Luuk 4:2 - WƖA TENIŊ

² Tapʋlaa mahɩŋ balɩa deemba kala pɛgɛ ʋ bɩ kʋŋkala die. Ŋɩɩ nɛ losuŋ kɛnʋ.

Luuk 4:2 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

1 KUOROO 19:8

Ŋɩɩ nɛ ʋ bɩra sii a dii kɩalɩŋ aŋ nyʋa lɩɩŋ. Ʋ sɩ dii kʋdiile-la dɛrɛ, ʋ kɛŋ doluŋ. Ʋ vɛŋ wɩɩhɛyɛ arɩ tɩtaŋɩŋ kala tapʋlaa mahɩŋ balɩa a mʋ yi Wɩa peel-la ba sɩɩ yɩrɛ Hɔrɛb.

ƐSƖTA 4:16

“Kɛŋ Juu tɩmma-la kala sɩ hɛ Susa tinteeŋ lɛ hɛ dɔŋɔ a bʋla pɩba dɩ ba vɔɔ niiŋ wɩɩhɛyɛ arɩ tɩtaŋɩŋ kala tapʋlaa batori a sʋl Wɩa pɩmɛ. Mɩ dɩ mɩ ketiee ma jaŋ ŋaa ŋɩɩ tɩtɩa. Ʋ ŋɩɩ harɩŋ mɩ jaŋ jʋʋ kuoro teeŋ, dɩ ʋ nɛ paala magɛ dɩ mɩ sʋʋ ma, mɩ jaŋ sʋʋ.”

MOSIS KƐŊ IZIRAL TƖŊŊAA LƖƖ 24:18

Ŋɩɩ nɛ Mosis mʋ jʋʋ duoŋ-bɩlɩmbaaŋ-la tʋɔŋ a jɩl peel-la. Mosis fa chʋa peel-la nyuŋ tɩtaŋɩŋ arɩ wɩɩhɛyɛ tapʋlaa mahɩŋ balɩa nɛ.

MOSIS KƐŊ IZIRAL TƖŊŊAA LƖƖ 34:28

Mosis fa hɛ La TƖƖNA teeŋ wɩɩhɛyɛ arɩ tɩtaŋɩŋ tapʋlaa mahɩŋ balɩa nɛ. Ʋ bɩ kʋŋ die ʋ bɩ lɩɩ ma nyʋa. Ŋɩɩ nɛ ʋ tuuri wɩalɩŋ Wɩa sɩ kaa bil nii-la ʋ dɩ ba pɛgɛ a hɛ tabɩɩ-taalɩa-la lɛ, Wɩa sɩ bil niiri-la fii.

JONA 3:7

Ŋɩɩ nɛ kuoro ŋaa ba heele pɩ Nɩnɩvɛ nɩaa a bʋl, “Kuoro arɩ ʋ nɩhɩasɩŋ sɩ nuhuobiiŋ koo pʋna kala bɩ maga dɩ ʋ dii kɩaa koo a nyʋa lɩɩŋ.

Matiu 21:18

Taŋ sɩ pʋla, Yesu mɩɩra mʋ Jerusalɛm. Ʋ sɩɩ mʋ, losuŋ kɛnʋ wombiiŋ lɛ.

Matiu 4:2

Yesu fa sɩ hɛ tintee-hɩlɩŋ tʋɔŋ ŋɩɩ, ʋ vɔɔ niiŋ tɩtaŋɩŋ arɩ wɩɩhɛyɛ kala tapʋlaa mahɩŋ balɩa, ŋɩɩ nɛ losuŋ kɛnʋ.

Luuk 4:3

Sɩtaanɩ kʋ bʋla pʋ, “Dɩ ŋ nɛ ŋaa Wɩa Bie, leŋ dɩ tabɩɩŋ deeŋ ŋ sɩ na bɩrɩmɛ kʋdiilee.”

Jɔɔŋ 4:6

Jekɔb fa sɩ lu vil-la hɛ nɩmɛ. Yesu sɩ vɛŋ wombiiŋ ŋɩɩ a lɔl, ʋ mʋ hɔŋ vil-la sɛmɛ, dɩ wɩa jɩl nyu-gbaŋa.

MOSIS BƖRA WULLI WƖA WOMBIIŊ 9:18

Ŋɩɩ nɛ mɩ bɩra gbieni La TƖƖNA sɩpaaŋ wɩɩhɛyɛ arɩ tɩtaŋɩŋ kala tapʋlaa mahɩŋ balɩa, mɩ bɩ kʋŋkala die mɩ bɩ lɩɩ ma nyʋa. Mɩ ŋaa wɩaa deemba kala a tɩŋ ma sɩ ŋaa wʋbɔmɔ-la wɩaa nɛ, a leŋ La TƖƖNA chaasa na baanɩŋ ma nyuŋ.

MOSIS BƖRA WULLI WƖA WOMBIIŊ 9:25

Mɩ gbieni La TƖƖNA sɩpaaŋ wɩɩhɛyɛ arɩ tɩtaŋɩŋ kala tapʋlaa mahɩŋ balɩa nɛ, bɛɛ wɩaa La TƖƖNA fa sɩ ʋʋ chɛ dɩ ʋ cheima nɛ.

MOSIS BƖRA WULLI WƖA WOMBIIŊ 9:9

Mɩ sɩ jɩl peel-la nyuŋ dɩ mɩ laa tabɩɩ-taalɩa-la balɩa, La TƖƖNA sɩ tuuri ʋ niiri-la ʋ sɩ hɛ ma dɩ ʋ pɛgɛ wɩaa hɛ, mɩ hɛ nɩmɛ wɩɩhɛyɛ arɩ tɩtaŋɩŋ tapʋlaa mahɩŋ balɩa nɛ. Mɩ bɩ kʋŋkala die, mɩ bɩ lɩɩ ma nyʋa.

Hiburu TƖŊŊAA 2:18

Ʋ tɩtɩa na hɛɛŋ nɛ woruŋ. Sɩtaanɩ ma fa magɩsʋ. Ŋɩɩ wɩaa ʋ jaŋ wuo pɛ nɩalɩŋ Sɩtaanɩ sɩɩ magɩsʋ lɛ.

Hiburu TƖŊŊAA 4:15

Yesu bɩ nagɛ Wɩɩsʋllɩ sɩpaalaaraa kʋhɩasɩŋ sɩ bɩ nɩaa nenige ka fá ŋɩɩ. Ʋ nɛ wuo fá la nenige a jɩŋ wɩalɩŋ sɩɩ walɩmɛla, bɛɛ wɩaa ba fa walɩmɛ ʋ ma nɛ. Sɩtaanɩ magɩsʋ nɛ arɩ ʋ sɩ magɩsɛla ŋɩɩ, ama ʋ bɩ wʋbɔŋ kala ŋaa.

1 SAMƲƐL 17:16

Fɩlɩsɩtɩa tɩɩna-la yie kʋ lɩɩ a magɩsɛ Iziral tɩŋŋaa chʋchʋɔŋ arɩ dɩdaanɩŋ kala ŋɩɩ tapʋlaa mahɩŋ balɩa.