Luuk 7:39 - WƖA TENIŊ

³⁹ Farisii tɩɩna-la sɩ yɩrɛ Yesu dɩ ʋ kʋ dii kɩaa na wɩɩŋ deeŋ a bɩbɩɩnɛ ʋ tʋɔŋ lɛ, “Dɩ baala deeŋ sɛnɛ ŋaa Wɩa wʋlaabʋllʋ nɛ, ʋ fa jaŋ jɩŋ arɩ haala deeŋ sɩ digu ŋaa wʋbɔŋ ŋaarʋ nɛ.”

Luuk 7:39 ပူးပေါင်းရင်းမြစ်များ

2 KUOROO 5:20

Wɩa wʋlaabʋlla Elaasa tɩntɩnna Gehazi bʋl ʋ tʋɔŋ lɛ, “Mɩ nɩhɩaŋ leŋe Naamaŋ nɩɩ sɩma nɛ, ʋ sɩ bɩ kɩalɩŋ ʋ sɩ kaa kɔ dɩ ʋ pʋ kʋŋkala laa, La TƖƖNA sɩ weye wɩaa, mɩ jaŋ kiri ʋ libe a laa kʋŋ ʋ teeŋ.”

NAMAGABA 23:7

Ʋ yie bʋl, “Kʋ dii aŋ nyʋa,” ama ʋ tʋɔŋ bɩ ŋɩɩ cho. Ʋ yie bɩbɩɩnɛ chɩŋ-la ʋ sɩ ŋmobo wɩaa nɛ.

AZAAYA 65:5

Ba yie bʋl nɩaa lɛ, ‘Má sɩ́ la kʋ kpagɛ, la ŋaa nɩaa sɩ zɔmɔ nɛ kɩŋkɛŋ arɩ ma sɩ jaŋ digila.’ Mɩ bɩ jaŋ wuo sɛɩ pɩ nɩdosunuŋ deemba, ba wʋŋaalaa nagɛ nyʋɔsʋŋ sɩɩ jʋʋ mɩ mɩɩsɩŋ nɛ, a ŋaa nyiŋ sɩɩ dii tapʋl piliŋ.

Matiu 20:16

Ŋɩɩ nɛ Yesu bʋl, “Sɩpaalaaraa jaŋ bɩrɩmɛ harɩ-tooroo, dɩ harɩ-tooroo ma bɩrɩmɛ sɩpaalaaraa.”

Matiu 21:11

Nɩ-daŋ-la bʋl, “Yesu sɩ lɩɩ Nazarɛt sɩ hɛ Galilii tinteeŋ lɛ nɛ Wɩa wʋlaabʋllʋ-la.”

Maak 7:21

Ŋ tʋɔŋ lɛ nɛ ŋ yie bɩɩnɛ wʋbɔŋŋɔɔ ŋaanɩŋ a ŋɩŋaa bachɔrʋŋ arɩ hachɔrʋŋ wɩaa, a gɩgaa, a kpʋkpʋ nɩaa, a chɩchɛ nɩaa haalaa,

Luuk 12:17

Ŋɩɩ nɛ ʋ bɩɩnɛ ʋ tʋɔŋ lɛ, ‘Ɛɛ nɛ mɩ jaŋ ŋaa? Mɩ bɩra bɩ leriŋ kɛnɛ dɩ mɩ tʋɔlɛ mɩ kɩaa.’

Luuk 15:2

Ŋɩɩ nɛ Farisii tɩŋŋaa arɩ Wɩa teniŋ kerichiba suomo gʋgʋrɩmɛ wɩaa a bʋl, “Baala deeŋ leŋe wʋbɔŋ ŋaaraa kʋkɔ ʋ teeŋ nɛ aŋ pɛ leŋ ʋ dɩ ba kala didii kɩaa.”

Luuk 16:3

Ŋɩɩ nɛ baal-la bʋl ʋ tɩtɩa lɛ, ‘Mɩ kʋhɩaŋ ka chɛ dɩ ʋ kirimi nɛ mɩ tɩntɩŋŋaa lɛ. Bɛɛ nɛ mɩ jaŋ ŋaa? Mɩ bɩ doluŋ kɛnɛ dɩ mɩ pɛrɛ. Mɩ bɩra bɩ jaŋ wuo gɔllɔ sʋsʋl kɩaa ma. Mɩ jaŋ fɩfá hɩɩsɩŋ.

Luuk 18:4

Bumbuŋ kala baal-la vɩa dɩ ʋ pɛ ʋ lɛ. Ama ʋ sɩ yie vɛnɛɛ kɔ ʋ teeŋ ŋɩɩ, ŋɩɩ nɛ baal-la bʋla pɩ ʋ tɩtɩa, “Mɩ paala bɩ Wɩa ka fá, mɩ bɩ nuhuobiinee ma kaa tɩtɩŋ.

Luuk 3:8

Máa ŋaa wɩalɩŋ sɩ jaŋ dagɛ arɩ ma bɩrɩma lɩɩ ma wʋbɔŋŋɔɔ lɛ nɛ, aŋ sɩ́ bɩɩna bʋl Abɩraham sɩ ŋaa ma naabalɩma ŋɩɩ, Wɩa bɩ jaŋ dɔgɩsɛma. Mɩ jaŋ bʋla pɩma arɩ Wɩa paala jaŋ wuo ŋaa dɩ tabɩaa deemba ma sɩ na bɩrɩmɛ Abɩraham doho nɩaa.

Luuk 7:16

Fawʋllʋŋ kɛŋ nʋʋkala. Ba dɛnnɛ Wɩa a bʋl, “Wɩa wʋlaabʋllaa tʋɔŋ nɩbal nɛ kɔ la teeŋ. Wɩa kɔ dɩ ʋ laa ʋ nɩaa ta nɛ.”

Luuk 7:37

Dɩ haal kʋbala hɛ taŋ-la lɛ a ŋaa wʋbɔŋ ŋaarʋ. Haal-la nɩɩ Yesu wɩaa arɩ ʋ hɛ Farisii tɩɩna-la dɩa lɛ a didii kɩaa. Ŋɩɩ nɛ ʋ sii joŋ tʋlaalɩɩ loŋ a kaa mʋ jʋʋ dɩa-la.

Luuk 7:38

Ʋ sɩ jʋʋ dɩa-la, ʋ chɩŋ Yesu naasɩŋ sɛmɛ aŋ yel sɩlɩɩrɩŋ hɩhɛ Yesu naasɩŋ lɛ. Sɩlɩɩrɩŋ sɩ hɛ Yesu naasɩŋ lɛ ŋɩɩ, ʋ kɛŋ ʋ nyu-pʋnaa kaa tɩɩgɛ aŋ guori Yesu naasɩŋ, a bɩsɛ tʋlaalɩɩ-la hɛ ʋ naasɩŋ lɛ.

Luuk 7:40

Ŋɩɩ nɛ Yesu bʋla pɩ Saamɔŋ, “Saamɔŋ, mɩ kɛŋ wɩɩ nɛ dɩ mɩ bʋla pɩŋ.” Ŋɩɩ nɛ Saamɔŋ bʋla pʋ, “Mɩ kʋhɩaŋ, bʋla pɩmɛ.”

Jɔɔŋ 4:19

Ŋɩɩ nɛ haal-la bʋla pɩ Yesu, “Mɩ Tɩɩna, ʋ naga ŋ ŋaa Wɩa wʋlaabʋllʋ nɛ.”

Jɔɔŋ 7:12

Ŋɩɩ nɛ nɩalɩŋ sɩ hɛ gbiele-la leriŋ jesiŋ suomo munso bʋbʋl Yesu wɩaa. Dɔnsʋŋ sɩ, “Ʋ ŋaa nɩzɔŋ nɛ.” Dɔnsʋŋ ma bɩ sɛyɛ aŋ bʋl, “Ʋʋ nyɩsɛ nɩaa nɛ.”

Jɔɔŋ 9:24

Ŋɩɩ nɛ Farisii tɩmma-la bɩra yɩrɛ baal-la ba sɩ lʋla dɩ ʋ nyʋlɩma a bʋl, “La jɩma arɩ baala deeŋ ŋaa wʋbɔŋ ŋaarʋ nɛ. Wɩa sɩpaaŋ bʋl wʋtɩtɩɩ pɩla.”