Luuk 5:19 - WƖA TENIŊ

¹⁹ Ama nɩaa fa sɩ yʋga ŋɩɩ, ba bɩ wombiiŋ na dɩ ba kɛnʋ jʋʋ. Ŋɩɩ nɛ ba kɛnʋ kaa jɩl lusuŋ nyuŋ a ta luri a joŋu ta. Ʋ to nɩmɛ a tuu nɩalɩŋ tʋtʋɔbaanɩŋ Yesu sɩpaaŋ.

Luuk 5:19 ပူးပေါင်းရင်းမြစ်များ

2 SAMƲƐL 11:2

Dɩdaaŋ kʋbala Devit sii doŋ lɛ a gʋgɔllɛ ʋ kuoru dɩa lusuŋ nyuŋ. Nɩmɛ nɛ ʋ hɛ aŋ na haal kʋbala dɩ ʋʋ fo lɩɩŋ. Haal-la fa zɔmɔ nɛ woruŋ.

JƐRƖMAAYA 19:13

Jerusalɛm dɩɩsɩŋ arɩ Juda kuoroo dɩɩsɩŋ kala jaŋ kɛŋ disiniŋ a nagɛ Tɔfɛf. Ba dɩɩsɩ-la kala lɛ ba sɩ nyɩgɛ kʋsʋɔrʋsʋŋ lusuŋ-nyuŋ a pɩpɩ chɛnɛ arɩ chɛnwʋlaa aŋ ŋaa kʋnyʋalaa ma pɩpɩ ba vesiŋ kala jaŋ kɛŋ disiniŋ.’ ”

Matiu 10:27

Wɩɩkala mɩ sɩ bʋla pɩma birimiŋ tʋɔŋ, ʋ maga dɩ ma bʋlʋ pʋlʋmʋŋ tʋɔŋ. Wɩɩkala mɩ sɩ munso bʋla pɩma birimiŋ tʋɔŋ, má heele bʋlʋ lusuŋ nyuŋ.”

Matiu 24:17

Dɩ nʋʋ nɛ hɛ ʋ lusuŋ nyuŋ a nɩɩ wɩaa deemba, ʋ sɩ kʋ tuu a chɩchɛ dɩ ʋ paa ʋ kɩaa dɩa lɛ.

Maak 2:4

Nɩaa sɩ tɔ leriŋ kala ŋɩɩ, ba bɩ jɩŋ lee-la ba sɩ jaŋ to a jʋʋ. Ŋɩɩ nɛ ba jɩl lusuŋ nyuŋ a ta luri a joŋ bɔsɔ-la arɩ gbɛrɩgʋ-la kala a to bʋa-la ta ʋ tuu Yesu sɩpaaŋ.

MOSIS BƖRA WULLI WƖA WOMBIIŊ 22:8

Dɩ ŋ nɛ saa dɩɩ-falɩŋ a yuo, saa kɛrɛ golli lusu-la chu, dɩ nʋʋ sɩ́ lusu-la nyuŋ lɩɩ tel a sʋʋ dɩ ba joŋ cheeriŋ pɩŋ.

1 SAMƲƐL 9:25

Ba sɩ lɩɩ dundolo-la nyuŋ ba sɩɩ ŋaa Wɩɩsʋlʋŋ a kʋ tuu jaŋ tʋɔŋ, Samʋɛl bil bɔsɔ ʋ lusuŋ nyuŋ a pɩ Sɔɔl ʋ pɩŋ.