Luuk 5:34 - WƖA TENIŊ

³⁴ Ŋɩɩ nɛ Yesu ma pɩɛsɛba, “Dɩ nʋʋ nɛ mʋ jaa haala kaa kɔ, dɩ ʋ dɩ ʋ nandɔnsʋŋ gbigbieli hajaarɩ gbiele, ʋ nandɔnsʋŋ jaŋ vɔɔ niiŋ? Aɩ, ba bɩ niiŋ ka vɔɔ.

Luuk 5:34 ပူးပေါင်းရင်းမြစ်များ

SOLOMOŊ YƖƖL-SƖMƖŊ 5:8

Jerusalɛm toloo, mɩɩ sʋlma dɩ ma nɛ na mɩ hɩɩla-la. Má bʋla pʋ arɩ mɩɩ sʋʋ ʋ wɩaa nɛ.

SOLOMOŊ YƖƖL-SƖMƖŊ 6:1

Haalaa tʋɔŋ ha-zɔmʋŋ, nɩɩ nɛ ŋ hɩɩla mʋ? Nɩɩ nɛ ŋ hɩɩla to mʋ? Dagɛla dɩ la pɛ ŋ lɛ a chɛʋ.

AZAAYA 54:5

Nɩɩ-la sɩ ŋaaŋ nɛ jaŋ nagɛ ŋ bala lɛɛlɛ. Ʋ yɩrɩŋ nɛ ŋ TƖƖNA doluŋ kala Tɩɩna Iziral tɩŋŋaa Wɩa sɩ bɩ disiniŋ kɛnɛ. Ʋ nɛ ŋaa ŋ Laataara. Ʋ nɛ dʋnɩa kala Wɩa.

AZAAYA 62:5

A nagɛ bapʋɔsʋŋ sɩ yie jaa hatolo ŋɩɩ, ŋɩɩ tɩtɩa nɛ ŋ biiriŋ jaŋ kʋ laa ŋ tinteeŋ a tɩɩ. Wɩa tʋɔŋ jaŋ tɔrɛ ŋ nyuŋ a nagɛ baala tʋɔŋ sɩ yie tɔrɛ ʋ ha-falɩŋ nyuŋ ŋɩɩ.

ZEFANAAYA 3:17

Ma TƖƖNA Wɩa hɛ ma teeŋ nɛ, ʋ kɛŋ doluŋ nɛ dɩ ʋ laama ta. Ʋ tʋɔŋ jaŋ faasa tɔrɛ ma nyuŋ, ʋ chonuŋ jaŋ leŋ dɩ ma hɔŋ sɔm, dɩ ʋ yɩɩ tʋɔtɔrɛ yɩɩlaa a jʋɔsɛ ma wɩaa.”

Matiu 22:2

Ʋ sɩ, “Wɩa kuorii-la nagɛ kuoru kʋbala bie sɩ jaa haala nɛ. Ŋɩɩ nɛ ʋ ŋaa ba gbigbieli hajaarɩ gbiele a ŋaa ba yɩrɛ nɩaa dɩ ba kɔ gbiele-la.

Matiu 9:15

Ŋɩɩ nɛ Yesu pɩɛsɛba, “Dɩ nʋʋ nɛ mʋ jaa haal kaa kɔ, dɩ ʋ dɩ ʋ nandɔnsʋŋ hɔŋ, ʋ nandɔsʋ-la tʋɔŋ jaŋ chei? Aɩ. Ama chɛɛ dɔŋ nɛ hɛ nɩmɛ, ba jaŋ kɛŋ baal-la kaa mʋ lee, aŋ ka dɩ ʋ nandɔsʋ-la vɔɔ niiŋ.”

Luuk 5:33

Ŋɩɩ nɛ nɩaa dɔnsʋŋ kʋ pɩɛsɛ Yesu a bʋl, “Jɔɔŋ Wɩa lɩɩ-fooru-la harɩ-tooroo yie vʋvɔɔ niiŋ nɛ aŋ pɛ chʋchʋɔlɛ Wɩa bʋa na-kala lɛ. Farisii tɩŋŋaa harɩ-tooroo ma ŋɩŋaa ŋɩɩ tɩtɩa. Bɛɛ nɛ tɩɩ ŋ-na harɩ-tooroo bɩ niiŋ ka vɔɔ?”

Luuk 5:35

Ama chɛɛ dɔŋ hɛ nɩmɛ, ba jaŋ kɛŋ baal-la kaa mʋ lee, ka ʋ nandɔsʋ-la vɔɔ niiŋ.”

Jɔɔŋ 3:29

Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

2 Kɔrɩntɩ Nɩaa 11:2

Wɩa tʋɔŋ sɩɩ wɩɩ ma lɛ ŋɩɩ, ŋɩɩ tɩtɩa nɛ mɩ ma tʋɔŋ wʋwɩɩ ma lɛ. Ma nagɛ hatolo mɩ sɩɩ chɛ dɩ mɩ joŋo pɩ bala nɛ, ma bala nɛ ŋaa Kirisito. Mɩ saa chɛ dɩ ma nagɛ hatolo-la sɩ bɩ baal jɩŋ, a bɩ disiniŋ kɛnɛ nɛ dɩ mɩ jomma a pʋʋ.