Luuk 5:29 - WƖA TENIŊ

²⁹ Ŋɩɩ nɛ Levi ŋaa ba gbieli gbieli-bal ʋ dɩa lɛ. Yesu arɩ ʋ harɩ-tooroo arɩ lampoo laaraa dɔnsʋŋ yʋgɛ, arɩ nɩaa dɔnsʋŋ ma fa hɛ nɩmɛ a didii kɩaa.

Luuk 5:29 ပူးပေါင်းရင်းမြစ်များ

Matiu 11:19

Aŋ ka mɩ-na Nuhuobiine Bie kɔ ma teeŋ a didii kɩaa aŋ pɛ nyʋnyʋa sɩnɩŋ ma. Ŋɩɩ nɛ ba bʋl, ‘Baala deeŋ ŋaa luobii tɩɩna nɛ a ŋaa sɩ-nyʋarʋ ma aŋ pɛ kɛŋ lampoo laaraa arɩ wʋbɔŋ ŋaaraa kala kaa dii nandɔnsʋŋ.’ Nɩalɩŋ sɩ sɛɩ wʋjɩmɩɩ-la sɩ lɩɩ Wɩa teeŋ, ba wʋŋaalaa nɛ yie dagɛ arɩ wɩalɩŋ sɛnɛ ŋaa wʋtɩtɩɩba nɛ.”

Matiu 5:46

Dɩ ŋ nɛ cho nɩalɩŋ sɩ choŋ dʋndʋŋa, ŋ bɩ jaŋ kɛŋ time Wɩa-jaŋ lɛ. Lampoo lɩlaaraa ma paala ŋɩŋaa ŋɩɩ nɛ.

Matiu 9:10

Ŋɩɩ nɛ Yesu jʋʋ Matiu dɩa, ʋ dɩ ʋ harɩ-tooroo kala, a hɔnɔ didii kɩaa. Lampoo laaraa sɩ yʋga arɩ wʋbɔŋ ŋaaraa ma kɔ, ba kala didii kɩalɩŋ.

Matiu 9:9

Yesu sɩ lɩɩ lee-la aa vɛŋ, ʋ na lampoo laarʋ kʋbala baa yɩrɛ Matiu. Ʋ fa hɔŋ ʋ tɩntɩnnɩ-dɩa lɛ nɛ. Ŋɩɩ nɛ Yesu yɩrʋ a bʋla pʋ, “Sii to mɩ harɩŋ.” Ʋ sii a to ʋ harɩŋ.

Maak 2:15

Ŋɩɩ nɛ Yesu mʋ jʋʋ Levi dɩa, ʋ dɩ ʋ harɩ-tooroo kala, a hɔnɔ didii kɩaa. Lampoo laara-la dɔnsʋŋ arɩ wʋbɔŋ ŋaaraa ma kɔ, ba kala didii kɩalɩŋ. Ba fa yʋga woruŋ a tuto Yesu harɩŋ.

Luuk 15:1

Tapʋlɩɩ kʋbala lampoo laaraa arɩ wʋbɔŋ ŋaaraa yʋgɛ a kɔ Yesu teeŋ dɩ ba jegile nɩɩ ʋ wɩaa.

Jɔɔŋ 12:2

Ʋ jʋʋ Lazarɔs dɩa. Ba ŋaa kʋdiilee dɩ ba hʋɔrʋ. Ŋɩɩ nɛ Lazarɔs arɩ nɩaa dɔnsʋŋ pɛ Yesu lɛ dɩ ba dii kʋdiile-la. Maata nɛ fa kɛŋ kʋdiile-la gɔllɔɔ kpaa.

1 Kɔrɩntɩ Nɩaa 10:27

Dɩ nɩɩ-la sɩ bɩ Wɩa ka chʋɔlɛ nɛ yɩrɩŋ dɩ ŋ kʋ dii kɩaa, dɩ ŋ nɛ cho dɩ ŋ mʋa, mʋ a dii, ama sɩ́ leŋe dɩ ŋ tʋɔbɩɩnaa walɩmɩŋ a mʋ tɩgɛ kʋdiile-la lɛ, arɩ ʋ maga dɩ ŋ dii koo ʋ bɩ maga dɩ ŋ dii.