Luuk 7:42 - WƖA TENIŊ

⁴² Nɩaa deemba balɩa tʋɔŋ, kʋŋkala bɩ ʋ chɩmɩŋ wuo tiŋ. Ŋɩɩ nɛ kɩaa tɩɩna-la joŋ chɩŋ-la a chɛ ba kala. Nɩaa deemba balɩamɩŋ tʋɔŋ, kʋbɛɛ nɛ jaŋ cho baal-la woruŋ?”

Luuk 7:42 ပူးပေါင်းရင်းမြစ်များ

2 SAMƲƐL 14:13

Haal-la bɩra bʋl, “Bɛɛ nɛ saa tɩɩ ŋ bɩɩnɛ wɩɩ-la sɩ bɩ zɔŋ a mʋ tɩgɛ Wɩa nɩaa lɛ? Wɩɩ-la ŋ sɩ bʋla, ŋ tɩtɩa nɛ ŋ kɛŋ, ŋ sɩ bɩ leŋe ŋ bile ŋ sɩ kire ta mɩɩra kɔ.

WƖA YƖƖLAA 103:3

Ʋ nɛ joŋ mɩ wʋbɔŋŋɔɔ kala chɛmɛ, aŋ vaarɛ mɩ nyanyalaa kala.

AZAAYA 43:25

Mɩ nɛ Wɩa, mɩ nɛ joŋ ma wʋbɔŋŋɔɔ chɛma. Mɩ ŋaa ŋɩɩ a tɩŋ mɩ tɩtɩa wɩaa nɛ. Mɩ bɩra bɩ jaŋ liisi ma wʋbɔŋŋɔɔ wɩaa.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

Matiu 18:27

Ʋ kʋhɩaŋ-la fá ʋ nisusuŋ woruŋ a joŋ chɩŋ-la chɛʋ aŋ leŋ ʋ mʋ.

Matiu 18:34

Kuoru-la na baanɩŋ woruŋ ʋ nyuŋ a ŋaa ba kɛnʋ tɔ dɩa see dɩ ʋ tiŋ chɩŋ-la kala.”

Matiu 6:12

aŋ joŋ la wʋbɔŋŋɔɔ chɛla, arɩ la ma sɩ joŋ la dɔnsʋŋ tɩŋŋaa wʋbɔŋŋɔɔ chɛba ŋɩɩ.

Luuk 7:43

Ŋɩɩ nɛ Saamɔŋ bʋla pʋ dɩ ʋ bɩɩna arɩ nɩɩ-la chɩmɩŋ sɩ yʋga nɛ. Yesu bʋla pʋ dɩ wʋtɩtɩɩ nɛ.

Rom Tɩŋŋaa 3:24

Ama Wɩa lahɔrɩmɔ lɛ nɛ ʋ to Yesu Kirisito lɛ a laaba ta ba kɛŋ tʋɔpʋla ʋ sɩpaaŋ. Ʋ ŋaa ŋɩɩ chɔgɩta nɛ.

Rom Tɩŋŋaa 5:6

Bʋa-la lɛ la fa sɩ bɩ doluŋ kɛnɛ dɩ la wuo pɛ la tɩtɩa lɛ, Kirisito laa la wʋbɔŋ ŋaaraa nyuŋ sʋʋ nɛ.

Galiisia Nɩaa 3:10

Nɩalɩŋ sɩɩ chɛ dɩ ba to wɩalɩŋ Mosis sɩ bile lɛ a kɛŋ tʋɔpʋla, Wɩa ŋmɩɛsa hɛ ba lɛ nɛ, bɛɛ wɩaa Wɩa teniŋ tʋɔŋ ba bʋla arɩ nɩɩ-la kala sɩ bɩ wɩalɩŋ kala Mosis sɩ ŋmʋnsa bil ka to, Wɩa ŋmɩɛsa hɛ ʋ lɛ nɛ.

Ɛfɛsɩs Nɩaa 1:7

La sɩ mɛrɛ Kirisito lɛ ŋɩɩ, ʋ joŋ ʋ chalɩŋ jaasɛ la wɩaa a tiŋ la wʋbɔŋŋɔɔ chɩmɩŋ, dɩ Wɩa joŋ la wʋbɔŋŋɔɔ chɛla. Wɩa zile yʋga nɛ kɩŋkɛŋ la teeŋ,

Ɛfɛsɩs Nɩaa 4:32

Ama má kɛŋ zile dɔŋɔ lɛ, a fɩfá dɔŋɔ nenige. Má joŋ wɩaa chɩchɛ dɔŋɔ, arɩ Wɩa sɩ to Kirisito lɛ a joŋ ma wʋbɔŋŋɔɔ kala chɛma ŋɩɩ.

Koloosi Nɩaa 3:13

Má nyalɩmɛ a joŋ wɩaa chɩchɛ dɔŋɔ, dɩ ma nɛ kɛŋ wɩɩ arɩ dɔŋɔ. La Tɩɩna sɩ joŋ ma wʋbɔŋŋɔɔ chɛma ŋɩɩ, má ma joŋo chɩchɛ dɔŋɔ.