Luuk 5:32 - WƖA TENIŊ

³² Mɩ kɔ dɩ mɩ yɩrɛ wʋbɔŋ ŋaaraa nɛ dɩ ba leŋ ba wʋbɔŋŋɔɔ. Nɩalɩŋ sɩ kɛŋ tʋɔpʋla mɩ sɩpaaŋ dee mɩ kɔ mɩ yɩrɛ.”

Luuk 5:32 ပူးပေါင်းရင်းမြစ်များ

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

Matiu 18:10

Ŋɩɩ nɛ Yesu bɩra sɩ, “Má fɩɛlɛ ma sɩaa a sɩ́ bee gʋʋnɛ hambiisiŋ deemba kʋŋkala. Mɩ bʋlaa pɩma, Wɩa ta ʋ tɩndaaraa nɛ dɩ ba bibemba. Ba hɛ Wɩa-jaŋ bʋa na-kala lɛ, mɩ Nyɩmma sɩ hɛ lee-la. [

Matiu 9:13

Má mʋ a beŋ Wɩa teniŋ tʋɔŋ a na wɩɩ-la ba sɩ ŋmʋnsa bʋbʋɔŋ. Ba ŋmʋnsa arɩ Wɩa sɩ, ‘Mɩ cho dɩ ma fɩfá nɩaa nenige nɛ a kɩɩ ma sɩ kpʋ pʋsʋŋ pɩpɩmɛ.’ Mɩ kɔ dɩ mɩ yɩrɛ wʋbɔŋ ŋaaraa nɛ dɩ ba leŋ ba wʋbɔŋŋɔɔ, nɩalɩŋ sɩ kɛŋ tʋɔpʋla mɩ sɩpaaŋ dee.”

Maak 15:10

Ʋ fa jɩma arɩ Wɩɩsʋllɩ sɩpaalaaraa kʋhɩasɩŋ yaraa bieri nɛ, ŋɩɩ nɛ tɩɩ ba kɛŋ Yesu a kɔ ʋ teeŋ.

Maak 15:7

Dɩ nɩaa dɔnsʋŋ ma fa hɛ nɩtɔɔrɩ dɩa lɛ, ba fa hɛ yuosuŋ nɛ a kpʋ nɩaa. Ba kɛmba kaa mʋ tɔ dɩa, ba dɔŋɔ yɩrɩŋ nɛ Barabas.

Maak 2:17

Yesu sɩ nɩɩ wɩɩ-la, ʋ bʋla pɩba, “Nɩalɩŋ sɩ kɛŋ yarɩfɩɛlaa bɩ daaluŋ ŋaara ka chɛ, see nɩalɩŋ sɩɩ wɩɩlʋ. Mɩ kɔ dɩ mɩ yɩrɛ wʋbɔŋ ŋaaraa nɛ. Nɩalɩŋ sɩ kɛŋ tʋɔpʋla dee mɩ kɔ dɩ mɩ yɩrɛ.”

Luuk 15:10

Ŋɩɩ nɛ Yesu bʋl, “Mɩ jaŋ bʋla pɩma arɩ ŋɩɩ tɩtɩa nɛ, dɩ wʋbɔŋ ŋaaraa kʋbala nɛ bɩrɩma lɩɩ ʋ wʋbɔŋŋɔɔ lɛ, Wɩa tɩndaaraa yie jʋjʋɔsɛ nɛ.”

Luuk 15:7

Yesu dagɛ namaga-la bʋbʋɔŋ a bʋl, “Dɩ wʋbɔŋ ŋaaraa kʋbala ma nɛ bɩrɩma lɩɩ ʋ wʋbɔŋŋɔɔ lɛ, nɩalɩŋ sɩ hɛ Wɩa-jaŋ lɛ, ba tʋɔŋ jaŋ tɔrɛ. Ba tʋɔŋ jaŋ tɔrɛ nɩa deeŋ nyuŋ a kɩɩ nɩaa mahɩŋ banɛsɛ arɩ fii arɩ nibi-la sɩ kɛŋ tʋɔpʋla a bɩra bɩ maga dɩ ba bɩrɩma lɩɩ ba wʋbɔŋŋɔɔ lɛ.

Luuk 19:10

bɛɛ wɩaa mɩ-na Nuhuobiine Bie kɔ dɩ mɩ chɛ a laa nɩalɩŋ sɩ lɛlɛ nɛ a ta.”

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Luuk 5:31

Yesu nɩɩ ba sɩɩ bʋl ŋɩɩ, ʋ bʋla pɩba, “Nɩalɩŋ sɩ kɛŋ yarɩfɩɛlaa bɩ daaluŋ ŋaara ka chɛ, see nɩalɩŋ sɩɩ wɩɩlʋ.

Luuk 5:33

Ŋɩɩ nɛ nɩaa dɔnsʋŋ kʋ pɩɛsɛ Yesu a bʋl, “Jɔɔŋ Wɩa lɩɩ-fooru-la harɩ-tooroo yie vʋvɔɔ niiŋ nɛ aŋ pɛ chʋchʋɔlɛ Wɩa bʋa na-kala lɛ. Farisii tɩŋŋaa harɩ-tooroo ma ŋɩŋaa ŋɩɩ tɩtɩa. Bɛɛ nɛ tɩɩ ŋ-na harɩ-tooroo bɩ niiŋ ka vɔɔ?”

Tɩntɩŋŋaa 17:30

Bʋa-la lɛ nuhuobiinee sɩ bɩ ʋ jɩŋ, ʋ fa tɔrɩkɔ nɛ ba nyuŋ. Ama lɛɛlɛ ʋ bʋla pɩpɩ nʋʋkala lee-na kala dɩ ba bɩrɩma lɩɩ ba wʋbɔŋŋɔɔ lɛ,

Tɩntɩŋŋaa 2:38

Ŋɩɩ nɛ Pɩɩta bʋla pɩba, “Má bɩrɩma lɩɩ ma wʋbɔŋŋɔɔ lɛ, aŋ leŋ dɩ ba foma Wɩɩchʋɔlɛ lɩɩŋ Yesu Kirisito yɩrɩŋ lɛ, dɩ Wɩa joŋ ma wʋbɔŋŋɔɔ chɛma, aŋ joŋ ʋ Dɩŋ-zɔmʋŋ dii zile ma lɛ.

Tɩntɩŋŋaa 20:21

Mɩ bʋla pɩ Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala arɩ sɩɩfɩɛsɩŋ dɩ ba bɩrɩma lɩɩ ba wʋbɔŋŋɔɔ lɛ aŋ kʋ to Wɩa, a laa La Tɩɩna Yesu wɩaa dii.

Tɩntɩŋŋaa 3:19

Má bɩrɩma lɩɩ ma wʋbɔŋŋɔɔ lɛ aŋ to Wɩa, dɩ ʋ joŋ ma wʋbɔŋŋɔɔ chɛma, dɩ La Tɩɩna leŋ dɩ ma dɩnsɩŋ na wiese.

Tɩntɩŋŋaa 3:26

Ŋɩɩ nɛ Wɩa lɩɩsɛ ʋ tɩntɩnna Yesu, dɩ ʋ laa sɩpaaŋ kɔ ma teeŋ a pɛ ma lɛ, dɩ ma kala bɩrɩma lɩɩ ma wʋbɔŋŋɔɔ ŋaanɩŋ lɛ.”

Tɩntɩŋŋaa 5:31

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, dɩ ʋ ŋaa ba Sɩpaalaara arɩ ba Laataara, a leŋ dɩ Iziral tɩŋŋaa bɩrɩma lɩɩ ba wʋbɔŋŋɔɔ lɛ, ka dɩ ʋ joŋ ba wʋbɔŋŋɔɔ chɛba.

2 Pɩɩta 3:9

Nɩaa dɔnsʋŋ bɩɩna arɩ Wɩa fɩɛla nɛ arɩ wɩalɩŋ ʋ sɩ sɩ ʋ jaŋ ŋaa lɛ. Ʋ bɩ fɩɛlɛ, ama ʋ kɛŋ kenyiri nɛ a tɩŋ ma wɩaa, bɛɛ wɩaa ʋ bɩ chɛ dɩ ma kʋŋkala lɛl. Ʋʋ chɛ dɩ nʋʋkala bɩrɩma lɩɩ ʋ wʋbɔŋŋɔɔ lɛ nɛ.