Luuk 4:18 - WƖA TENIŊ

¹⁸ “Wɩa Dɩŋ-zɔmʋŋ hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ heele bʋla pɩ nɩalɩŋ ba sɩ yuo kɛsɛ arɩ ba jaŋ jomba ta, a bɩra bʋla pɩ nyʋlɩmaa dɩ ba sɩaa jaŋ suri. Ʋ bɩra tɩmmɛ dɩ mɩ laa nɩaa ba sɩ nyaga bil a ta,

Luuk 4:18 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

2 IZIRAL TƖŊŊAA NAABARƖŊ 34:27

A tɩŋ ŋ tʋɔŋ sɩ cheye ŋ kɛŋ ŋ tɩtɩa muuri mɩ sɩpaaŋ, ŋ sɩ nɩɩ wɩalɩŋ mɩ sɩ bʋla arɩ mɩ jaŋ chei Jerusalɛm arɩ ʋ nɩaa, ŋ tɩŋ ŋɩɩ wɩaa a kɛŋ ŋ gɛnnɩŋ kɩɛsɛ a yel mɩ sɩpaaŋ, mɩ jegile nɩɩ ŋ sʋla nɛ. Mɩ-na ma TƖƖNA nɛ bʋla.

WƖA YƖƖLAA 102:20

a nɩɩ nɩalɩŋ ba sɩ kaa tɔ dɩa huuno, a laa nɩalɩŋ ba sɩɩ chɛ dɩ ba kpʋ ta.

WƖA YƖƖLAA 147:3

Ʋ leŋe nɩalɩŋ tʋɔŋ sɩ cheye bɩra tɔrɛ nɛ, aŋ vɔɔ tɔ ba naawɩɩlaa ma.

WƖA YƖƖLAA 2:2

Tinteeŋ kuoroo kʋ hɛ dɔŋɔ lɛ nɛ dɩ ba yuo La Tɩɩna arɩ Nɩɩ-la ʋ sɩ lɩɩsa.

WƖA YƖƖLAA 2:6

“Mɩ bil mɩ kuoro nɛ Zaayɔŋ lɛ, mɩ dundolo-la mɩ sɩ lɩɩsa pɩ mɩ tɩtɩa lɛ.”

WƖA YƖƖLAA 34:18

La Tɩɩna kpagɛ nɩalɩŋ nandaasɩŋ sɩ yʋɔra nɛ. Ʋ laa nɩalɩŋ bɩra sɩ bɩ yɩɛlaa kɛnɛ ta nɛ.

WƖA YƖƖLAA 45:7

Ŋ cho tʋɔpʋl wɩaa nɛ aŋ bɛrɛ wʋbɔŋŋɔɔ. Ŋɩɩ nɛ tɩɩ ŋ Nyɩmma Wɩa lɩɩsɩŋ a leŋ ŋ kɛŋ tʋɔtɔrʋŋ a yʋga kɩɩ ŋ dɔnsʋŋ tɩŋŋaa.

WƖA YƖƖLAA 51:17

Wɩɩsʋlɩɩ-la ŋ sɩɩ chɛ nɛ, dɩ la leŋ la tʋɔŋ faasa chei la wʋbɔŋŋɔɔ lɛ, dɩ la kɛŋ la tɩtɩa muuri. Wɩɩsʋlʋŋ deeŋ doho nɛ ŋ-na Wɩa chɩchɛ.

AZAAYA 32:3

Ŋɩɩ lɛ nɛ nɩalɩŋ sɩaa sɩ suro jaŋ nɩna wɩaa, dɩ nɩalɩŋ ma sɩ kɛŋ dɩgɩlaa jegilee nɩɩ wɩaa.

AZAAYA 35:5

Nyʋlɩmaa sɩaa jaŋ suri dɩ taŋŋaa ma dɩgɩlaa suri.

AZAAYA 42:7

Ŋ jaŋ suri nyʋlɩmaa sɩaa, a lɩɩsɛ nɩalɩŋ sɩ hɛ bɩnɩŋ dɩa lɛ birimiŋ tʋɔŋ a ta.

AZAAYA 45:13

Mɩ-na Wɩa sɩ ŋaa tʋɔpʋl tɩɩna nɛ lɩɩsɛ Siirus a pʋ doluŋ, dɩ ʋ ŋaa wɩalɩŋ mɩ sɩɩ chɛ. Mɩ jaŋ leŋ dɩ ʋ wombiee kala tʋʋlɛ. Ʋ nɛ jaŋ paa mɩ taŋ Jerusalɛm a wasa saa, aŋ laa mɩ nɩalɩŋ ba sɩ yuo kɛsɛ a kaa mʋ tintee-wogusuŋ a ta. Nʋʋkala dee bɩ ʋ joŋo dɩ ʋ ŋaa wɩaa deemba ka dɩ ʋ timu koo a siilu. La TƖƖNA doluŋ kala Tɩɩna nɛ bʋla.”

AZAAYA 49:9

Ŋ jaŋ laa nɩalɩŋ ba sɩ yuo kɛsɛ arɩ nɩalɩŋ sɩ hɛ birimiŋ tʋɔŋ a ta dɩ ba na pʋlʋmʋŋ. Ba jaŋ na kʋdiilee lee-la kʋŋkala sɩ paala tuo.

AZAAYA 50:4

La TƖƖNA Wɩɩjarɩbakɔ joŋ nɩaa dagɩŋ doluŋ pɩmɛ nɛ, dɩ mɩ bʋl wɩaa a leŋ dɩ nɩalɩŋ nandaasɩŋ sɩ yʋɔra nyuŋ nyaasɛ. Chʋchʋa na-kala, ʋ yie chɩsɛmɛ nɛ a leŋ mɩ cho dɩ mɩ nɩɩ wɩalɩŋ ʋ sɩɩ chɛ ʋ dagɛmɛ.

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

AZAAYA 59:21

La TƖƖNA bɩra sɩ, “Mɩ bil niiŋ nɛ mɩ dɩ ma pɛgɛ, mɩ joŋ mɩ Dɩma hɛ ma lɛ nɛ, a joŋ mɩ niiŋ wɩaa kala ma a hɛ ma niiree lɛ, wɩalɩŋ bɩ jaŋ lɛl ma niiree lɛ. Má joŋo dagɛ ma biiriŋ arɩ ma doho nɩaa kala sɩ jaŋ to harɩŋ kɔ dɩ wɩalɩŋ hɛ nɩmɛ a kaa mʋ wuu. Mɩ-na ma TƖƖNA nɛ bʋla.”

AZAAYA 61:1

La TƖƖNA Wɩɩjarɩbakɔ Dɩma hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ leŋ dɩ nɩalɩŋ tʋɔŋ sɩ cheye kɛŋ tʋɔtɔrʋŋ, dɩ mɩ heele bʋla pɩ nɩalɩŋ ba sɩ yuo kɛsɛ, arɩ ba jaŋ jomba ta, aŋ chaarɛ nɩalɩŋ ma sɩ hɛ birimiŋ tʋɔŋ nɩtɔɔrɩ dɩa lɛ.

AZAAYA 66:2

Kɩaa deemba kala sɩ hɛ nɩmɛ, mɩ dee bɩ ŋaa?” La TƖƖNA sɩ, “Nɩɩ-la nyuŋ mɩ tʋɔŋ sɩ tɔrɔ nɛ ŋ-la: Nɩɩ-la sɩ kɛŋ ʋ tɩtɩa muuri, a leŋ ʋ tʋɔŋ faasa chei ʋ wʋbɔŋŋɔɔ lɛ, a kɛŋ mɩ niiŋ wɩaa tɩtɩŋ.

ƐZƖKƖƐL 9:4

a bʋla pʋ, “Gɔllɛ Jerusalɛm tabal-la lɛ a tuuri magɩlɩŋ hɛ nɩaa tilliŋ lɛ, nɩalɩŋ tʋɔŋ sɩ cheye ba yiyel a tɩŋ wʋkɩsɩa-la kala nɩaa sɩɩ ŋaa taŋ-la lɛ wɩaa.”

DANƖƐL 9:24

Jɩsɩŋ zɔɔ-banɛsɛ arɩ mahɩŋ banɛsɛ arɩ fii nɛ Wɩa lɩɩsɛ dɩ ʋ kaa ŋaa dɩ ŋ nɩaa arɩ tabal-la sɩ bɩ disiniŋ kɛnɛ wʋbɔŋŋɔɔ dɛrɛ, a giri nɩbɔŋ wɩaa ta, aŋ leŋ dɩ ba kɛŋ tʋɔpʋla deeŋ deeŋ a kaa kɔ tapʋlɩɩ-la Wɩa sɩ jaŋ lɩɩsɛ ʋ dɩɩ-bal-la sɩ chaasa zɔŋ a bɩ disiniŋ kɛnɛ, a leŋ dɩ wɩalɩŋ ŋ sɩ na duosoo tʋɔŋ arɩ wɩalɩŋ ba sɩ bʋla Wɩa doluŋ lɛ kʋ ŋaa wʋtɩtɩɩ.

ZEFANAAYA 3:12

Mɩ-na ma TƖƖNA jaŋ leŋ nɩalɩŋ sɩ kɛŋ ba tɩtɩa muuri arɩ nɩalɩŋ sɩaa sɩ fɩɛla tabal-la lɛ, nɩalɩŋ sɩ laamɛ dii.

ZƐKARƖYA 11:11

Mɩ chei nii-la nɛ tapʋlɩɩ-la. Nɩalɩŋ sɩɩ na hɛɛŋ ba tʋɔŋ fa sɩɩ bemmi jɩma arɩ La TƖƖNA niiŋ wɩaa nɛ.

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

Matiu 11:5

Nyʋlɩmaa sɩaa ka suri nɛ, gbɛrɩgɛɛ vɩvɛŋ, gbegisiŋ ma duduori. Taŋŋaa nɩnɩɩ wɩaa, nɩalɩŋ sɩ sʋba sisii sʋʋŋ lɛ. Summoo ma wuo nɩnɩɩ Wɩa wʋzɔŋŋɔɔ.

Matiu 12:18

Ʋ fa sɩ: “Mɩ Tɩntɩnna nɛ ŋ-la, nɩɩ-la mɩ sɩ lɩɩsa, nɩɩ-la mɩ sɩ cho, mɩ tʋɔŋ tɔrɛ ʋ nyuŋ. Mɩ jaŋ joŋ mɩ Dɩŋ-zɔmʋŋ hɛ ʋ lɛ. Ʋ jaŋ bʋl mɩ sarɩya diiniŋ wɩaa a pɩ dʋnɩa nɩaa kala.

Matiu 12:20

Ʋ sɩaa jaŋ fɩɛlɛ nɩalɩŋ sɩ ŋaa puwuoloo teeŋ. Ʋ bɩ jaŋ chei ba yɩɛla-la mʋa sɩ ka ta. Ʋ jaŋ pɛsɛ halɩɩ, see wʋtɩtɩɩ-la Wɩa sɩɩ chɛ yuo dii leriŋ kala.

Matiu 4:16

Ʋ bʋla pɩba, “Nɩalɩŋ sɩ hɛ birimiŋ tʋɔŋ na pʋlʋŋ-bal nɛ. Tintee-la nɩaa fa sɩ hɛ biriŋ lim tʋɔŋ, pʋlʋmʋŋ lɛɛlɛ chaana hɛ ba lɛ nɛ.”

Matiu 5:3

“Wɩa jaŋ pɛ nɩalɩŋ sɩ bene arɩ ba ha bɩ Wɩa jɩŋ woruŋ lɛ. Ba nɛ jaŋ hɛ Wɩa kuorii-la tʋɔŋ.

Luuk 6:20

Yesu sɩ vaarɛ nɩalɩŋ dɛrɛ, ʋ mɩɩra beŋ ʋ harɩ-tooroo aŋ bʋl, “Ma nɩalɩŋ sɩ ŋaa summoo, Wɩa jaŋ pɛ ma lɛ. Ma nɛ jaŋ dii Wɩa kuorii-la.

Luuk 7:22

Ŋɩɩ nɛ ʋ bʋla pɩ Jɔɔŋ harɩ-tooro-la, “Má mɩɩra mʋ a bʋla pɩ Jɔɔŋ wɩalɩŋ kala ma sɩ nɩa aŋ na maa. Nyʋlɩmaa sɩaa susuri, gbɛrɩgɛɛ vɩvɛŋ, gbegisiŋ duduori. Taŋŋaa nɩnɩɩ wɩaa. Nɩalɩŋ sɩ sʋba sisii sʋʋŋ lɛ. Summoo ma wuo nɩnɩɩ Wɩa wʋzɔŋŋɔɔ.

Jɔɔŋ 1:41

Ŋɩɩ nɛ Anduru ma chɛ ʋ malɩma Saamɔŋ leriŋ, a bʋla pʋ, “La na Kirisito nɛ, nɩɩ-la Wɩa sɩ lɩɩsa.”

Jɔɔŋ 12:46

Mɩ kʋ tuu dʋnɩa dɩ mɩ ŋaa dʋnɩa pʋlʋmʋŋ nɛ a chaanɛ. Nɩɩ-la kala sɩ laa mɩ wɩaa dii bɩra bɩ jaŋ hɛ birimiŋ tʋɔŋ.

Jɔɔŋ 3:34

Mɩ-na Nɩɩ-la Wɩa sɩ tɩma, mɩɩ bʋl Wɩa niiŋ wɩaa nɛ, bɛɛ wɩaa Wɩa joŋ ʋ Dɩŋ-zɔmʋŋ doluŋ kala a pɩmɛ nɛ.

Tɩntɩŋŋaa 10:38

Ma nɩɩ Yesu wɩaa nɛ. Wɩa joŋ ʋ Dɩŋ-zɔmʋŋ hɛ ʋ lɛ nɛ a pʋ doluŋ. Ʋ sii mʋ lee-kala, a ŋɩŋaa wʋzɔŋŋɔɔ pɩpɩ nɩaa, aa vaarɛ nɩalɩŋ kala Sɩtaanɩ sɩ nyaga bil. Wɩa fa hɛ ʋ teeŋ, ŋɩɩ nɛ tɩɩ ʋ wuo ŋɩŋaa wɩaa deemba kala.

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Tɩntɩŋŋaa 4:26

Tinteeŋ kuoroo kʋ hɛ dɔŋɔ lɛ nɛ, ba taŋ kʋhɩasɩŋ, ma hilimi dɩ ba yuo La Tɩɩna arɩ nɩɩ-la ʋ sɩ lɩɩsa.’

Tɩntɩŋŋaa 4:27

Wɩaa deemba sɛnɛ kʋ ŋaa wʋtɩtɩɩ nɛ, Hɛrɔd arɩ Pɔntɩɔs Paalɩt arɩ nɩalɩŋ sɩ bɩ Juu tɩŋŋaa ŋaa arɩ Iziral tɩŋŋaa, ba kala hilime nɛ taŋ deeŋ lɛ dɩ ba yuo Yesu, ŋ tɩntɩnnɩ-la sɩ bɩ disiniŋ kɛnɛ ŋ sɩ lɩɩsa.

Koloosi Nɩaa 1:13

Ʋ laala Sɩtaanɩ nɩsɩŋ lɛ nɛ, a kɛnla kaa mʋ hɛ ʋ bii-chooluŋ kuorii-la tʋɔŋ.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.