɛŋ wombiiŋ kɩɩ tɩɩna nɛ.

Hiburu TƖŊŊAA 2:1

A tɩŋ wɩɩŋ deeŋ wɩaa, ʋ maga dɩ la kɛŋ wɩalɩŋ la sɩ nɩa woruŋ, dɩ wɩɩkala sɩ́ leŋe dɩ la mɩɩrɛ harɩŋ.