Luuk 5:24 - WƖA TENIŊ

²⁴ Mɩ jaŋ dagɛma arɩ mɩ-na Nuhuobiine Bie kɛŋ doluŋ dʋnɩa lɛ dɩ mɩ joŋ wʋbɔŋŋɔɔ chɛ nɩaa.” Ŋɩɩ nɛ ʋ bʋla pɩ gbɛrɩgʋ-la a bʋl, “Sii a joŋ ŋ bɔsɔ a mʋ dɩa.”

Luuk 5:24 ပူးပေါင်းရင်းမြစ်များ

AZAAYA 53:11

Hɛɛ-la ʋ sɩ na harɩŋ lɛ, ʋ jaŋ kɛŋ tʋɔtɔrʋŋ. Ʋ jaŋ jɩŋ arɩ hɛɛ-la ʋ sɩ na bɩ pɛɩ ŋaa. Mɩ tɩntɩnna sɩ ŋaa tʋɔpʋl tɩɩna wɩaa, ʋ jaŋ laa nɩ-daŋ wʋbɔŋŋɔɔ ta.

DANƖƐL 7:13

Mɩ duoso-la tʋɔŋ tɩtaŋ-la, mɩ bɩra beŋ a na kʋŋ sɩ nagɛ nuhuobiine dɩ ʋ to duoŋ-bɩlɩmbaanaa tʋɔŋ kʋʋ tuu. Ʋ sɩ kʋ kpagɛ nɩɩ-la sɩ hɛ nɩmɛ faafaa kala, ba kɛnʋ kaa mʋ ʋ teeŋ.

Matiu 16:13

Ŋɩɩ nɛ Yesu sii mʋ Sɩzarɩya Fɩlɩpa tinteeŋ. Ŋɩɩ nɛ ʋ pɩɛsɛ ʋ harɩ-tooro-la, “Kʋbɛɛ nɛ nɩaa sɩ dɩ mɩ-na Nuhuobiine Bie ŋaa?”

Matiu 25:31

Dɩ mɩ-na Nuhuobiine Bie nɛ dii mɩ kuoruŋ a kɔ, mɩ dɩ Wɩa tɩndaaraa kala jaŋ kɔ. Ŋɩɩ nɛ mɩ jaŋ hɔŋ mɩ kuoru kpasa nyuŋ a chaanɛ.

Matiu 26:64

Ŋɩɩ nɛ Yesu bʋla pʋ, “Mɩ-na nɛ, ama mɩ bʋlaa pɩma kala, a lɩɩ bʋa deeŋ lɛ a kaa mʋ, ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ, nɩduoŋ dɩhɔnʋŋ a to duoŋ-bɩlɩmbaanaa tʋɔŋ kʋʋ tuu.”

Matiu 28:18

Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ.

Matiu 4:24

Yesu wɩaa teeli Siiria tinteeŋ kala. Ŋɩɩ nɛ nɩaa kɛŋ ba nyanyal tɩŋŋaa kɔ ʋ teeŋ arɩ nyanyal dosunuŋ, jɩŋ-bɔŋŋɔɔ fa kɛŋ dɔnsʋŋ, dɔnsʋŋ ma titel kuŋkunsuŋ, dɔnsʋŋ ma fa ŋaa gbɛrɩgɛɛ. Ŋɩɩ nɛ Yesu vaarɛ ba kala.

Matiu 9:6

Mɩ jaŋ dagɛma arɩ mɩ-na Nuhuobiine Bie kɛŋ doluŋ dʋnɩa lɛ dɩ mɩ joŋ wʋbɔŋŋɔɔ chɛ nɩaa.” Ŋɩɩ nɛ ʋ bʋla pɩ gbɛrɩgʋ-la, “Sii a joŋ ŋ bɔsɔ a mʋ dɩa.”

Luuk 5:13

Ŋɩɩ nɛ Yesu lɩɩsɛ ʋ nɩsɩŋ a digu aŋ bʋl, “Mɩ cho nɛ, duori.” Yawɩɩl-la guu leŋ baal-la.

Luuk 5:18

Ŋɩɩ nɛ nɩaa chʋŋ gbɛrɩgʋ kʋbala arɩ ʋ bɔsɔ kala a kaa kɔ a wʋwalɩmɛ dɩ ba kɛnʋ kaa jʋʋ dɩa-la lɛ Yesu sɩ hɛ a bil ʋ sɩpaaŋ.

Luuk 5:23

Mɩ sɩ jaŋ bʋl mɩ joŋ ʋ wʋbɔŋŋɔɔ chɛʋ nɛ ŋaa mɔlɩɩ koo mɩ sɩ jaŋ bʋl ʋ sii a chuoli ʋ bɔsɔ a viiri nɛ ŋaa mɔlɩɩ?

Luuk 7:14

Ŋɩɩ nɛ ʋ mʋ a digi daga-la ba fa sɩ joŋ sʋʋ-la hɛ. Nɩalɩŋ fa sɩ chʋŋ daga-la a kaa mʋ dɩ ba hugi, ba chɩŋ. Ŋɩɩ nɛ Yesu bʋla pɩ sʋʋ-la a bʋl, “Bapʋɔsɩ-bie, mɩ bʋla pɩŋ dɩ ŋ sii sʋʋŋ lɛ.”

Luuk 8:54

Yesu mʋ kɛŋ bile nɩsɩŋ lɛ aŋ yɩrʋ, “Mɩ bii, sii.”

Jɔɔŋ 11:43

Yesu sɩ bʋl ŋɩɩ dɛrɛ, ʋ faasa yɩrɛ, “Lazarɔs, kʋ lɩɩ!”

Jɔɔŋ 17:2

Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ.

Jɔɔŋ 3:13

Nʋʋkala ha bɩ Wɩa-jaŋ jɩla, see mɩ-na Nuhuobiine Bie sɩ lɩɩ nɩmɛ kʋ tuu.

Jɔɔŋ 5:27

Ʋ saa pɩ mɩ-na ʋ Bie doluŋ nɛ dɩ mɩ dii nɩaa sarɩya, bɛɛ wɩaa mɩ nɛ ŋaa Nuhuobiine Bie.

Tɩntɩŋŋaa 14:10

Ʋ faasa bʋla pʋ, “Sii chɩŋ ŋ naasɩŋ nyuŋ.” Ʋ guu sii chɩŋ ʋ naasɩŋ nyuŋ aa vɛŋ.

Tɩntɩŋŋaa 5:31

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, dɩ ʋ ŋaa ba Sɩpaalaara arɩ ba Laataara, a leŋ dɩ Iziral tɩŋŋaa bɩrɩma lɩɩ ba wʋbɔŋŋɔɔ lɛ, ka dɩ ʋ joŋ ba wʋbɔŋŋɔɔ chɛba.

Tɩntɩŋŋaa 9:34

Ŋɩɩ nɛ Pɩɩta bʋla pʋ, “Anɩyas, Yesu Kirisito vaarɩŋ nɛ, sii chuoli ŋ bɔsɔ.” Ʋ guu sii a duori.

Tɩntɩŋŋaa 9:40

Pɩɩta ŋaa ba kala lɩɩ dɩa-la tʋɔŋ. Ba sɩ lɩa, ʋ tuu kpirimi a chʋɔlɛ Wɩa. Ŋɩɩ nɛ aŋ bɩrɩmɛ sʋʋ-la teeŋ a bʋl, “Tabɩta, sii.” Ʋ suri ʋ sɩaa. Ʋ sɩ na Pɩɩta, ʋ sii hɔŋ.

Jɔɔŋ Wʋnaalaa 1:13

Ka nʋʋ chɩŋ ba tʋtʋɔbaanɩŋ a nagɛ Nuhuobiine Bie, a laalɛ gɛrɩ-duduoŋ, a kɛŋ sɛlɩmɛ gɛrɩpɛlɩɛɛ-bie a vɔɔ ʋ bɔyɛ.