Luuk 4:22 - WƖA TENIŊ

²² Ŋɩɩ nɛ nɩaa kala tʋɔŋ tɔrɛ ʋ nyuŋ. Wʋzɔmɔ-la kala ʋ sɩ bʋla pɩba ŋaaba wʋkpuŋkpere. Ba pɩpɩɛsɛ dɔŋɔ, “Josɛf bile dee ŋ-laa?”

Luuk 4:22 ပူးပေါင်းရင်းမြစ်များ

WƖA YƖƖLAA 45:2

Ŋ nɛ ŋaa baalaa tʋɔŋ nɩzɔmʋŋ. Wɩa lahɔrɩmɔ hɛ ŋ lɛ nɛ ŋ jɩŋ wɩaa bʋlʋŋ woruŋ, bɛɛ wɩaa ʋ pɛ ŋ lɛ nɛ a kaa mʋ wuu.

WƖA YƖƖLAA 45:4

To ŋ ballɩŋ lɛ a yuo dii a leŋ wʋtɩtɩɩ arɩ tʋɔpʋl wʋŋaalaa chɩŋ, dɩ nɩaa kɛŋ ba tɩtɩa muuri. Leŋ dɩ ŋ naduo-la ŋaa wʋkpuŋkperisiŋ.

NAMAGABA 10:32

Tʋɔpʋl tɩɩna niiŋ jɩŋ wɩɩ-la sɩ maga dɩ ʋ bʋl nɛ, ama nɩbɔmʋŋ-na yie bʋl wɩalɩŋ sɩ bɩ maga nɛ.

NAMAGABA 16:21

Wʋjɩŋ tɩɩna nɛ baa yɩrɛ nʋʋ sɩ jɩŋ wɩaa sɩaa. Wʋbʋl sɩŋŋaa nɛ yie leŋ nɩa sɛɩ wɩɩŋ.

NAMAGABA 25:11

Dɩ nʋʋ nɛ bʋl wɩɩŋ woruŋ ʋ bʋa lɛ, ʋ naga ba sɩ kɛŋ sɛlɩmɛ ŋaa kʋŋ a joŋo daŋ hɔpʋla kʋa nyuŋ nɛ.

TƖƖCHA 10:12

Wʋjɩnna wʋbʋlaa yie leŋ ba zilu nɛ, ama nɩyaarɩŋ-na wʋbʋlaa yie chei ʋ tɩtɩa nɛ.

SOLOMOŊ YƖƖL-SƖMƖŊ 5:16

Ʋ niiŋ mʋsʋŋ sɩma, ʋ wɩɩkala zɔmɔ nɛ. Jerusalɛm toloo, mɩ hɩɩla nɛ ŋɩɩ, mɩ tanlɔŋɔ ma nɛ ŋɩɩ.

AZAAYA 50:4

La TƖƖNA Wɩɩjarɩbakɔ joŋ nɩaa dagɩŋ doluŋ pɩmɛ nɛ, dɩ mɩ bʋl wɩaa a leŋ dɩ nɩalɩŋ nandaasɩŋ sɩ yʋɔra nyuŋ nyaasɛ. Chʋchʋa na-kala, ʋ yie chɩsɛmɛ nɛ a leŋ mɩ cho dɩ mɩ nɩɩ wɩalɩŋ ʋ sɩɩ chɛ ʋ dagɛmɛ.

Luuk 2:47

Nɩalɩŋ kala sɩ hɛ nɩmɛ a nɩɩ ʋ sɩɩ chaarɛ wɩaa sɩaa arɩ wʋjɩmɩŋ ŋɩɩ, ʋ ŋaaba wʋkpuŋkpere.

Luuk 2:48

Ʋ nyɩmma arɩ ʋ naaŋ sɩ naʋ, ʋ ŋaaba ma wʋkpuŋkpere. Ŋɩɩ nɛ ʋ naaŋ pɩɛsʋ, “Mɩ bii, bɛɛ nɛ tɩɩ ŋ ŋaala ŋ-la? Mɩ dɩ ŋ nyɩmma gɔllɔ chɛŋ ka nɛ.”

Luuk 21:15

bɛɛ wɩaa mɩ jaŋ joŋ wʋjɩmɩŋ a hɛ ma nyuŋ lɛ dɩ ma bʋl wɩalɩŋ ma dʋndɔŋŋɔɔ sɩ bɩ jaŋ wuo kaalɛrɛ arɩ wʋtɩtɩɩ dee.

Luuk 4:21

Ŋɩɩ nɛ Yesu bʋla pɩba, “Teŋ-la mɩ sɩ karɩma pɩma, jɩnɩŋ ʋ sɛnɛ kʋ ŋaa wʋtɩtɩɩ nɛ.”

Jɔɔŋ 1:45

Ŋɩɩ nɛ Fɩlɩp na Natanɩal a bʋla pʋ, “Nɩɩ-la wɩaa Mosis fa sɩ ŋmʋnsa wombie-la Wɩa sɩ bile dɩ la tuto tʋɔŋ, la naʋ nɛ. Wɩa wʋlaabʋllaa ma fa bʋl ʋ wɩaa nɛ. Ʋ nɛ Yesu, Josɛf nanʋala a lɩɩ Nazarɛt.”

Jɔɔŋ 6:42

Ŋɩɩ nɛ ba pɩɛsɛ: “Baala deeŋ dee Josɛf bie Yesu? La jɩŋ ʋ nyɩmma arɩ ʋ naaŋ kala nɛ. Ɛɛ nɛ saa lɛɛlɛ ʋ sɩ dɩ ʋ lɩɩ Wɩa-jaŋ nɛ a kʋ tuu?”

Jɔɔŋ 7:46

Ŋɩɩ nɛ ba bʋl, “Nʋʋkala ha bɩ wɩaa bʋla a nagɛ baala deeŋ sɩɩ bʋl ŋɩɩ.”

Tɩntɩŋŋaa 6:10

Ama Wɩa Dɩŋ-zɔmʋŋ fa pɩ Sɩtɩɩvɩŋ wʋjɩmɩŋ nɛ woruŋ nɩalɩŋ bɩ ʋ wuo pagɩsɛ.

Taatɩs 2:8

Bʋl wʋtɩtɩɩ, dɩ nʋʋkala sɩ́ wuo kaa lɛrɛ. Dɩ ŋ nɛ ŋaa ŋɩɩ, hɩɩsɩŋ jaŋ kɛŋ ŋ dʋndɔŋŋɔɔ, bɛɛ wɩaa ba bɩ jaŋ wuo na wʋbɔŋ kala a bʋla tɩgɛ la lɛ.