Luuk 4:8 - WƖA TENIŊ

⁸ Ŋɩɩ nɛ Yesu bɩra bʋla pʋ, “Ba ŋmʋnsɛ Wɩa teniŋ tʋɔŋ, ‘Má chʋchʋɔlɛ La Tɩɩna Wɩa dʋndʋŋa nɛ a tutou.’ ”

Luuk 4:8 ပူးပေါင်းရင်းမြစ်များ

2 KUOROO 19:15

aŋ sʋlʋ, “La TƖƖNA, Iziral tɩŋŋaa Wɩa, ŋ sɩ hɔŋ ŋ kuoru kpasa-la sɩ hɛ kɩalɩŋ sɩ kɛŋ kɩŋkɛnsɩŋ a nagɛ Wɩa tɩndaaraa pɛgɛ, ŋ dʋndʋŋa nɛ Wɩa, a bibeŋ tinteye-la kala sɩ hɛ dʋnɩa lɛ. Ŋ nɛ ŋaa wɩa-nyuŋ arɩ tinteeŋ.

WƖA YƖƖLAA 83:18

Leŋ dɩ ba jɩŋ arɩ ŋ dʋndʋŋa nɛ La Tɩɩna Wɩa sɩ kɩɩ kʋŋkala a hɛ nɩmɛ a bibeŋ dʋnɩa kala.

AZAAYA 2:11

Tapʋlɩɩ dɔŋ jaŋ kɔ, nuhuobiine dagɛ ŋ-tɩtɩɩ arɩ ʋ babii-ballɩŋ kala jaŋ dɛrɛ. La TƖƖNA yɩrɩŋ dʋndʋŋa nɛ jaŋ yɩyɩrɛ tapʋlɩɩ-la.

Matiu 16:23

Ŋɩɩ nɛ Yesu mɩɩra chaasɛ Pɩɩta a bʋla pʋ, “Sɩtaanɩ, mʋ nɩmɛ! Ŋŋ chɛ ŋ nyɩsɛmɛ dɩ mɩ vɩa wɩɩ-la sɩ maga dɩ mɩ ŋaa nɛ. Wɩalɩŋ ŋ sɩɩ bʋl, nuhuobiine wombiiŋ nɛ, Wɩa wombiiŋ dee.”

Matiu 4:10

Ŋɩɩ nɛ Yesu bʋla pʋ, “Sɩtaanɩ, mʋ nɩmɛ, Wɩa teniŋ tʋɔŋ ba ŋmʋnsa, ‘Má chʋchʋɔlɛ La Tɩɩna Wɩa dʋndʋŋa a tutou.’ ”

Luuk 4:4

Ŋɩɩ nɛ Yesu bʋla pʋ, “Ba ŋmʋnsɛ Wɩa teniŋ tʋɔŋ a bʋl, ‘Kʋdiilee dʋndʋŋa dee bɩ nuhuobiine mɩɩsɩŋ ka pa.’ ”

Luuk 4:7

Dɩ ŋ nɛ tuu kpirimi mɩ sɩpaaŋ a chʋɔlɛmɛ, kɩaa deemba kala jaŋ ŋaa ŋ kɩaa.”

MOSIS BƖRA WULLI WƖA WOMBIIŊ 10:20

Má zizil ma TƖƖNA Wɩa a tɩma pʋpʋ. Má kɛŋ ma tɩtɩa mɛrɛ ʋ lɛ a kɛŋ ʋ yɩrɩŋ dʋndʋŋa nɛ a tɩtɩŋ.

MOSIS BƖRA WULLI WƖA WOMBIIŊ 6:13

Má zizil ma TƖƖNA Wɩa a chʋchʋɔlɛ ʋ dʋndʋŋa a tutou, a ŋɩŋaa wɩɩkala ʋ yɩrɩŋ lɛ.

Jeems 4:7

Ŋɩɩ wɩaa, má joŋ ma tɩtɩa a hɛ Wɩa nɩsɩŋ lɛ. Má joŋ harɩŋ yɩa Sɩtaanɩ, ʋ jaŋ fá lɛl.

1 Pɩɩta 5:9

Má vɩa Sɩtaanɩ aŋ kɛŋ wɩalɩŋ ma sɩ laa dii kpaŋ kpaŋ. Ma jɩma arɩ nɩalɩŋ ma sɩ laa Wɩa wɩaa dii a ŋaa ma naambiiriŋ a hɛ dʋnɩa sɛmɛ-na kala, ba maa na hɛɛŋ nɛ.

Jɔɔŋ Wʋnaalaa 19:10

Ŋɩɩ nɛ mɩ tuu kpirimi dɩ mɩ chʋɔlʋ, ama ʋ bʋla pɩmɛ, “Sɩ́ ŋɩɩ ŋaa, la kala ŋaa tɩntɩnnaa a tɩma pɩpɩ Wɩa, la dɩ nɩalɩŋ kala sɩɩ to wɩalɩŋ Yesu sɩ bʋla. Wɩa nɛ maga ŋ chʋɔlɛ. Wʋtɩtɩɩ-la Yesu sɩ daga nɛ leŋe Wɩa wʋlaabʋllaa kɛŋ doluŋ aa bʋl Wɩa wɩaa.”

Jɔɔŋ Wʋnaalaa 22:9

Ŋɩɩ nɛ ʋ bʋla pɩmɛ, “Sɩ́ ŋɩɩ ŋaa, mɩ dɩŋ arɩ ŋ naambiiri-la kala sɩ ŋaa Wɩa wʋlaabʋllaa ŋaa Wɩa tɩntɩnnaa, arɩ nɩalɩŋ kala sɩɩ to wɩalɩŋ sɩ hɛ teniŋ deeŋ tʋɔŋ. Wɩa nɛ maga ŋ chʋɔlɛ.”

1 SAMƲƐL 7:3

Ŋɩɩ nɛ Samʋɛl fa bʋla pɩ Iziral tɩŋŋaa kala, “Dɩ ma nɩɩ chɛ dɩ ma joŋ ma tʋɔŋ kala a pɩ La TƖƖNA, ŋɩɩ-na má vɩa nɩwogusuŋ vesiŋ arɩ vene-la ba sɩɩ yɩrɛ Asɩtɔrɛf, aŋ joŋ ma tɩtɩa kala a pɩ La TƖƖNA a tuto ʋ dʋndʋŋa. Dɩ ma nɛ ŋaa ŋɩɩ, ʋ jaŋ laama ta Fɩlɩsɩtɩa tɩŋŋaa nɩsɩŋ lɛ.”