Luuk 4:25 - WƖA TENIŊ

²⁵ Ŋɩɩ nɛ Yesu bɩra bʋl, “Má jegili, wʋtɩtɩɩ nɛ mɩ bʋlaa pɩma. Ɩlaaja fa sɩ hɛ ʋ mɩɩsɩŋ lɛ, duonuŋ bɩ nɩa jɩsɩŋ batori arɩ kpaa magɛ dɔŋɔ. Ɩlaaja fa ŋaa Wɩa wʋlaabʋllʋ nɛ. Losuŋ jʋʋ Iziral tinteeŋ woruŋ. Bʋa-la lɛ yo-haalaa yʋga a fa hɛ nɩmɛ.

Luuk 4:25 ပူးပေါင်းရင်းမြစ်များ

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

AZAAYA 55:8

La TƖƖNA sɩ, “Mɩ tʋɔbɩɩnaa bɩ ma tʋɔbɩɩnaa naga, mɩ wombiee ma bɩ ma wombiee naga.”

Matiu 20:15

Mɩ bɩ wombiiŋ kɛnɛ dɩ mɩ kɛŋ mɩ moribiee tɩŋ mɩ tʋɔtɔrɛ wɩaa? Koo ma yaraa bieru a tɩŋ mɩ sɩ kɛŋ zile wɩaa nɛ?”

Luuk 10:21

Bʋa-la tɩtɩa lɛ Yesu tʋɔŋ tɔrɛ Wɩa Dɩŋ-zɔmʋŋ doluŋ lɛ ʋ bʋl, “Mɩ Nyɩmma, ŋ nɛ ŋaa wɩa-nyuŋ arɩ tinteeŋ kala Tɩɩna. Mɩɩ lɔllʋŋ arɩ ŋ sɩ kɛŋ wɩalɩŋ ŋ sɩ joŋo faa a dagɛ nɩalɩŋ sɩ bɩ wɩaa jɩŋ, aŋ bɩ joŋo dagɛ nɩalɩŋ sɩ kɛŋ wʋjɩmɩŋ. Mɩ Nyɩmma, mɩɩ lɔllʋŋ. Ŋ tɩtɩa tʋɔtɔrʋŋ lɛ nɛ ŋ ŋaa ŋɩɩ.”

Rom Tɩŋŋaa 9:15

Wɩa fa bʋla pɩ Mosis, “Nɩalɩŋ mɩ sɩ lɩɩsa dɩ mɩ fá ba bunso, mɩ jaŋ fá ba bunso. Nɩalɩŋ ma mɩ sɩ lɩɩsa dɩ mɩ fá ba nenige, mɩ jaŋ fá ba nenige.”

Rom Tɩŋŋaa 9:20

Kʋbɛɛ nɛ kaŋ, ŋ-na nuhuobiine dɩ ŋ laa wɩaa bʋl Wɩa niiŋ lɛ? Pupoiŋ bɩ jaŋ wuo pɩɛsɛ nɩɩ-la sɩ mɛʋ a bʋl, “Bɛɛ nɛ tɩɩ ŋ mɛmɩ mɩ nagɛ ŋ-la?”

Ɛfɛsɩs Nɩaa 1:11

Wɩa tʋɔtɔrʋŋ arɩ ʋ chɛnɩŋ lɛ nɛ ʋ yie ŋaa wɩɩkala. Ʋ to Kirisito lɛ nɛ a lɩɩsɛla a leŋ la ŋaa ʋ nɩaa, arɩ ŋɩɩ ʋ sɩ bɩɩna bil faafaa kala.

Ɛfɛsɩs Nɩaa 1:9

Ʋ tʋɔtɔrʋŋ lɛ nɛ ʋ leŋ la jɩŋ ʋ wɩalɩŋ kala fa sɩ faa, wɩalɩŋ ʋ sɩɩ chɛ dɩ ʋ to Kirisito lɛ a ŋaa pɩla.

Jeems 5:17

Má na baal kʋbala baa yɩrɛ Ɩlaaja. Ʋ ma fa nagɛla nɛ. Ʋ faasa sʋl Wɩa arɩ sɩɩfɩɛsɩŋ dɩ duonuŋ sɩ́ nɩɩ. Duonuŋ sɛnɛ bɩ nɩa jɩsɩŋ batori arɩ chɛnsɩŋ balɩdʋ.

Jɔɔŋ Wʋnaalaa 11:6

Wɩa pɩba doluŋ dɩ ba wuo kiri duonuŋ, dɩ ʋ sɩ́ nɩɩ tapʋlɩa-la ba sɩɩ chɛ dɩ ba bʋl Wɩa wɩaa lɛ. Wɩa bɩra pɩba doluŋ dɩ ba wuo ŋaa dɩ lɩɩŋ bɩrɩmɛ chalɩŋ. Ba jaŋ wuo leŋ dɩ nyanyalaa jʋʋ dʋnɩa nɩaa, bʋa na-kala lɛ ba sɩ cho.