Luuk 8:1 - WƖA TENIŊ

¹ Ŋɩɩ harɩŋ Yesu gɔllɔ to tabalaa arɩ tabiisiŋ a bʋbʋl Wɩa wʋzɔmɔ-la a tɩgɛ Wɩa kuorii-la lɛ. Ʋ harɩ-tooro-la fii arɩ balɩa to ʋ harɩŋ mʋ,

Luuk 8:1 ပူးပေါင်းရင်းမြစ်များ

Matiu 11:1

Yesu sɩ bʋl wɩaa deemba a pɩ ʋ harɩ-tooroo fii arɩ balɩa-la dɛrɛ, ʋ lɩɩ lee-la a mʋ dɩ ʋ dagɛ nɩaa aŋ pɛ bʋl Wɩa wɩaa tasɩ-la sɩ kpagɛ lee-la.

Matiu 13:19

Nɩalɩŋ sɩ yie nɩɩ Wɩa niiŋ wɩalɩŋ a mʋ tɩgɛ Wɩa kuorii-la lɛ aŋ bɩ ba bʋbʋɔŋ jɩŋ, ba nagɛ kʋdoho-la sɩ tel wombiiŋ lɛ nɛ. Sɩtaanɩ yie guu kɔ a kɛŋ wɩalɩŋ a liiri ba tʋɔŋ lɛ.

Matiu 4:23

Ŋɩɩ nɛ Yesu gɔllɛ Galilii tinteeŋ kala a dɩdagɛ nɩaa ba Wɩɩchʋɔlɛ dɩɩsɩŋ lɛ a bʋbʋl Wɩa wʋzɔmɔ-la wɩaa arɩ Wɩa kuorii-la wɩaa a pɩ nɩaa aŋ pɛ vɩvaarɛ nɩaa nyanyal dosunuŋ kala.

Matiu 9:35

Ŋɩɩ nɛ Yesu sii gɔllɛ tabalaa arɩ tabiisiŋ kala a dagɛ nɩaa Wɩɩchʋɔlɛ dɩɩsɩŋ lɛ a bʋl Wɩa wʋzɔmɔ-la a tɩgɛ Wɩa kuorii-la lɛ aŋ pɛ vaarɛ nɩaa nyanyal dosunuŋ.

Maak 1:39

Ʋ sii a mʋ gɔllɛ Galilii tinteeŋ kala a jʋʋ Wɩɩchʋɔlɛ dɩɩsɩŋ aa bʋl Wɩa wɩaa aŋ pɛ kikiri jɩŋ-bɔŋŋɔɔ ma nɩaa lɛ.

Luuk 1:80

Ŋɩɩ nɛ bile sii waa a hɛ yaraa a kɛŋ doluŋ arɩ wʋjɩmɩŋ. Ʋ mʋ hɛ tintee-hɩlɩŋ tʋɔŋ a mʋ yi tapʋlɩɩ-la ʋ sɩ kɛŋ ʋ tɩtɩa kaa kʋ lɩɩ dagɛ Iziral tɩŋŋaa.

Luuk 20:1

Tapʋlɩɩ kʋbala Yesu dɩdagɛ nɩaa Wɩa dɩɩ-bal-la lɛ a bʋbʋl Wɩa wʋzɔmɔ-la wɩaa. Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba arɩ Juu tɩŋŋaa kʋhɩasɩŋ sii kɔ ʋ teeŋ,

Luuk 4:18

“Wɩa Dɩŋ-zɔmʋŋ hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ heele bʋla pɩ nɩalɩŋ ba sɩ yuo kɛsɛ arɩ ba jaŋ jomba ta, a bɩra bʋla pɩ nyʋlɩmaa dɩ ba sɩaa jaŋ suri. Ʋ bɩra tɩmmɛ dɩ mɩ laa nɩaa ba sɩ nyaga bil a ta,

Luuk 9:6

Ŋɩɩ nɛ Yesu harɩ-tooro-la sii a gɔllɔ to tasɩŋ aa bʋl Wɩa wʋzɔmɔ-la wɩaa aŋ pɛ vaarɛ nɩaa lee-na kala ba sɩ mʋa.

Tɩntɩŋŋaa 10:38

Ma nɩɩ Yesu wɩaa nɛ. Wɩa joŋ ʋ Dɩŋ-zɔmʋŋ hɛ ʋ lɛ nɛ a pʋ doluŋ. Ʋ sii mʋ lee-kala, a ŋɩŋaa wʋzɔŋŋɔɔ pɩpɩ nɩaa, aa vaarɛ nɩalɩŋ kala Sɩtaanɩ sɩ nyaga bil. Wɩa fa hɛ ʋ teeŋ, ŋɩɩ nɛ tɩɩ ʋ wuo ŋɩŋaa wɩaa deemba kala.

Tɩntɩŋŋaa 13:32

La ma saa kɔ dɩ la bʋl Wɩa wʋzɔmɔ-la nɛ pɩma, wɩɩla Wɩa fa sɩ hɛ niiŋ a pɩ la naabalɩmaba arɩ ʋ jaŋ ŋaa.

Rom Tɩŋŋaa 10:15

Dɩ Wɩa nɛ bɩ nɩaa tɩma dɩ ba bʋl ʋ wɩaa, ɛɛ nɛ ba jaŋ wuo ŋaa bʋl ʋ wɩaa? Ba fa ŋmʋnsa Wɩa teniŋ tʋɔŋ a bʋl, “Ʋ ŋaa wʋzɔŋ nɛ nɩalɩŋ sɩɩ bʋl Wɩa wʋzɔmɔ-la sɩ kɔ.”