Luuk 6:12 - WƖA TENIŊ

¹² Tapʋlɩɩ kʋbala Yesu jɩl peeliŋ nyuŋ dɩ ʋ chʋɔlɛ Wɩa. Ʋ chʋɔlɛ Wɩa ŋɩɩ deeŋ deeŋ taŋ pʋl.

Luuk 6:12 ပူးပေါင်းရင်းမြစ်များ

WƖA YƖƖLAA 22:2

Mɩ ŋmoo niiŋ wɩɩhɛyɛ arɩ tɩtaŋɩŋ kala nɛ, ama ŋ bɩ jegile nɩɩ, mɩ saa bɩ jaŋ leŋ.

AZAAYA 26:9

Mɩ dɩma arɩ mɩ tʋɔŋ kala hɩɛna aa chɛŋ nɛ tɩtaŋɩŋ kala. Dɩ ŋ nɛ dii tinteeŋ nɩaa sarɩya, dʋnɩa nɩaa kala jaŋ chɩchɛ dɩ ba jɩŋ tʋɔpʋla wombiiŋ.

DANƖƐL 6:10

Danɩɛl sɩ nɩa dɩ ba tɔ boŋ-la nɛ a ŋmʋnsa bil nʋʋkala jɩŋ, ʋ mɩɩra mʋ dɩa a jɩl ʋ lusuŋ nyuŋ dɩa, lee-la tokoroba sɩ suroo chaasɛ Jerusalɛm dɩɩrɩŋ. Nɩmɛ nɛ ʋ yie kpirime chʋɔlɛ Wɩa naansɩɩŋ butori tapʋlɩɩ kala, a lɔllʋ arɩ ʋ fa sɩ vɛnɛɛ ŋaa ŋɩɩ.

Matiu 5:1

Yesu sɩ na dɩ nɩaa yʋga ŋɩɩ, ʋ jɩl peeliŋ nyuŋ a hɔŋ nɩmɛ. Ʋ sɩ hɔnɔ, ʋ harɩ-tooroo kɔ ʋ teeŋ. Ʋ suomo bʋl wɩaa a dɩdagɛba aa bʋl,

Matiu 6:6

Ama dɩ ma nɩɩ chɛ dɩ ma chʋɔlɛ Wɩa, má jʋʋ ma dɩɩsɩŋ a kɛŋ borusuŋ tɔ aŋ sʋl ma Nyɩmma-la ma sɩ bɩ na. Ʋ-na ka na wɩɩ-la ma sɩ faa ŋɩŋaa nɛ, ʋ jaŋ timma.

Maak 1:35

Chʋchʋɔ-fɩɛla, Yesu sii lɩɩ dɩa-la lɛ a mʋ lee-la nɩaa sɩ tuo a chʋchʋɔlɛ Wɩa.

Maak 3:13

Yesu sii a mʋ lee-la sɩ kɛŋ peelee a yɩrɛ nɩalɩŋ ʋ sɩɩ chɛ, ba mʋ ʋ teeŋ.

Maak 6:46

Ʋ sɩ ta nɩalɩŋ, ʋ mʋ jɩl peel kʋbala nyuŋ dɩ ʋ chʋɔlɛ Wɩa.

Luuk 5:16

Ka Yesu yie sii mʋ lee nɩaa sɩ tuo a chʋɔlɛ Wɩa.

Luuk 6:11

Yesu fa sɩ ŋaa ŋɩɩ, baanɩŋ faasa kɛŋ Farisii tɩŋŋaa arɩ Wɩa teniŋ kerichiba-la. Ba vʋvʋʋrɛ ŋɩɩ ba sɩ jaŋ ŋaa ʋ lɛ.

Luuk 6:17

Ŋɩɩ nɛ Yesu arɩ ʋ nanzɔɔba-la lɩɩ peel-la nyuŋ kʋ tuu a chɩŋ tinteeŋ, dɩ ʋ harɩ-tooroo dɔnsʋŋ ma hɛ nɩmɛ a yʋgɛ. Nɩaa dɔnsʋŋ ma yʋga a hɛ nɩmɛ a lɩɩ Judiya tinteeŋ, dɔnsʋŋ lɩɩ Jerusalɛm, dɔnsʋŋ ma lɩɩ Taaya arɩ Sɩdɔŋ tinteeŋ a kpagɛ mʋgʋ-balɩŋ niiŋ.

Luuk 9:18

Tapʋlɩɩ kʋbala Yesu dʋndʋŋa chʋchʋɔlɛ Wɩa. Ʋ harɩ-tooroo ma hɛ ʋ teeŋ. Ŋɩɩ nɛ ʋ pɩɛsɛba, “Kʋbɛɛ nɛ nɩaa sɩ mɩ ŋaa?”

Luuk 9:28

Yesu sɩ bʋl wɩaa deemba kala dɛrɛ, ʋ tapʋlaa chori chɛɛŋ ʋ sii kɛŋ Pɩɩta arɩ Jɔɔŋ arɩ Jeems ba jɩl peeliŋ nyuŋ dɩ ba chʋɔlɛ Wɩa.

Luuk 9:29

Yesu fa sɩɩ chʋɔlɛ Wɩa ŋɩɩ, ʋ sɩaa bɩrɩmɛ. Ʋ gɛnnɩŋ ma pʋllɛ a nagɛ duonuŋ sɩ lɩgɩsa.

Jɔɔŋ 6:3

Ŋɩɩ nɛ Yesu arɩ ʋ harɩ-tooroo mʋ jɩl peeliŋ nyuŋ a hɔŋ nɩmɛ.

Koloosi Nɩaa 4:2

Má chʋchʋɔlɛ Wɩa bʋa na-kala a sɩ́ leŋ, a pɔ ma tɩtɩa lɛ, aa lɔllɛ Wɩa.

Hiburu TƖŊŊAA 5:7

Yesu fa sɩ hɛ ʋ mɩɩsɩŋ lɛ dʋnɩa deeŋ lɛ, ʋ chʋɔlɛ Wɩa a faasa yel sɩlɩɩrɩŋ a sʋl Wɩa, ʋ-na nɩɩ-la sɩ jaŋ wuo laa ʋ mɩɩsɩŋ ta dɩ ʋ sɩ́ sʋʋ. Yesu kɛŋ ʋ tɩtɩa muuri nɛ a ŋaa wɩalɩŋ sɩɩ tɔrɛ Wɩa tʋɔŋ, ŋɩɩ nɛ tɩɩ Wɩa laa ʋ Wɩɩsʋlʋŋ.

1 SAMƲƐL 15:11

“Mɩ tʋɔŋ kala nɛ cheye mɩ sɩ leŋe Sɔɔl dii kuoruŋ, bɛɛ wɩaa ʋ joŋ harɩŋ a yɩamɛ nɛ, a bɩ wɩalɩŋ mɩ sɩ daga ka to.” Wɩɩ-la walɩmɛ Samʋɛl woruŋ, ʋ bɛrɛ doŋ tɩtaŋɩŋ kala a sʋl La TƖƖNA.