Luuk 7:16 - WƖA TENIŊ

¹⁶ Fawʋllʋŋ kɛŋ nʋʋkala. Ba dɛnnɛ Wɩa a bʋl, “Wɩa wʋlaabʋllaa tʋɔŋ nɩbal nɛ kɔ la teeŋ. Wɩa kɔ dɩ ʋ laa ʋ nɩaa ta nɛ.”

Luuk 7:16 ပူးပေါင်းရင်းမြစ်များ

WƖA YƖƖLAA 65:9

Ŋ nɩɩ beŋ tinteeŋ a leŋ duonuŋ nɩɩ hɩhɛ ʋ lɛ. Ŋ yie leŋ ʋ sɩŋ woruŋ, kʋdosunu kala nyʋ a wasɛ. Wɩa, ŋ fuonuŋ bɩ hʋ, ŋ nɛ leŋe kʋdiilee hɛ dʋnɩa lɛ, ŋɩɩ ŋ sɩ daga nɛ ŋɩɩ.

MOSIS KƐŊ IZIRAL TƖŊŊAA LƖƖ 4:31

Ŋɩɩ nɛ nɩalɩŋ laa dii. Ba sɩ nɩa dɩ La TƖƖNA na ba hɛɛ-la ba sɩɩ na Ijipiti tinteeŋ lɛ a chɩl ba wɩaa, ŋɩɩ nɛ ba kɛŋ ba nyusuŋ chugili a chʋɔlɛ Wɩa.

JƐRƖMAAYA 33:9

Ŋɩɩ nɛ tabalɩŋ deeŋ jaŋ laa yɩrɩŋ pɩmɛ dɩ mɩ tʋɔŋ tɔrɛ, dɩ nɩaa dɩdɛnnɛmɛ a zizilmi dʋnɩa tinteye-la kala nɩaa sɩ nɩɩ wʋzɔmɔ-la mɩ sɩ ŋaa pʋ sɩpaaŋ. Fawʋllʋŋ jaŋ kɛmba dɩ ba chichel a tɩŋ dʋa bal-la arɩ fɩɛl-la mɩ sɩ pʋ wɩaa.”

Matiu 15:31

Nɩ-daŋ-la sɩ na taŋŋaa dɩ baa bʋl wɩaa arɩ gbɛrɩgɛɛ sɩɩ vɛŋ, arɩ nyʋlɩmaa sɩaa sɩ suro, ʋ ŋaaba wʋkpuŋkpere. Ba dɩdɛnnɛ Iziral tɩŋŋaa Wɩa.

Matiu 21:11

Nɩ-daŋ-la bʋl, “Yesu sɩ lɩɩ Nazarɛt sɩ hɛ Galilii tinteeŋ lɛ nɛ Wɩa wʋlaabʋllʋ-la.”

Matiu 28:8

Ŋɩɩ nɛ ba lɩɩ vaaŋ-la leriŋ aa tuosi. Fawʋllʋŋ fa kɛmba nɛ, ama ba tʋɔŋ ma tɔrɛ. Ba fá mʋ dɩ ba bʋla pɩ Yesu harɩ-tooroo wɩɩ-la sɩ ŋaa.

Matiu 9:8

Nɩ-daŋ-la sɩ na ŋɩɩ, fawʋllʋŋ kɛmba. Ba dɛnnɛ Wɩa arɩ ʋ sɩ wuo joŋ doluŋ ŋɩɩ a pɩ nuhuobiinee.

Luuk 1:65

Nɩalɩŋ fa sɩ hɛ nɩmɛ a na wɩɩ-la sɩ ŋaa, fawʋllʋŋ kɛmba. Ba kɛŋ wɩɩ-la lɩɩ a bʋla gaarɛ Judiya tinteeŋ sɛmɛ-na kala, lee-la peelee sɩ yʋga.

Luuk 1:68

“Má leŋ dɩ la dɛnnɛ La Tɩɩna Iziral tɩŋŋaa Wɩa. Ʋ kɔ dɩ ʋ pɛ ʋ nɩaa lɛ nɛ a laaba ta.

Luuk 19:44

Ba jaŋ kpʋ ma nɩalɩŋ kala sɩ hɛ taŋ-la tʋɔŋ, ma dɩ ma biiriŋ kala. Tabɩɩ-bie ma bɩra bɩ jaŋ daŋ ʋ dɔŋɔ lɛ lee-la. Ma bɩ sɛyɛ bʋa-la lɛ Wɩa sɩ kɔ dɩ ʋ laama ta. Ŋɩɩ nɛ tɩɩ ba jaŋ ŋaa ŋɩɩ.”

Luuk 2:20

Ŋɩɩ nɛ pie-daara-la mɩɩra mʋmʋ, aŋ yɩɩ yɩɩlaa a dɩdɛnne Wɩa a tɩŋ ba sɩ na wɩalɩŋ kala Wɩa tɩndaarʋ-la sɩ bʋla pɩba.

Luuk 24:19

Ŋɩɩ nɛ ʋ pɩɛsɛba, “Wʋbɛɛ nɛ ŋɩɩ?” Ŋɩɩ nɛ ba bʋla pʋ, “Wɩɩ-la sɩ ŋaa Yesu sɩ lɩɩ Nazarɛt lɛ. Baala deeŋ fa ŋaa Wɩa wʋlaabʋllʋ nɛ. Wɩalɩŋ ʋ sɩɩ ŋaa arɩ wɩalɩŋ ʋ sɩɩ bʋl fa kɛŋ doluŋ Wɩa arɩ nuhuobiinee kala teeŋ.

Luuk 5:26

Ʋ ŋaa nɩalɩŋ kala fa sɩ hɛ nɩmɛ wʋkpuŋkpere. Fawʋllʋŋ kɛmba. Ba dɛnnɛ Wɩa a bʋl, “La na wʋkpuŋkpere jɩnɩŋ.”

Luuk 5:8

Saamɔŋ yɩrɩŋ dɔŋɔ ma nɛ fa ŋaa Pɩɩta. Saamɔŋ Pɩɩta sɩ na wɩɩ-la sɩ ŋaa, ʋ tuu kpirimi Yesu sɩpaaŋ aŋ bʋl, “Mɩ Tɩɩna, sii lɩɩ mɩ teeŋ. Mɩ ŋaa wʋbɔŋ-ŋaarʋ nɛ.”

Luuk 7:15

Baal-la sii sʋʋŋ lɛ a suomo bʋbʋl wɩaa. Ŋɩɩ nɛ Yesu joŋu pɩ ʋ naaŋ.

Luuk 7:39

Farisii tɩɩna-la sɩ yɩrɛ Yesu dɩ ʋ kʋ dii kɩaa na wɩɩŋ deeŋ a bɩbɩɩnɛ ʋ tʋɔŋ lɛ, “Dɩ baala deeŋ sɛnɛ ŋaa Wɩa wʋlaabʋllʋ nɛ, ʋ fa jaŋ jɩŋ arɩ haala deeŋ sɩ digu ŋaa wʋbɔŋ ŋaarʋ nɛ.”

Luuk 8:37

Ba sɩ nɩɩ wɩalɩŋ, fawʋllʋŋ kɛmba woruŋ. Ŋɩɩ nɛ taŋ-la nɩaa kala kʋ bʋla pɩ Yesu dɩ ʋ lɩɩ ba jaŋ lɛ. Ŋɩɩ nɛ Yesu sii jʋʋ lɩɩŋ daboro. Ba dɩ ʋ harɩ-tooroo duoro viiri.

Luuk 9:19

Ŋɩɩ nɛ ʋ harɩ-tooro-la bʋl, “Dɔnsʋŋ sɩ ŋ ŋaa Jɔɔŋ nɛ, Wɩa lɩɩ-fooru-la. Dɔnsʋŋ ma sɩ dɩ ŋ ŋaa Ɩlaaja nɛ. Dɔnsʋŋ ma sɩ ŋ ŋaa faafaa Wɩa wʋlaabʋlla-la dɔŋɔ sɩ sii sʋʋŋ lɛ nɛ.”

Jɔɔŋ 1:21

Ŋɩɩ nɛ ba bɩra pɩɛsʋ, “Kʋbɛɛ nɛ saa ŋ ŋaa? Ŋ nɛ ŋaa Ɩlaaja?” Ʋ bʋl, “Mɩ dee.” Ŋɩɩ nɛ ba bɩra pɩɛsʋ, “Ŋ nɛ ŋaa Wɩa wʋlaabʋllʋ-la la sɩɩ gbɛrʋ?” Ʋ bɩra bʋl, “Aɩ.”

Jɔɔŋ 1:25

Ŋɩɩ nɛ ba bɩra pɩɛsɛ Jɔɔŋ, “Ŋ dee bɩ Kirisito ŋaa, Nɩɩ-la Wɩa sɩ lɩɩsa, ŋ dee bɩ Ɩlaaja ma ŋaa, ŋ bɩra bɩ Wɩa wʋlaabʋllʋ ma ŋaa. Bɛɛ nɛ saa tɩɩ ŋ fufo nɩaa Wɩɩchʋɔlɛ lɩɩŋ?”

Jɔɔŋ 4:19

Ŋɩɩ nɛ haal-la bʋla pɩ Yesu, “Mɩ Tɩɩna, ʋ naga ŋ ŋaa Wɩa wʋlaabʋllʋ nɛ.”

Jɔɔŋ 6:14

Nɩalɩŋ sɩ hɛ nɩmɛ a na Yesu sɩ ŋaa wʋmagɩlɩŋ deeŋ, ba bʋl, “Wʋtɩtɩɩ, baala deeŋ nɛ sɛnɛ ŋaa Wɩa wʋlaabʋllʋ-la ba sɩ sɩ ʋ jaŋ kɔ dʋnɩa.”

Jɔɔŋ 9:17

Farisii tɩmma-la bɩra pɩɛsɛ baal-la, “Ʋ sɩ suri ŋ sɩaa ŋɩɩ, nɩbɛɛ nɛ ŋ bɩɩnɛ arɩ ʋ ŋaa?” Ŋɩɩ nɛ baal-la sɩ, “Ʋ ŋaa Wɩa wʋlaabʋllʋ nɛ.”

Tɩntɩŋŋaa 5:5

Ananɩas sɩ nɩɩ wɩɩŋ deeŋ, ʋ tele sʋʋ. Fawʋllʋŋ chaasa kɛŋ nɩalɩŋ ma kala sɩ nɩɩ wɩɩ-la sɩ ŋaa.

Tɩntɩŋŋaa 7:37

Mosis deeŋ nɛ fa bʋla pɩ Iziral tɩŋŋaa, ‘Wɩa jaŋ lɩɩsɛ nʋʋ ma tʋɔŋ a pɩma dɩ ʋ ŋaa ʋ wʋlaabʋllʋ a nagɛ mɩ-na Mosis.’ ”

Galiisia Nɩaa 1:24

Ba dɛnnɛ Wɩa woruŋ a tɩŋ mɩ wɩaa.

MOSIS BƖRA WULLI WƖA WOMBIIŊ 18:15

Ma TƖƖNA Wɩa jaŋ lɩɩsɛ nʋʋ ma naambiiriŋ tʋɔŋ a pɩma dɩ ʋ ŋaa ʋ wʋlaabʋlla a nagɛ mɩ-na Mosis. Ʋ maga dɩ má jegile nɩnɩɩ ʋ teeŋ.