Luuk 7:38 - WƖA TENIŊ

³⁸ Ʋ sɩ jʋʋ dɩa-la, ʋ chɩŋ Yesu naasɩŋ sɛmɛ aŋ yel sɩlɩɩrɩŋ hɩhɛ Yesu naasɩŋ lɛ. Sɩlɩɩrɩŋ sɩ hɛ Yesu naasɩŋ lɛ ŋɩɩ, ʋ kɛŋ ʋ nyu-pʋnaa kaa tɩɩgɛ aŋ guori Yesu naasɩŋ, a bɩsɛ tʋlaalɩɩ-la hɛ ʋ naasɩŋ lɛ.

Luuk 7:38 ပူးပေါင်းရင်းမြစ်များ

WƖAA DƖ-SUOMUŊ 18:4

Má leŋ dɩ mɩ kɛŋ lɩɩŋ mʋa kɔ dɩ ma sɔŋ ma naasɩŋ aŋ wiesi tɩa deeŋ bʋbʋɔŋ.

ƐZƖRA 10:1

Ɛzɩra fa sɩ chʋɔlɛ Wɩa aŋ pɛ dɩdagɛ wɩalɩŋ ba sɩ ŋaa chei, a yiyel a foro titel Wɩa dɩa sɩpaaŋ, ŋɩɩ nɛ Iziral tɩŋŋaa nɩ-daŋ, baalaa, haalaa arɩ hambiisiŋ kʋ chɩna gollu, a ma faasa yiyel.

WƖA YƖƖLAA 38:18

Mɩ dagɛ mɩ wʋbɔŋŋɔɔ pɩŋ nɛ, ba wɩaa ka walɩmɛmɛ nɛ woruŋ.

WƖA YƖƖLAA 51:17

Wɩɩsʋlɩɩ-la ŋ sɩɩ chɛ nɛ, dɩ la leŋ la tʋɔŋ faasa chei la wʋbɔŋŋɔɔ lɛ, dɩ la kɛŋ la tɩtɩa muuri. Wɩɩsʋlʋŋ deeŋ doho nɛ ŋ-na Wɩa chɩchɛ.

TƖƖCHA 9:8

Ŋɩŋaa wɩalɩŋ sɩ tɔrɛ ŋ tʋɔŋ bʋa-kala lɛ.

SOLOMOŊ YƖƖL-SƖMƖŊ 1:3

Ŋ tʋlaalɩ sʋɔra sɩma nɛ woruŋ. Ŋ yɩrɩŋ sɩma a nagɛ ba sɩ bɩsɛ tʋlaalɩ ta ʋ sʋsʋɔrɛ nɛ, daŋkʋnɛ, hatoloo kala choŋ ŋɩɩ.

AZAAYA 57:9

Ma yie tɩsɛ olif nʋʋŋ arɩ tʋlaalɩɩba, a kaa mʋ kpʋkpaarɛ vene-la ba sɩɩ yɩrɛ Mɔlɛk. Ma yie tɩŋ nɩaa ba mʋ dɩ-boloo arɩ lere-la ba sɩɩ yɩrɛ lɛlɛɛ-jaŋ a chɛ vesiŋ pɩma dɩ ma kpʋkpaarɛ.

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

JƐRƖMAAYA 31:9

Ba jaŋ kɔ aŋ yiyel, mɩ nɛ kɛmba mɩɩraa kɔ, ba jaŋ chʋchʋɔlɛmɛ. Mɩ jaŋ kɛmba to lere-la sɩ kɛŋ lɩɩŋ yʋgɛ, dɩ ba vɛŋ tinteeŋ sɩ magɛ dɔŋɔ nyuŋ a sɩ́ gɛrʋ, bɛɛ wɩaa mɩ nɛ Iziral tɩŋŋaa nyɩmma. Efirem nɛ ŋaa mɩ hambolibii bumbuŋ.

JOWƐL 2:12

La TƖƖNA sɩ, “Lɛɛlɛ, má mɩɩra kɔ mɩ teeŋ arɩ ma tʋɔŋ kala, a vɔɔ niiŋ aŋ pɛ faasa yiyel.”

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

Matiu 5:4

Wɩa jaŋ pɛ nɩalɩŋ sɩɩ yel lɛ. Ʋ jaŋ leŋ dɩ ba tʋɔŋ pɩŋ dɩ-bala.

Luuk 22:62

Ŋɩɩ nɛ Pɩɩta lɩɩ a faasa yel.

Luuk 6:21

Ma ma nɩalɩŋ losuŋ sɩ kɛnɛ lɛɛlɛ, Wɩa jaŋ pɛ ma lɛ. Ʋ jaŋ pɩma kʋdiilee dɩ ma dii a vɔgɛ. Ma nɩalɩŋ sɩɩ yel lɛɛlɛ, Wɩa ma jaŋ pɛ ma lɛ, bɛɛ wɩaa Wɩa jaŋ ŋaa ma mɔŋ.

Luuk 7:37

Dɩ haal kʋbala hɛ taŋ-la lɛ a ŋaa wʋbɔŋ ŋaarʋ. Haal-la nɩɩ Yesu wɩaa arɩ ʋ hɛ Farisii tɩɩna-la dɩa lɛ a didii kɩaa. Ŋɩɩ nɛ ʋ sii joŋ tʋlaalɩɩ loŋ a kaa mʋ jʋʋ dɩa-la.

Luuk 7:39

Farisii tɩɩna-la sɩ yɩrɛ Yesu dɩ ʋ kʋ dii kɩaa na wɩɩŋ deeŋ a bɩbɩɩnɛ ʋ tʋɔŋ lɛ, “Dɩ baala deeŋ sɛnɛ ŋaa Wɩa wʋlaabʋllʋ nɛ, ʋ fa jaŋ jɩŋ arɩ haala deeŋ sɩ digu ŋaa wʋbɔŋ ŋaarʋ nɛ.”

Jɔɔŋ 11:2

Mɛɛrɩ deeŋ nɛ fa bɩsɛ tʋlaalɩ hɛ Yesu naasɩŋ lɛ ŋɩɩ aŋ kɛŋ ʋ nyu-pʋnaa tɩɩgɛ. Ŋɩɩ nɛ Lazarɔs fa wʋwɩɩlɛ.

Jeems 4:9

Má leŋ dɩ ma tʋɔŋ chei. Máa yel, aa ŋmoo niiŋ. Má leŋ dɩ ma tʋɔtɔrʋŋ bɩrɩmɛ tʋɔ-cheeŋ.