Luuk 7:27 - WƖA TENIŊ

²⁷ Ʋ-na Jɔɔŋ wɩaa nɛ ba ŋmʋnsa bil Wɩa teniŋ tʋɔŋ, a bʋl dɩ Wɩa sɩ, ‘Má jegile nɩɩ mɩ teeŋ, mɩ jaŋ tɩŋ mɩ tɩndaara dɩ ʋ laa ŋ sɩpaaŋ a mʋ a wasɛ wombiiŋ biliŋ lɛ.’ ”

Luuk 7:27 ပူးပေါင်းရင်းမြစ်များ

AZAAYA 40:3

Nʋʋ nɛ heelee bʋl, “Má wasɛ wombiiŋ tintee-hɩlɩŋ lɛ a bil La TƖƖNA lɛ, má pori wombii-la dɩ ʋ tʋʋlɛ woruŋ a pɩ la Wɩa.

MALAKAƖ 3:1

La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

Matiu 11:10

Ʋ-na Jɔɔŋ wɩaa nɛ ba ŋmʋnsa bil Wɩa teniŋ tʋɔŋ arɩ Wɩa sɩ: ‘Mɩ jaŋ tɩŋ mɩ tɩndaara dɩ ʋ laa ŋ sɩpaaŋ a mʋ a wasɛ wombiiŋ bil ŋ lɛ.’ ”

Maak 1:2

Wɩa wʋlaabʋlla ba sɩɩ yɩrɛ Azaaya fa ŋmʋnsa arɩ Wɩa sɩ, “Mɩ jaŋ tɩŋ mɩ tɩndaara dɩ ʋ laa ŋ sɩpaaŋ mʋ a wasɛ wombiiŋ bil ŋ lɛ.”

Luuk 1:76

Zɛkarɩya sɩ bʋl wɩaa deemba dɛrɛ, ʋ bʋl wɩaa a tɩgɛ ʋ bie ma lɛ, “Ŋ-na mɩ bii, ŋ jaŋ ŋaa Wɩɩ-balɩŋ wʋlaabʋllʋ. Ŋ jaŋ laa La Tɩɩna-la sɩ jaŋ kɔ sɩpaaŋ a wasɛ wombiiŋ bil ʋ lɛ.

Luuk 7:26

Má saa dagɛmɛ kʋ-la ma sɩ mʋa dɩ ma na. Ma mʋa dɩ ma na Wɩa wʋlaabʋlla nɛɛ? Oo, mɩ jaŋ bʋla pɩma arɩ ma na nʋʋ sɩ kɩɩ Wɩa wʋlaabʋlla nɛ.

Luuk 7:28

Ŋɩɩ nɛ Yesu bɩra bʋla pɩ nɩaa a bʋl, “Jɔɔŋ nɛ kɩɩ nʋʋkala ba sɩ lʋla. Ama nɩɩ-la sɩ ŋaa nɩ-bie Wɩa kuorii-la tʋɔŋ, ʋ nɛ yʋga kɩɩ Jɔɔŋ.”

Jɔɔŋ 1:23

Ŋɩɩ nɛ Jɔɔŋ bʋl, “Mɩ nɛ ŋaa yikoro-la sɩ hɛ tintee-hɩlɩŋ lɛ a heelee bʋl, ‘Má wasɛ wombiiŋ dɩ ʋ tʋʋlɛ a pɩ La Tɩɩna.’ Ŋ-la nɛ Wɩa wʋlaabʋlla Azaaya fa bʋl dɩ ma ŋaa.”