Luuk 7:12 - WƖA TENIŊ

¹² Ʋ sɩ mʋ kpagɛ taŋ-la boi-baalɩŋ niiŋ dɩ baa yel yoho. Baal kʋbala nɛ sʋba. Ʋ nɛ fa ŋaa ʋ naaŋ bie kala. Ʋ naaŋ ma fa ŋaa yo-haal nɛ. Nɩaa yʋga a lɩɩ taŋ-la a kʋ chigi haal-la.

Luuk 7:12 ပူးပေါင်းရင်းမြစ်များ

WƖAA DƖ-SUOMUŊ 22:12

Ŋɩɩ nɛ Wɩa tɩndaarʋ-la bʋla pʋ, “Sɩ́ bile wɩɩkala ŋaa. Lɛɛlɛ mɩ jɩma ŋ fá Wɩa nɛ a laaʋ dii, bɛɛ wɩaa ŋ bɩ ʋ nii-la vɩa ʋ sɩ sɩ ŋ kɛŋ ŋ bii-bala-la kpʋ a nyɩga pʋ.”

WƖAA DƖ-SUOMUŊ 22:2

Ŋɩɩ nɛ Wɩa bʋl, “Kɛŋ Aɩzɩk ŋ bii-bala-la ŋ sɩ cho, a mʋ lee-la ba sɩɩ yɩrɛ Moria. Kpʋʋ peel-la nyuŋ mɩ sɩ jaŋ dagɩŋ a ŋaa kʋnyɩgaa Wɩɩsʋlʋŋ pɩmɛ.”

2 SAMƲƐL 14:7

Ŋɩɩ nɛ mɩ nyɩŋ-nɩaa kala sii a hosi mɩ-na ŋ tɩntɩnna nyuŋ a bʋl, ‘Joŋ ŋ bile sɩ kpʋ ʋ naambie a pɩla dɩ la ma kpʋʋ, a tɩŋ ʋ sɩ kpʋ ʋ naambie wɩaa. Baa chɛ dɩ ba kpʋʋ nɛ aŋ laa la tinteeŋ.’ Ma sɩɩ-bala sɩ ka, ʋ nɛ baa chɛ dɩ ba togi, dɩ mɩ bala yɩrɩŋ lɛl dʋnɩa lɛ.”

1 KUOROO 17:12

Haal-la bʋl, “Ŋ Tɩɩna Wɩa sɩ weye wɩaa, mɩ bɩ kʋdiilii kala kɛnɛ, kʋ-la kala mɩ sɩ kɛnɛ nɛ munuŋ nɩsɩŋ sɩɩŋ a hɛ gbaŋa lɛ arɩ nʋʋŋ ma mʋa loŋ lɛ. Daasɩŋ mʋa nɛ mɩɩ paa daha, dɩ mɩ kaa mʋ dɩa a ŋaa kʋdiile-la mʋa mɩ sɩ kɛnɛ dɩ mɩ dɩ mɩ nanʋala dii, ŋɩɩ harɩŋ, losuŋ nɛ la jaŋ kaa sʋʋ.”

1 KUOROO 17:18

Haal-la pɩɛsɛ Ɩlaaja, “Wɩa wʋlaabʋllʋ, bɛɛ nɛ ŋ ŋaa mɩ lɛ ŋ-la? Ŋ kɔ dɩ ŋ kpʋ mɩ nanʋala nɛ a liisimi mɩ wʋbɔŋŋɔɔ wɩaa?”

1 KUOROO 17:23

Ɩlaaja joŋ bile dɩa-la lɛ a kaa tuu pɩ ʋ naaŋ aŋ bʋl, “Na ŋ nanʋala, ʋ weye nɛ.”

1 KUOROO 17:9

“Guu sii a mʋ hɔŋ Zarɛfaf sɩ hɛ Sɩdɔŋ tinteeŋ lɛ. Mɩ bʋla pɩ yo-haal kʋbala sɩ hɛ lee-la nɛ dɩ ʋ pɩŋ kʋdiilee.”

2 KUOROO 4:16

Elaasa bʋla pɩ haal-la, “Harɩŋ jɩna bʋa deeŋ tɩtɩa lɛ, ŋ jaŋ kori hambolibie.” Haal-la bʋl, “Aɩ, mɩ nɩhɩaŋ, sɩ́ mɩ-na ŋ tɩntɩnna nyɩsʋ, ŋ ŋaa Wɩa nʋʋ nɛ.”

2 KUOROO 4:20

Tɩntɩnnʋ-la sɩ kɛnʋ kaa mʋ pɩ ʋ naaŋ, ʋ laaʋ bil ʋ naasɩŋ nyuŋ chʋchʋɔŋ kala a kaa mʋ wɩɩhɛyɛ bile sʋʋ.

JOB 29:13

Nɩalɩŋ naaŋ sɩɩ lieŋi sʋʋŋ bʋa lɛ yie bɛsɛ mɩ lɛ nɛ. Mɩ yie leŋ yo-haalaa kɛŋ tʋɔtɔrʋŋ nɛ.

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

Luuk 7:11

Yesu sɩ vaarɛ Rom laalɩyuoroo kʋhɩaŋ tɩntɩnnʋ-la, ʋ bɩ diene ka ʋ mʋ taŋ kʋbala baa yɩrɛ Neeŋ. Ʋ harɩ-tooroo arɩ nɩ-daŋ nɛ to ʋ harɩŋ mʋ.

Luuk 7:13

Yesu sɩ na haal-la, nenige kala kɛnʋ. Ʋ bʋla pʋ dɩ ʋ sɩ́ yel.

Luuk 8:52

Ba kʋ jʋʋ dɩa-la dɩ nɩalɩŋ kala sɩ hɛ nɩmɛ sime aa yel bile yoho. Ŋɩɩ nɛ Yesu bʋla pɩba, “Má sɩ́ yel, bile bɩ sʋba, doŋ nɛ ʋ pɩŋ.”

Jɔɔŋ 11:19

Juu tɩŋŋaa fa yʋga a lɩɩ Jerusalɛm kɔ Bɛtanɩ dɩ ba lɔllɛ Maata arɩ Mɛɛrɩ a tɩŋ ba dɩbaala sɩ sʋba wɩaa.

Tɩntɩŋŋaa 9:39

Pɩɩta sii to ba harɩŋ mʋ. Ʋ sɩ mʋ nɩmɛ, ba kɛnʋ jɩl lusuŋ nyuŋ dɩa-la. Yo-haalaa kala chɩna gollu a yiyel, a paa gɛrɩ-laalaa arɩ gɛrɩ-vɔbɩa-la Dɔkas sɩ yɛrɛ ʋ fa sɩ hɛ ʋ mɩɩsɩŋ lɛ, a dɩdagɛ Pɩɩta.

Tɩntɩŋŋaa 9:41

Pɩɩta mʋ yiu a kɛŋ ʋ nɩsɩŋ lɛ ʋ sii. Ŋɩɩ nɛ ʋ yɩrɛ nɩalɩŋ sɩ laa Yesu wɩaa dii arɩ yo-haala-la a joŋu pɩba. Ba kala naʋ dɩ ʋ bɩra weye.

Jeems 1:27

La Nyɩmma Wɩa wombiiŋ tonuŋ ʋ sɩ daga arɩ ʋ ŋaa wombii-tɩtɩɩ nɛ ŋ-la: Má pɩpɛ biisinsiŋ arɩ yo-haala-la sɩɩ na hɛɛŋ lɛ, aŋ lɩɩsɛ ma tɩtɩa dʋnɩa nɩaa wʋŋaalaa sɩ jaŋ leŋ dɩ ma kɛŋ disiniŋ lɛ.