6 Chɛ-wiesii-la chɛɛŋ dɔŋɔ Yesu bɩra jʋʋ Wɩɩchʋɔlɛ dɩa a dɩdagɛ nɩaa, dɩ baal kʋbala ma fa hɛ nɩmɛ. Ʋ nadiiŋ nɩsɩŋ sʋba nɛ.
Kuoro Jerobuam sɩ nɩɩ wɩɩ-la Wɩa wʋlaabʋllʋ-la sɩ bʋla a tɩgɛ koru-la sɩ hɛ Bɛtɛl lɛ, ʋ chɩŋ koru-la bʋbʋɔŋ aŋ kɛŋ nɩsɩŋ tɩɛna chaasɛ baal-la aŋ bʋl, “Má kɛŋ baal-la.” Nɩsɩ-la ʋ sɩ kaa tɩɛna chaasɛ baal-la terigi, ʋ bɩra bɩ wuo kaa kʋʋrɛ.
Wɩɩŋ puu pie-daarɩ-tɔɔ-la sɩ vɩa piese-la ta. Ba jaŋ joŋ tokobiiŋ ta ʋ nɩsɩŋ lɛ, a tɔɔ ʋ nadiiŋ sɩɩŋ. A leŋ dɩ ʋ nɩsɩŋ sʋʋ, dɩ ʋ nadiiŋ sɩɩŋ ma nyʋlɩmɛ.”
Ŋɩɩ nɛ Yesu gɔllɛ Galilii tinteeŋ kala a dɩdagɛ nɩaa ba Wɩɩchʋɔlɛ dɩɩsɩŋ lɛ a bʋbʋl Wɩa wʋzɔmɔ-la wɩaa arɩ Wɩa kuorii-la wɩaa a pɩ nɩaa aŋ pɛ vɩvaarɛ nɩaa nyanyal dosunuŋ kala.
Chɛ-wiesii-la chɛɛ kʋbala Yesu jʋʋ Wɩɩchʋɔlɛ dɩa a dɩdagɛ nɩaa Wɩa wɩaa.
Ŋɩɩ nɛ Yesu pɩɛsɛ Wɩa teniŋ kerichiba arɩ Farisii tɩŋŋaa a bʋl, “Ʋ kɛŋ wombiiŋ nɛɛ dɩ la vaarɛ nyanyal tɩŋŋaa chɛ-wiesii-la chɛɛŋ koo?”
Ŋɩɩ nɛ Yesu mʋ Nazarɛt, lee-la ba sɩ lʋlʋ. Chɛ-wiesii-la chɛɛŋ ʋ mʋ jʋʋ Wɩɩchʋɔlɛ dɩa arɩ ʋ sɩ vɛnɛɛ ŋaa ŋɩɩ. Ŋɩɩ nɛ ʋ sii dɩ ʋ karɩmɛ Wɩa teniŋ a pɩ nɩaa. Ba joŋ Wɩa teniŋ sɛmɛ dɔŋɔ pʋ, teŋ-la Wɩa wʋlaabʋlla Azaaya sɩ ŋmʋnsa lɛ. Ʋ suri a na lee-la ba sɩ ŋmʋnsɛ ŋ-la a karɩmɛ,
Ŋɩɩ nɛ Yesu lɩɩ Nazarɛt lɛ a mʋ Kapɛnam sɩ hɛ Galilii tinteeŋ. Chɛ-wiesii-la chɛɛŋ ʋ mʋ jʋʋ Wɩɩchʋɔlɛ dɩa a dɩdagɛ nɩaa.
Bʋa kʋbala, chɛ-wiesii-la chɛɛŋ, Yesu arɩ ʋ harɩ-tooroo to nyonso baga tʋɔŋ bɩbal. Ŋɩɩ nɛ ʋ harɩ-tooro-la bori nyonso-la a chɩchaŋ.
Ŋɩɩ nɛ Yesu bɩra bʋla pɩba, “Mɩ-na Nuhuobiine Bie nɛ ŋaa chɛ-wiesii-la tɩɩna ŋɩɩ.”
Nyanyal tɩŋŋaa fa yʋga a hɛ pala-la tʋɔŋ. Dɔnsʋŋ nyʋlɩmɛ, dɔnsʋŋ fa ŋaa naasʋʋnʋŋ arɩ nasʋʋnʋŋ tɩŋŋaa, dɔnsʋŋ ma gbɛrɩgɛ. [
Ŋɩɩ nɛ Farisii tɩŋŋaa dɔnsʋŋ bʋl, “Wɩa dee bɩ baala deeŋ tɩma, bɛɛ wɩaa ʋ bɩ la chɛ-wiesii-la kɩsɩŋ lɛ ka to.” Ŋɩɩ nɛ dɔnsʋŋ ma sɩ, “Ɛɛ nɛ nʋʋ sɩ ŋaa wʋbɔŋ ŋaarʋ jaŋ wuo ŋaa wʋmagɩlaa deemba?” Ŋɩɩ nɛ ba kpaa balɩa.