Luuk 7:2 - WƖA TENIŊ

² Baal kʋbala nɛ fa hɛ nɩmɛ. Ʋ fa ŋaa Rom laalɩyuoroo kʋhɩaŋ nɛ a fa kɛŋ ʋ tɩntɩnna a chou woruŋ. Tɩntɩnnʋ-la wʋwɩɩlɛ a pɩna kikiigi.

Luuk 7:2 ပူးပေါင်းရင်းမြစ်များ

WƖAA DƖ-SUOMUŊ 24:27

aŋ bʋl, “Mɩɩ dɛnnɛ mɩ Tɩɩna, mɩ nɩhɩaŋ Abɩraham Wɩa, ʋ sɩ bɩ mɩ nɩhɩaŋ vɩa ta aŋ dagɛ ʋ zile arɩ ʋ wʋtɩtɩɩ, mɩ na dɩ La TƖƖNA nɛ kɛmmɛ vɛŋ wombiiŋ a kɔ mɩ nɩhɩaŋ nɩaa teeŋ.”

WƖAA DƖ-SUOMUŊ 35:8

Ŋɩɩ nɛ Debora, nɩɩ-la sɩɩ beŋ Rɩbɛka, sʋʋ. Ba joŋu hugi piine-la sɩ hɛ Bɛtɛl lɛ bʋbʋɔŋ. Ŋɩɩ nɛ ba hɛ lee-la yɩrɩŋ Alɔŋ Bakuf.

JOB 31:5

Dɩ mɩ nɛ fa to wʋnyɩɛrɩŋ harɩŋ, koo a nyɩnyɩsɛ nɩaa,

NAMAGABA 29:21

Dɩ ŋ nɛ kɛŋ ŋ tɩntɩnna pɩɛnɛ ʋ hambiriŋ kala lɛ, ʋ dɩdɛrɩŋ ʋ jaŋ leŋ dɩ ŋ tʋɔŋ chei.

Matiu 27:54

Laalɩyuoroo zɔlɔ kʋhɩaŋ arɩ laalɩyuoro-la fa sɩ chɩŋ nɩmɛ a bibeŋ Yesu a na tinteeŋ sɩ zigili ŋɩɩ arɩ wɩalɩŋ kala sɩ ŋaa, fawʋllʋŋ kɛmba. Ŋɩɩ nɛ ba bʋl, “Wʋtɩtɩɩ, baala deeŋ sɛnɛ ŋaa Wɩa Bii nɛ.”

Luuk 23:47

Ŋɩɩ nɛ dɩ laalɩyuoroo zɔlɔ kʋhɩaŋ kʋbala fa chɩŋ nɩmɛ. Ʋ na wɩɩ-la sɩ ŋaa, a dɛnnɛ Wɩa a bʋl, “Wʋtɩtɩɩ, baala deeŋ fa ŋaa tʋɔpʋl tɩɩna nɛ, ʋ bɩ wɩɩkala cheye.”

Luuk 7:1

Yesu sɩ bʋl wɩaa deemba kala a pɩ nɩalɩŋ dɛrɛ, ʋ sii mʋ taŋ kʋbala baa yɩrɛ Kapɛnam.

Luuk 7:3

Ŋɩɩ nɛ laalɩyuoroo kʋhɩaŋ-la nɩɩ Yesu wɩaa. Ʋ sɩ nɩɩ ŋɩɩ, ʋ lɩɩsɛ Juu tɩŋŋaa kʋhɩasɩŋ dɩ ba mʋ sʋlʋ dɩ ʋ kʋ vaarɛ ʋ tɩntɩnnʋ-la.

Tɩntɩŋŋaa 10:1

Baal kʋbala nɛ fa hɛ Sɩzarɩya lɛ, ʋ yɩrɩŋ nɛ Kɔnɩɩlɩas. Ʋ fa ŋaa laalɩyuoro-la ba sɩ kaa kpaa zɔlɔ zɔlɔ ba dɔŋɔ kʋhɩaŋ nɛ, laalɩyuoro-la ba sɩ kaa yɩrɛ Ɩtalɩ laalɩyuoroo.

Tɩntɩŋŋaa 10:7

Wɩa tɩndaarʋ-la sɩ bʋl wɩalɩŋ dɛrɛ, ʋ mɩɩra viiri. Ŋɩɩ nɛ aŋ ka Kɔnɩɩlɩas yɩrɛ ʋ dɩa tɩntɩnnaa balɩa a pɛ laalɩyuoro kʋbala lɛ. Laalɩyuoru-la ŋaa nɩalɩŋ sɩ yie hʋhɔŋ ʋ bʋbʋɔŋ dɔŋɔ nɛ a fɩfá Wɩa.

Tɩntɩŋŋaa 22:26

Ʋ sɩ nɩɩ wɩɩ-la Pɔɔl sɩ bʋla, ʋ ma bɩra mʋ ʋ kʋhɩaŋ teeŋ a bʋla pʋ, “Bee na ŋ sɩɩ chɛ dɩ ŋ ŋaa wɩɩ-la, baal-la ŋaa Rom tɩɩna nɛ.”

Tɩntɩŋŋaa 23:17

Ŋɩɩ nɛ Pɔɔl yɩrɛ laalɩyuoroo kʋhɩaŋ dɔŋɔ a bʋla pʋ, “Kɛŋ bapʋɔsɩ-bie deeŋ kaa mʋ ma kʋhɩaŋ teeŋ, ʋ kɛŋ wɩɩ nɛ dɩ ʋ bʋla pʋ.”

Tɩntɩŋŋaa 27:1

Ŋɩɩ nɛ ba vʋʋrɛ dɩ la jʋʋ lɩɩŋ daboro a mʋ Ɩtalɩ tinteeŋ. Ba joŋ Pɔɔl hɛ laalɩyuoroo kʋhɩaŋ kʋbala ba sɩɩ yɩrɛ Julias nɩsɩŋ lɛ a pɛ nɩalɩŋ dɔnsʋŋ ba sɩ kaa tɔ bɩnɩŋ dɩa lɛ. Julias lɩɩ Rom nɛ, a fa ŋaa Rom kuoru-balɩŋ laalɩyuoroo kʋhɩaŋ.

Tɩntɩŋŋaa 27:3

Taŋ ka pʋl dɩ la mʋ yi taŋ kʋbala baa yɩrɛ Sɩdɔŋ. Julias fa kɛŋ zile Pɔɔl teeŋ a pʋ wombiiŋ dɩ ʋ mʋ na ʋ nandɔnsʋŋ, dɩ ʋ nɩɩ chɛ kʋŋ ma, dɩ ba pɛ ʋ lɛ.

Tɩntɩŋŋaa 27:43

Ka laalɩyuoroo kʋhɩaŋ-la faa chɛ dɩ ʋ laa Pɔɔl ta, ŋɩɩ nɛ ʋ bʋla pɩba dɩ ba sɩ́ ŋɩɩ ŋaa. Ʋ ta bʋla pɩba arɩ nɩalɩŋ kala sɩ́ jɩŋ lɩɩŋ a hɛ lɩɩŋ daboro-la tʋɔŋ, dɩ ba laa sɩpaaŋ fɩla tuu a duoro mʋ lɩɩ-la niiŋ,

Koloosi Nɩaa 3:22

Yosuŋ, má to nɩalɩŋ sɩ ŋaa ma tɩŋŋaa dʋnɩa lɛ wɩɩ na-kala lɛ. Má sɩ́ tɩŋ bʋa-la dʋndʋŋ lɛ ba sɩɩ bemma, aa chɛ dɩ ba tʋɔŋ tɔrɛ ma nyuŋ. Ama má tɩŋ arɩ tʋɔ-bala a tɩŋ ma sɩɩ fá Wɩa wɩaa.