Luuk 7:13 - WƖA TENIŊ

¹³ Yesu sɩ na haal-la, nenige kala kɛnʋ. Ʋ bʋla pʋ dɩ ʋ sɩ́ yel.

Luuk 7:13 ပူးပေါင်းရင်းမြစ်များ

WƖA YƖƖLAA 103:13

A nagɛ nyɩmma sɩɩ fá ʋ biiriŋ nisusuŋ ŋɩɩ, ŋɩɩ tɩtɩa nɛ La Tɩɩna ma fɩfá nɩalɩŋ sɩɩ zilu nenige.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

AZAAYA 63:9

Dɩ ba tʋɔŋ nɛ cheye, ʋ ma tʋɔŋ yie chei nɛ. La TƖƖNA tɩtɩa nɛ chɩŋ ba harɩŋ a laaba ta. Ʋ choba nɛ, a fá ba nenige a laaba ta. Bumbuŋ kala, ʋ chaasa beŋ ba nyuŋ nɛ woruŋ.

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

Maak 8:2

“Mɩ beŋ nɩaa deemba nenige kɛmmɛ nɛ. Ba hɛ mɩ teeŋ tapʋlaa batori nɛ ŋ-la, ba bɩ kʋdiilee na dɩ ba dii.

Luuk 10:1

Yesu sɩ bʋl wɩaa deemba dɛrɛ, ʋ lɩɩsɛ nɩaa mahɩŋ batori arɩ fii a kɛmba kaa kpaa balɩa balɩa, a tɩmba dɩ ba laa sɩpaaŋ mʋ lee-kala ʋ tɩtɩa sɩ jaŋ mʋ.

Luuk 11:1

Tapʋlɩɩ kʋbala Yesu chʋchʋɔlɛ Wɩa lee kʋbala. Ʋ sɩ chʋɔlɛ Wɩa dɛrɛ, ʋ harɩ-tooroo tʋɔŋ kʋbala kɔ ʋ teeŋ a bʋla pʋ, “La Tɩɩna, dagɛla ŋɩɩ la sɩ jaŋ chʋɔlɛ Wɩa, arɩ Jɔɔŋ fa sɩ dagɛ ʋ harɩ-tooroo ŋɩɩ.”

Luuk 11:39

Ŋɩɩ nɛ La Tɩɩna Yesu bʋla pʋ, “Ma-na Farisii tɩŋŋaa, ma yie chɛsɛ ma gbansɩŋ arɩ ma nyʋnyʋalʋsʋŋ harɩŋ woruŋ dɩ ba zɔŋ aŋ bɩ ba tʋɔŋ ka tiisi, ka ba tʋɔŋ kala birisi. Ma nagɛ nyʋnyʋalʋsʋŋ arɩ gbansɩŋ deemba nɛ. Ma yaraa nɛ zɔmɔ, ama ma tʋɔŋ lɛ ma kɛŋ yarɩ-bieriŋ arɩ tʋɔbɔmʋŋ.

Luuk 12:42

Ŋɩɩ nɛ La Tɩɩna mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la sɩ magɛ lɛ.

Luuk 13:15

Ŋɩɩ nɛ La Tɩɩna bʋla pʋ, “Ma kanfugi tɩŋŋaa deemba, ma tʋɔŋ kʋbɛɛ nɛ bɩ ʋ nɛŋ koo ʋ kakumo puro kaa lɩɩ ʋ nyʋnyʋa lɩɩŋ chɛ-wiesii-la chɛɛŋ?

Luuk 17:5

Ŋɩɩ nɛ Yesu nanzɔɔba-la bʋla pʋ, “La Tɩɩna, ŋaa dɩ la Wɩa laa diiniŋ yʋgɛ kɩŋkɛŋ.”

Luuk 17:6

Ŋɩɩ nɛ La Tɩɩna Yesu bʋla pɩba, “Dɩ ma laa diiniŋ nɛ fa magɛ kʋŋ biiŋ ba sɩɩ yɩrɛ masɩtad, ma fa jaŋ wuo bʋla pɩ tɩa dɩ ʋ churi ʋ tɩtɩa lɛ a mʋ chɔnsɛ mʋgʋ-balɩŋ tʋɔŋ. Ʋ fa jaŋ to ma niiŋ lɛ a ŋaa ŋɩɩ.”

Luuk 18:6

Ŋɩɩ nɛ La Tɩɩna Yesu bɩra bʋla pɩ nɩaa, “Má jegile nɩɩ wɩalɩŋ sarɩya diiru-la sɩ bɩ wʋtɩtɩɩ kɛnɛ sɩ bʋla.

Luuk 19:8

Yesu sɩ hɛ Zakɩyas dɩa lɛ ŋɩɩ, Zakɩyas sii chɩŋ a bʋla pɩ La Tɩɩna Yesu, “Mɩ Kʋhɩaŋ, jegile nɩɩ mɩ teeŋ. Mɩ jaŋ joŋ mɩ kɩaa kpaa magɛ dɔŋɔ a pɩ summoo. Dɩ mɩ nɛ gɩrɩmɛ nʋʋ maa, mɩ jaŋ tiŋ ʋ tɩɩna arɩ moribiee naansɩɩŋ bʋnɛsɛ.”

Luuk 22:61

Ŋɩɩ nɛ La Tɩɩna daasɛ a beŋ Pɩɩta. Ʋ liisi wɩɩ-la Yesu fa sɩ bʋla, “Ka dɩ ji-bele-na yel jɩnɩŋ, ŋ jaŋ bʋl naansɩɩŋ butori arɩ ŋ bɩ mɩ jɩŋ.”

Luuk 24:3

Ŋɩɩ nɛ ba jʋʋ bʋa-la tʋɔŋ, ama ba bɩ La Tɩɩna Yesu kʋsʋʋŋ na.

Luuk 24:34

a bʋbʋl, “Wʋtɩtɩɩ La Tɩɩna sɛnɛ sii sʋʋŋ lɛ nɛ ʋ kɛŋ ʋ tɩtɩa kʋ dagɛ Saamɔŋ nɛ.”

Luuk 7:12

Ʋ sɩ mʋ kpagɛ taŋ-la boi-baalɩŋ niiŋ dɩ baa yel yoho. Baal kʋbala nɛ sʋba. Ʋ nɛ fa ŋaa ʋ naaŋ bie kala. Ʋ naaŋ ma fa ŋaa yo-haal nɛ. Nɩaa yʋga a lɩɩ taŋ-la a kʋ chigi haal-la.

Luuk 7:14

Ŋɩɩ nɛ ʋ mʋ a digi daga-la ba fa sɩ joŋ sʋʋ-la hɛ. Nɩalɩŋ fa sɩ chʋŋ daga-la a kaa mʋ dɩ ba hugi, ba chɩŋ. Ŋɩɩ nɛ Yesu bʋla pɩ sʋʋ-la a bʋl, “Bapʋɔsɩ-bie, mɩ bʋla pɩŋ dɩ ŋ sii sʋʋŋ lɛ.”

Luuk 7:19

Ŋɩɩ nɛ Jɔɔŋ yɩrɛ ba tʋɔŋ nɩaa balɩa, a tɩmba dɩ ba mʋ Yesu teeŋ a pɩɛsʋ, “Ŋ nɛ nɩɩ-la Jɔɔŋ sɩ sɩ ʋ jaŋ kɔ koo la gbɩgbɛrɛ nʋʋ dɔŋ nɛ?” Ŋɩɩ nɛ ba mʋ Yesu teeŋ.

Luuk 8:52

Ba kʋ jʋʋ dɩa-la dɩ nɩalɩŋ kala sɩ hɛ nɩmɛ sime aa yel bile yoho. Ŋɩɩ nɛ Yesu bʋla pɩba, “Má sɩ́ yel, bile bɩ sʋba, doŋ nɛ ʋ pɩŋ.”

Jɔɔŋ 11:2

Mɛɛrɩ deeŋ nɛ fa bɩsɛ tʋlaalɩ hɛ Yesu naasɩŋ lɛ ŋɩɩ aŋ kɛŋ ʋ nyu-pʋnaa tɩɩgɛ. Ŋɩɩ nɛ Lazarɔs fa wʋwɩɩlɛ.

Jɔɔŋ 11:3

Ʋ dɩhaalaa tɩŋ ba mʋ bʋla pɩ Yesu, “La Tɩɩna, nɩɩ-la ŋ sɩ cho ka wɩɩlʋ nɛ.”

Jɔɔŋ 20:13

Ŋɩɩ nɛ ba pɩɛsʋ, “Haal, bɛɛ nɛ tɩɩ ŋ yiyel?” Ŋɩɩ nɛ ʋ bʋl, “Ba joŋ mɩ Tɩɩna Yesu kaa lɛl nɛ. Mɩ bɩ jɩŋ ba sɩ joŋu kaa mʋ bil lee-la.”

Jɔɔŋ 20:15

Ŋɩɩ nɛ Yesu ma pɩɛsɛ Mɛɛrɩ, “Bɛɛ nɛ tɩɩ ŋ yiyel? Kʋbɛɛ nɛ ŋ chɩchɛ?” Mɛɛrɩ fa bɩɩna baal-la sɩɩ beŋ ŋmaŋkaa-la nɛ. Ŋɩɩ nɛ ʋ pɩɛsʋ, “Kʋhɩaŋ, dɩ ŋ nɛ joŋo, dagɛmɛ lee-la ŋ sɩ kaa mʋ bil, dɩ mɩ mʋ joŋ.”

Jɔɔŋ 4:1

Ŋɩɩ nɛ Farisii tɩŋŋaa nɩɩ arɩ Yesu na nɩaa yʋgɛ a kɩɩ Jɔɔŋ, baa tou ʋ fufoba Wɩɩchʋɔlɛ lɩɩŋ.

Jɔɔŋ 6:23

Ba sɩ chɩŋ nɩmɛ ŋɩɩ, lɩɩŋ daborusuŋ dɔnsʋŋ lɩɩ Tabiiras kɔ lee-la, a kpagɛ lee-la Yesu fa sɩ lɔllɛ Wɩa aŋ joŋ boroboro pɩba ba dii.

1 Kɔrɩntɩ Nɩaa 7:30

Nɩalɩŋ sɩɩ yel maga dɩ ba nagɛ arɩ ba tʋɔŋ bɩ cheye, ka nɩalɩŋ sɩɩ mɔŋ maga dɩ ba naga arɩ ba tʋɔŋ bɩ tɔrɔ. Nɩalɩŋ sɩɩ yɔɔ kɩaa maga dɩ ba nagɛ arɩ ba bɩ kɩalɩŋ ba sɩɩ yɔɔ tɩɩ.

1 Tɛsalonaaka Nɩaa 4:13

Mɩ naambiiri, laa chɛ dɩ ma jɩŋ wʋtɩtɩɩ-la a mʋ tɩgɛ nɩalɩŋ sɩ sʋba lɛ, dɩ ma tʋɔŋ sɩ́ faasa chei a nagɛ nɩalɩŋ sɩ bɩ kʋŋkala ka yɩɛlɛ tʋɔŋ sɩ chei ŋɩɩ.

Hiburu TƖŊŊAA 2:17

Ŋɩɩ nɛ tɩɩ ʋ bɩrɩmɛ nuhuobiine a ma nagɛ ʋ naambiiri-la, ba wɩɩ-wɩɩkala lɛ. Ʋ ŋaa ŋɩɩ dɩ ʋ wuo kʋ ŋaa nɩalɩŋ sɩ tɩma pɩpɩ Wɩa nɩaa nyuŋ kʋhɩaŋ ʋ naambiiriŋ tʋɔŋ a ŋaa nʋʋ sɩɩ fa nɩaa nenige, a kɛŋ wʋtɩtɩɩ Wɩa tɩntɩŋŋaa lɛ, dɩ ŋɩɩ leŋ dɩ Wɩa joŋ nɩaa wʋbɔŋŋɔɔ chɛba.

Hiburu TƖŊŊAA 4:15

Yesu bɩ nagɛ Wɩɩsʋllɩ sɩpaalaaraa kʋhɩasɩŋ sɩ bɩ nɩaa nenige ka fá ŋɩɩ. Ʋ nɛ wuo fá la nenige a jɩŋ wɩalɩŋ sɩɩ walɩmɛla, bɛɛ wɩaa ba fa walɩmɛ ʋ ma nɛ. Sɩtaanɩ magɩsʋ nɛ arɩ ʋ sɩ magɩsɛla ŋɩɩ, ama ʋ bɩ wʋbɔŋ kala ŋaa.

SƖPAALAARAA 10:16

Ŋɩɩ nɛ ba joŋ vesi-la sɩ hɛ ba teeŋ ta, aŋ tuto La TƖƖNA. Ʋ chaasa fá ba nenige. Ʋ bɩra bɩ leŋe ba na hɛɛŋ.