Luuk 5:8 - WƖA TENIŊ

⁸ Saamɔŋ yɩrɩŋ dɔŋɔ ma nɛ fa ŋaa Pɩɩta. Saamɔŋ Pɩɩta sɩ na wɩɩ-la sɩ ŋaa, ʋ tuu kpirimi Yesu sɩpaaŋ aŋ bʋl, “Mɩ Tɩɩna, sii lɩɩ mɩ teeŋ. Mɩ ŋaa wʋbɔŋ-ŋaarʋ nɛ.”

Luuk 5:8 ပူးပေါင်းရင်းမြစ်များ

2 SAMƲƐL 6:9

Fawʋllʋŋ kɛŋ Devit tapʋlɩɩ-la a tɩŋ La TƖƖNA wɩaa. Ʋ bʋl, “Ɛɛ nɛ mɩ jaŋ wuo ŋaa a joŋ Wɩa niiriŋ daga-la kaa kɔ mɩ teeŋ?”

1 KUOROO 17:18

Haal-la pɩɛsɛ Ɩlaaja, “Wɩa wʋlaabʋllʋ, bɛɛ nɛ ŋ ŋaa mɩ lɛ ŋ-la? Ŋ kɔ dɩ ŋ kpʋ mɩ nanʋala nɛ a liisimi mɩ wʋbɔŋŋɔɔ wɩaa?”

JOB 40:4

“Mɩ bɩ kʋŋkala ŋaa, wʋbɛɛ nɛ mɩ jaŋ wuo laa bʋl ŋ niiŋ lɛ? Mɩ tɔ mɩ niiŋ nɛ, mɩ bɩ jaŋ bʋl wɩɩkala.

MOSIS KƐŊ IZIRAL TƖŊŊAA LƖƖ 20:19

aŋ bʋla pɩ Mosis, “Ŋ tɩtɩa bʋl wɩaa pɩpɩla, la jaŋ jegile nɩɩ. Sɩ́ leŋe dɩ Wɩa nɛ bʋla pɩla, dɩ ŋɩɩ dee, la jaŋ sʋʋ.”

AZAAYA 6:5

Ŋɩɩ nɛ mɩ ŋmoo niiŋ a bʋl, “Wɩɩŋ jʋʋmɛ, mɩ sʋʋ dɛrɛ, bɛɛ wɩaa wɩalɩŋ sɩ to mɩ niiŋ lɩlɩɩ kɛŋ disiniŋ nɛ, nɩalɩŋ tʋɔŋ ma mɩ sɩ hɛ wʋbʋlaa kɛŋ disiniŋ nɛ, ka mɩ na La TƖƖNA doluŋ kala Tɩɩna sɩ ŋaa kuoro.”

Matiu 17:6

Yesu harɩ-tooro-la sɩ nɩɩ nɩɩ-la yikoro, fawʋllʋŋ kɛmba, ba tuu tel tinteeŋ.

Matiu 2:11

Ba sɩ mʋ yi lee-la bii-mulo-la sɩ hɛ, chɛnwʋl-la chɩŋ dɩa-la nyuŋ. Ba mʋ jʋʋ dɩa-la a na bii-mulo-la arɩ Mɛɛrɩ, ʋ naaŋ. Ba tuu kpirimi ʋ sɩpaaŋ a chʋɔlʋ. Ŋɩɩ nɛ ba puri ba chʋgʋsʋŋ a lɩɩsɛ kɩaa pʋ: Sɛlɩmɛ, tɩɩ-kel-zɔŋ baa yɩrɛ fɩraŋkɩsɛŋ arɩ tɩɩ-kel-zɔŋ dɔŋɔ baa yɩrɛ mɛɛ.

Matiu 8:8

Ama baal-la bʋla pʋ, “Mɩ Tɩɩna, mɩ bɩ maga dɩ ŋ kʋ jʋʋ mɩ dɩa. Ŋ-na yaa suri ŋ niiŋ a bʋl dɩ mɩ tɩntɩnnʋ-la duori, ʋ jaŋ duori.

Luuk 5:7

Dɩ ba nandɔnsʋŋ hɛ lɩɩŋ daboro dɔŋɔ tʋɔŋ. Ŋɩɩ nɛ ba yɩrɛba dɩ ba kʋ pɛ ba lɛ. Ba kɔ a chaarɛ chenfile-la a su lɩɩŋ daborusu-la balɩamɩŋ kala. Ba paala chɩchɛ dɩ ba tuu lɩɩŋ bʋbʋɔŋ.

Luuk 5:9

Ba sɩ kɛsɛ chenfile-la yʋgɛ ŋɩɩ, ʋ ŋaa Pɩɩta arɩ nɩalɩŋ kala wʋkpuŋkpere.

Jɔɔŋ 11:32

Mɛɛrɩ sɩ yi lee-la Yesu fa sɩ hɛ a naʋ, ʋ tuu tel ʋ naasɩŋ lɛ aŋ bʋl, “Mɩ Tɩɩna, dɩ ŋ nɛ fa hɛ daha, mɩ dɩbaala fa bɩ jaŋ sʋʋ.”

1 Kɔrɩntɩ Nɩaa 13:12

Lɛɛlɛ la sɩ hɛ dʋnɩa deeŋ lɛ, ʋ naga laa beŋ Kirisito liigu liigu nɛ, a nagɛ nɩaa sɩ beŋ beenantɩrɛ lɛ a na kʋa liigu. La bɩ Kirisito chaasa nɩna woruŋ, ama maachie la sɩaa jaŋ na dɔŋɔ. Lɛɛlɛ mɩ jɩmʋ mʋa nɛ, ama maachie mɩ jaŋ chaasa jɩmʋ woruŋ, arɩ Wɩa sɩ jɩmmɛ ŋɩɩ.

Jɔɔŋ Wʋnaalaa 1:17

Mɩ sɩ naʋ ŋɩɩ, mɩ tuu tel ʋ sɩpaaŋ a pɩŋ nɩmɛ chɩm a nagɛ dɩ mɩ sʋba. Ŋɩɩ nɛ ʋ joŋ ʋ nadiiŋ nɩsɩŋ daŋ mɩ lɛ aŋ bʋla pɩmɛ, “Sɩ́ fawʋllʋŋ fá, mɩ nɛ ŋaa Nɩɩ-la fa sɩ hɛ nɩmɛ bumbuŋ arɩ Nɩɩ-la sɩ jaŋ hɛ nɩmɛ dʋnɩa dɩdɛrɩŋ.

SƖPAALAARAA 13:22

Ŋɩɩ nɛ Manʋa bʋla pɩ ʋ haala, “La jaŋ sʋʋ, a tɩŋ la sɩ na Wɩa.”

1 SAMƲƐL 6:20

Ŋɩɩ nɛ Bɛf Sɛmɛs tɩŋŋaa pɩɛsɛ dɔŋɔ, “Kʋbɛɛ nɛ jaŋ wuo chɩŋ La TƖƖNA Wɩa deeŋ sɩ bɩ disiniŋ kɛnɛ sɩpaaŋ? Kʋbɛɛba teeŋ nɛ Wɩa niiriŋ daga deeŋ jaŋ mʋ lɛɛlɛ?”