Luuk 8:13 - WƖA TENIŊ

¹³ Kɩalɩŋ sɩ tel kpagɩnyɩlɩŋ nyuŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ a sɛɩ arɩ tʋɔtɔrʋŋ. Ama ʋ bɩ ba tʋɔŋ tibe. Ba yie sɛɩ wɩɩ-la a mʋ magɛ ŋɩɩ aŋ vɩa. Dɩ wɩaa nɛ jʋʋba, ba joŋo ta.

Luuk 8:13 ပူးပေါင်းရင်းမြစ်များ

JOB 19:28

Dɩ ma nɛ sɩ, ‘La jaŋ dɔgɩsɛ Job, a tɩŋ ʋ tɩtɩa nɛ sɩ hɛ wɩalɩŋ,’

NAMAGABA 12:12

Nɩbɔmʋŋ wɩɩŋ nɛ dɩ ʋ laa kɩaa ʋ nɩbɔŋ dɔŋɔ teeŋ, ama tʋɔpʋl tɩŋŋaa wɩaa yie wasɛ nɛ.

NAMAGABA 12:3

Wʋbɔŋ ŋaarʋ kala bɩ jaŋ wuo chɩŋ kpaŋ kpaŋ, ama ŋ bɩ tʋɔpʋl tɩɩna-na wuo yigee lo.

AZAAYA 58:2

Tapʋlɩɩ-kala ba yie chʋɔlɛmɛ nɛ, a nagɛ ba ŋaa nɩaa sɩɩ chel dɩ ba jɩŋ mɩ wombiee nɛ, a bɩra nagɛ ba ŋaa tinteeŋ nɩaa sɩɩ ŋaa wɩaa ba bʋa lɛ nɛ, a bɩ wɩalɩŋ ba Wɩa sɩ daga ka vɩa. Ba yie pɩɛsɛmɛ dɩ mɩ dagɛba wombie-la sɩ zɔmɔ dɩ ba tuto, a nagɛ baa chel nɛ dɩ ba kpagɛ Wɩa.

ƐZƖKƖƐL 33:32

Ba yie joŋuŋ ŋ nagɛ nʋʋ yikoro sɩ sɩma ʋ yɩyɩɩ yɩɩlaa sɩ mʋʋ tɩgɛ chonuŋ lɛ nɛ, a du kɩaa hɩhɛ. Ba yie jegili wɩalɩŋ woruŋ, ama ba bɩ jaŋ to ba kʋbala ma.

HOSIA 6:4

La TƖƖNA sɩ, “Efirem, wʋbɛɛ nɛ mɩ jaŋ wuo ŋaa ŋ lɛ? Juda, wʋbɛɛ nɛ mɩ jaŋ wuo ŋaa ŋ lɛ? Ŋɩɩ ŋ sɩ chomi nagɛ bʋrʋŋ sɩ yie tɔ chʋchʋɔŋ nɛ, a nagɛ nyalɩŋ sɩ yie guu huo.

Maak 6:20

bɛɛ wɩaa Hɛrɔd faa fá Jɔɔŋ nɛ a ŋaa ba pɔʋ woruŋ. Ʋ jɩma dɩ Jɔɔŋ fa ŋaa tʋɔpʋl tɩɩna nɛ a bɩ wʋcheeli kala kɛnɛ. Wɩalɩŋ kala Jɔɔŋ fa sɩɩ bʋl kperu nɛ, arɩ ŋɩɩ kala ʋ ha cho dɩ ʋ jegile nɩɩba.

Luuk 8:12

Kɩalɩŋ sɩ tel wombiiŋ tʋɔŋ nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ka Sɩtaanɩ kʋ liiri wɩalɩŋ ba tʋɔŋ, dɩ ba sɩ́ wɩalɩŋ laa dii dɩ Wɩa laaba ta.

Luuk 8:14

Kɩalɩŋ sɩ tel sɔsʋŋ tʋɔŋ ma nɛ ŋaa nɩalɩŋ sɩ yie nɩɩ Wɩa niiŋ wɩalɩŋ, ama dʋnɩa kɩaa wɩaa wʋwalɩmɛba, ba cho dɩ ba jige aa chɩchɛ dʋnɩa tʋɔtɔrɛ wʋŋaalaa. A tɩŋ kɩaa deemba wɩaa ba yie to mʋ magɛ ŋɩɩ aŋ bɩra vɩa wɩalɩŋ. Wɩalɩŋ lɛl ba tʋɔŋ.

Jɔɔŋ 15:2

Naakel-la kala sɩ mɛrɛ tɩa-la lɛ aŋ bɩ nɛŋ, ʋ yie kere ta nɛ, naakel-la kala sɩɩ nɛŋ, ʋ yie buoro ta nɛ, ka dɩ ʋ wuo faasa nɛŋ woruŋ.

Jɔɔŋ 15:6

Dɩ nʋʋ nɛ bɩ mɩ lɛ mɛrɛ, ba jaŋ joŋ tɩɩna yuo ta, a nagɛ ba sɩ yie keri tɩa naakelee ta ŋɩɩ ba hɩl, nɩaa paa a hɛ nyiniŋ lɛ ba dii.

Jɔɔŋ 5:35

Jɔɔŋ fa nagɛ chaanɩŋ nɛ a chaanɛ, ma fa cho dɩ ma nɩɩ ʋ chaaŋ-la sɩma mʋapɩlɩɩ.

1 Kɔrɩntɩ Nɩaa 13:2

Dɩ Wɩa Dɩŋ-zɔmʋŋ nɛ pɩmɛ doluŋ dɩ mɩ wuo bʋbʋl Wɩa wɩaa, a wuo jɩŋ wʋfaalɩɩ kala bʋbʋɔŋ, a kɛŋ wʋjɩmɩŋ kala, aŋ pɛ laa Wɩa dii a jaŋ wuo ŋaa dɩ peelee churo mʋmʋ leree dɔnsʋŋ, aŋ bɩ nɩaa cho, ʋ ŋaa wʋpɛɩ nɛ.

1 Kɔrɩntɩ Nɩaa 15:2

Wɩa wʋzɔmɔ-la nɛ jaŋ laama ta, dɩ ma nɛ kɛŋ wɩalɩŋ mɩ sɩ bʋla pɩma woruŋ. Má sɩ́ leŋe dɩ ʋ nagɛ arɩ wɩalɩŋ ma sɩ laa dii bɩ bʋbʋɔ kɛnɛ.

Galiisia Nɩaa 3:1

Ma-na Galiisia nɩyaara! Kʋbɛɛ nɛ bugumima? La sɩ kɔ ma teeŋ, mɩ dagɛma woruŋ ŋɩɩ Yesu sɩ sʋʋ daagɛsɛ nyuŋ, ma jɩŋ ʋ bʋbʋɔŋ.

Galiisia Nɩaa 3:4

Hɛɛ-la kɩŋkɛŋ ma sɩ na ŋaa pɛɩ nɛ ma teeŋ koo? Aɩ, mɩ bɩɩna ʋ bɩ pɛɩ wuo ŋaa.

Ɛfɛsɩs Nɩaa 3:17

Mɩ bɩra sʋlʋ dɩ ma wuo laa Kirisito wɩaa dii woruŋ, dɩ ʋ hɛ ma tʋɔŋ lɛ a leŋ dɩ ma chɩŋ kpaŋ kpaŋ a cho nɩaa.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Koloosi Nɩaa 2:7

Má leŋ dɩ ma naapoloo sʋʋsa jʋʋ-ʋ woruŋ, dɩ ma wuo gʋnnɛ ʋ wɩaa a waa ba lɛ a chɩŋ wɩalɩŋ ma sɩ laa dii lɛ, arɩ ba sɩ dagɛ ma ŋɩɩ. Má faasa lʋlɔllɛ Wɩa woruŋ.

1 Tɛsalonaaka Nɩaa 3:5

Mɩ sɩ nyalɩma lɔl dɩ mɩ kʋ nama, ŋɩɩ nɛ mɩ tɩŋ Timoti dɩ mɩ jɩŋ ŋɩɩ ma sɩ chɩna a mʋ tɩgɛ wɩalɩŋ ma sɩ laa dii lɛ. Mɩ bɔyɛ faa joŋ nɛ arɩ Sɩtaanɩ jaŋ magɩsɛma a ŋaa dɩ ma joŋ wɩalɩŋ ma sɩ laa dii ta. Dɩ ma nɛ ŋaa ŋɩɩ, tɩntɩmɩɩ-la la sɩ tɩma ma teeŋ jaŋ ŋaa pɛɩ.

1 Timoti 1:19

Chɩŋ wɩalɩŋ ŋ sɩ laa dii lɛ a leŋ dɩ ŋ tʋɔbɩɩnaa chesi. Nɩaa dɔnsʋŋ bɩra bɩ ba tʋɔbɩɩnaa lɛɛ to, ŋɩɩ nɛ tɩɩ ba joŋ wɩalɩŋ ba sɩ laa dii ta.

Hiburu TƖŊŊAA 10:39

Ama la-na tuo nɩalɩŋ sɩ vɩa Wɩa ʋ cheiba. La ŋaa nɩa sɩ laa Wɩa dii nɛ ʋ laala ta.

Jeems 2:26

Dɩ nuhuobiine nɛ bɩ wiese kɛnɛ, ʋ bɩ wei. Nɩɩ-la saa sɩ laa Wɩa wɩaa dii aŋ bɩ wʋzɔŋŋɔɔ ŋaa pɩpɛ, ʋ tɩɩna ma nagɛ ŋɩɩ nɛ. Ʋ laa diine-la ŋaa pɛɩ nɛ.

2 Pɩɩta 2:20

Dɩ nɩaa nɛ kʋ jɩŋ La Tɩɩna Yesu Kirisito, a lɩɩsɛ ba tɩtɩa dʋnɩa wɩalɩŋ sɩ bɩ zɔŋ lɛ, aŋ bɩra leŋ dɩ wɩaa deemba malba a kɛŋ doluŋ ba lɛ, nɩaa deemba dɩdɛrɩŋ nɛ jaŋ bɔmɔ kɩɩ bʋa-la lɛ ba ha sɩ bɩ wʋtɩtɩɩ-la jɩŋ.

2 Pɩɩta 2:22

Wɩɩŋ deeŋ sɩ ŋaa nɩaa deemba lɛ daga arɩ namaga-la nɩaa sɩɩ magʋ ŋaa wʋtɩtɩɩ nɛ. Ba sɩ, “Vaha yie gbu kɩaa nɛ aŋ gʋra paa dii. Ba yie fo tooŋ ma lɩɩŋ, ka ʋ bɩra mʋ ŋmoo vʋchɔɔŋ.”

1 Jɔɔŋ 2:19

Ba lɩɩ la tʋɔŋ nɛ, ama la dɩ ba fa bɩ kʋbala ŋaa. Dɩ la dɩ ba nɛ fa ŋaa kʋbala, ba ma fa ha jaŋ hɛ la tʋɔŋ. Ama ba sɩ lɩɩ la tʋɔŋ nɛ daga arɩ la dɩ ba bɩ kʋbala ŋaa.

Juud 1:12

Dɩ ma nɩalɩŋ sɩ cho dɔŋɔ nɛ hilime dɩ ma dii kɩaa, nɩaa deemba yie guoli ma tʋɔŋ nɛ. Ba nagɛ nanchʋɔsʋŋ nɛ aa chei ma kʋdiile-la. Ba dʋndʋŋa wɩaa nɛ ba yie chɩl. Ba nagɛ duonuŋ sɩ yie tɩŋ nɛ, ka peliŋ ŋaa kiri ʋ bɩ nɩa. Ba bɩra nagɛ tɩɩsɩŋ sɩ maga dɩ ba nɛŋ nɛ aŋ bɩ nɛŋ. Ba jaŋ huro churiba dɩ ba sʋʋ.