Luuk 6:7 - WƖA TENIŊ

⁷ Wɩa teniŋ kerichiba arɩ Farisii tɩŋŋaa dɔnsʋŋ ma fa hɛ nɩmɛ. Baa chɛ dɩ ba na wɩɩ nɛ a to ŋɩɩ lɛ a kɛŋ Yesu, a bʋl dɩ ʋ chei ba kɩsɩŋ lɛ nɛ. Ba kala chaarɛ sɩaa bibenu dɩ ba na arɩ ʋ jaŋ vaarɛ baal-la chɛ-wiesii-la chɛɛŋ.

Luuk 6:7 ပူးပေါင်းရင်းမြစ်များ

WƖA YƖƖLAA 38:12

Nɩalɩŋ kala sɩ cho dɩ mɩ sʋba, ba hɛ bɛrɩsɩŋ nɛ dɩ ba kɛmmɛ. Nɩalɩŋ ma sɩɩ walɩmɛ dɩ ba ŋaamɛ wʋbɔŋ ka bʋl mɩ cheyiŋ wɩaa nɛ. Ba vʋʋrɛ mɩ wɩaa nɛ tapʋl-pilimiŋ kala.

AZAAYA 29:21

a pɛ nɩalɩŋ sɩɩ chei nɩaa yɩrɩŋ lɛ, nɩalɩŋ sɩ pɔ dɩ ba sɩ́ wʋcheeree dɔgʋsʋ aŋ yie nyɩɛ wɩaa sarɩya dɩ-diiliŋ a pɔ dɩ nɩalɩŋ sɩ bɩ wɩɩ cheye sɩ́ kʋsɩŋŋaa laa.

JƐRƖMAAYA 20:10

Mɩ nɩa dɩ nɩaa yʋga a munso bʋbʋl, “Fawʋllʋŋ hɛ lee-kala nɛ. Má wuoli ʋ bʋbʋɔŋ. Má leŋ la wuoli ʋ bʋbʋɔŋ.” Mɩ nandɔnsʋŋ kala nɩɩ gbɛrɛ dɩ mɩ tel a bʋbʋl, “Kapo la jaŋ wuo nyɩsʋ a yuo diiu a joŋ la baanɩŋ fɩɩsɛ ʋ lɛ.”

Matiu 5:39

Ama lɛɛlɛ mɩ jaŋ bʋla pɩma, dɩ nʋʋ nɛ ŋaa wʋbɔŋ ŋ lɛ, sɩ́ wʋbɔŋ-la joŋo timu. Dɩ nʋʋ nɛ fallɛ ŋ nadiiŋ chaŋkpaŋɩŋ lɛ, kɛŋ ŋ nagʋa chaŋkpaŋɩŋ ma kaa bɩrɩma pʋ.

Maak 3:2

Ba sɩ na Yesu dɩ ʋ jʋa, ba kala chaarɛ sɩaa a bibenu dɩ ba na arɩ ʋ jaŋ vaarɛ baal-la chɛ-wiesii-la chɛɛŋ. Baa chɛ dɩ ba na wɩɩ nɛ a to ŋɩɩ lɛ a kɛŋ Yesu a bʋl ʋ teeŋ dɩ ʋ chei ba kɩsɩŋ lɛ nɛ.

Luuk 13:14

Ŋɩɩ nɛ Wɩɩchʋɔlɛ dɩa-la kʋhɩaŋ na baanɩŋ arɩ Yesu sɩ vaarɛ nɩaa chɛ-wiesii-la chɛɛŋ. Ʋ bʋla pɩ nɩalɩŋ a bʋl, “Tapʋlaa balɩdʋ nɛ maga la tɩŋ tɩntɩŋŋaa. Ŋɩɩ wɩaa ma kɔ tapʋlɩa-la dɩ ba vaarɛma, ama chɛ-wiesii-la chɛɛŋ dee.”

Luuk 20:20

Ŋɩɩ nɛ ba bee chɩchɛ wombii-la ba sɩ jaŋ to a kɛnʋ. Ba joŋ moribiee kpal nɩaa ka dɩ ba fugi arɩ ba ŋaa nɩtɩtɩɩba nɛ, a magɩsɛ Yesu a pɩɛsʋ wɩaa dɩ ba na ʋ jaŋ bʋl wɩɩ chei, dɩ ba wuo to ŋɩɩ lɛ a kɛnʋ a kaa mʋ hɛ ba kuoru-balɩŋ nɩsɩŋ lɛ, dɩ ʋ ŋaaʋ ŋɩɩ kala ʋ sɩ cho.

Jɔɔŋ 9:16

Ŋɩɩ nɛ Farisii tɩŋŋaa dɔnsʋŋ bʋl, “Wɩa dee bɩ baala deeŋ tɩma, bɛɛ wɩaa ʋ bɩ la chɛ-wiesii-la kɩsɩŋ lɛ ka to.” Ŋɩɩ nɛ dɔnsʋŋ ma sɩ, “Ɛɛ nɛ nʋʋ sɩ ŋaa wʋbɔŋ ŋaarʋ jaŋ wuo ŋaa wʋmagɩlaa deemba?” Ŋɩɩ nɛ ba kpaa balɩa.