Luuk 5:30 - WƖA TENIŊ

³⁰ Ŋɩɩ nɛ Farisii tɩŋŋaa dɔnsʋŋ arɩ Wɩa teniŋ kerichiba arɩ ba nandɔnsʋŋ sii a pɩɛsɛ Yesu harɩ-tooroo, “Bɛɛ nɛ tɩɩ ma dɩ lampoo laaraa arɩ wʋbɔŋ ŋaaraa kala hɔnɔ didii kʋdiilee?”

Luuk 5:30 ပူးပေါင်းရင်းမြစ်များ

AZAAYA 65:5

Ba yie bʋl nɩaa lɛ, ‘Má sɩ́ la kʋ kpagɛ, la ŋaa nɩaa sɩ zɔmɔ nɛ kɩŋkɛŋ arɩ ma sɩ jaŋ digila.’ Mɩ bɩ jaŋ wuo sɛɩ pɩ nɩdosunuŋ deemba, ba wʋŋaalaa nagɛ nyʋɔsʋŋ sɩɩ jʋʋ mɩ mɩɩsɩŋ nɛ, a ŋaa nyiŋ sɩɩ dii tapʋl piliŋ.

Matiu 5:46

Dɩ ŋ nɛ cho nɩalɩŋ sɩ choŋ dʋndʋŋa, ŋ bɩ jaŋ kɛŋ time Wɩa-jaŋ lɛ. Lampoo lɩlaaraa ma paala ŋɩŋaa ŋɩɩ nɛ.

Matiu 9:11

Farisii tɩŋŋaa dɔnsʋŋ naba a pɩɛsɛ Yesu harɩ-tooroo, “Bɛɛ nɛ tɩɩ ma kʋhɩaŋ arɩ lampoo laaraa arɩ wʋbɔŋ ŋaaraa kala hɔnɔ didii kɩaa?”

Maak 2:16

Wɩa teniŋ kerichiba arɩ Farisii tɩŋŋaa naba a pɩɛsɛ Yesu harɩ-tooroo, “Bɛɛ nɛ tɩɩ Yesu arɩ wʋbɔŋ ŋaaraa arɩ lampoo laaraa kala hɔnɔ didii kɩaa?”

Maak 7:3

Dɩ Farisii tɩŋŋaa arɩ Juu tɩŋŋaa nɛ bɩ ba nɩsaa sɔmɔ, ba bɩ kɩaa ka dii, arɩ ba naabarɩŋ sɩ dagɛ ŋɩɩ.

Maak 9:16

Ŋɩɩ nɛ ʋ pɩɛsɛba, “Wʋbɛɛ nɛ ma hilimi ŋɩɩ a kaa lɩlɛrɛ?”

Luuk 18:11

Farisii tɩɩna-la sii chɩŋ a bigisi ʋ tɩtɩa lɛ a chʋɔlɛ Wɩa a bʋl, ‘La Tɩɩna Wɩa, mɩɩ lɔllʋŋ arɩ mɩ sɩ bɩ nɩaa dɔnsʋŋ naga, nɩalɩŋ sɩ gɔllɔ kɛŋ nɩaa kɩaa lɩlaa, koo nɩalɩŋ sɩ bɩ wʋtɩtɩɩ kɛnɛ, koo nɩalɩŋ sɩ gɔllɔ chɩchɛ nɩaa haalaa. Mɩ bɩ lampoo laara deeŋ ma sɩ hɛ daha naga.

Luuk 19:7

Nɩalɩŋ kala sɩ hɛ nɩmɛ a na ŋɩɩ, ba suomo gʋgʋrɩmɛ wɩaa a bʋl, “Baala deeŋ mʋa dɩ ʋ chʋa wʋbɔŋ ŋaarʋ-la dɩa lɛ nɛ.”

Luuk 5:17

Tapʋlɩɩ kʋbala Yesu dɩdagɛ nɩaa, dɩ Wɩa doluŋ hɛ ʋ lɛ ʋ kaa vɩvaarɛ nyanyal tɩŋŋaa. Farisii tɩŋŋaa arɩ Wɩa teniŋ kerichiba sɩ lɩɩ Galilii tinteeŋ arɩ Judiya tinteeŋ arɩ Jerusalɛm kala ma fa hɔŋ nɩmɛ.

Luuk 5:21

Ŋɩɩ nɛ Farisii tɩŋŋaa arɩ Wɩa teniŋ kerichiba-la suomo pɩpɩɛsɛ dɔŋɔ a bʋl, “Kʋbɛɛ nɛ nɩa deeŋ sɩɩ tʋʋsɛ Wɩa joŋŋoo ŋ-la? Nʋʋkala bɩ jaŋ wuo joŋ nʋʋ wʋbɔŋŋɔɔ chɛʋ see Wɩa dʋndʋŋa.”

Luuk 7:34

Aŋ ka mɩ-na Nuhuobiine Bie kɔ ma teeŋ a didii kɩaa aŋ pɛ nyʋnyʋa sɩnɩŋ ma. Ŋɩɩ nɛ ma bʋla pɩ dɔŋɔ: Baala deeŋ ŋaa luobii tɩɩna nɛ a ŋaa sɩ-nyʋarʋ ma, aŋ pɛ kɛŋ lampoo laaraa arɩ wʋbɔŋ ŋaaraa kala kaa dii nandɔnsʋŋ.

Luuk 7:39

Farisii tɩɩna-la sɩ yɩrɛ Yesu dɩ ʋ kʋ dii kɩaa na wɩɩŋ deeŋ a bɩbɩɩnɛ ʋ tʋɔŋ lɛ, “Dɩ baala deeŋ sɛnɛ ŋaa Wɩa wʋlaabʋllʋ nɛ, ʋ fa jaŋ jɩŋ arɩ haala deeŋ sɩ digu ŋaa wʋbɔŋ ŋaarʋ nɛ.”

Tɩntɩŋŋaa 23:9

Ŋɩɩ nɛ nɩalɩŋ sii a faasa ŋɩŋaa goŋ. Wɩa teniŋ kerichiba-la dɔnsʋŋ sɩ ŋaa Farisii tɩŋŋaa sii a faasa kɛŋ wɩalɩŋ lɩlɛrɛ a bʋl, “La bɩ na baala deeŋ sɩ ŋaa wɩɩ-la chei. Ʋ naga arɩ nɩdɩma nɛ koo Wɩa tɩndaara nɛ sɛnɛ bʋl wɩaa pʋpʋ.”