Luuk 4:16 - WƖA TENIŊ

^16-17 Ŋɩɩ nɛ Yesu mʋ Nazarɛt, lee-la ba sɩ lʋlʋ. Chɛ-wiesii-la chɛɛŋ ʋ mʋ jʋʋ Wɩɩchʋɔlɛ dɩa arɩ ʋ sɩ vɛnɛɛ ŋaa ŋɩɩ. Ŋɩɩ nɛ ʋ sii dɩ ʋ karɩmɛ Wɩa teniŋ a pɩ nɩaa. Ba joŋ Wɩa teniŋ sɛmɛ dɔŋɔ pʋ, teŋ-la Wɩa wʋlaabʋlla Azaaya sɩ ŋmʋnsa lɛ. Ʋ suri a na lee-la ba sɩ ŋmʋnsɛ ŋ-la a karɩmɛ,

Luuk 4:16 ပူးပေါင်းရင်းမြစ်များ

Matiu 2:23

Ʋ sɩ mʋ Galilii tinteeŋ, ʋ mʋ hɔŋ taŋ kʋbala lɛ baa yɩrɛ Nazarɛt. Ʋ ŋaa ŋɩɩ dɩ wɩalɩŋ Wɩa wʋlaabʋllaa fa sɩ bʋla kʋ ŋaa wʋtɩtɩɩ nɛ. Ba fa bʋla: “Ba jaŋ kɛnʋ yɩrɛ Nazarɛt tɩɩna.”

Luuk 2:39

Mɛɛrɩ arɩ Josɛf sɩ ŋaa wɩalɩŋ kala Wɩa sɩ sɩ dɩ ba ŋaa Jerusalɛm lɛ a dɛrɛ, ba mɩɩra mʋ Galilii tinteeŋ a mʋ ba jaŋ Nazarɛt.

Luuk 2:42

Yesu sɩ ŋaa jɩsɩŋ fii arɩ balɩa, ʋ dɩ ʋ nyɩmma arɩ ʋ naaŋ mʋ dɩɩsɩŋ kiele bal gbiele-la Jerusalɛm lɛ, arɩ ba sɩ vɛnɛɛ ŋaa ŋɩɩ.

Luuk 2:51

Ŋɩɩ nɛ Yesu arɩ ʋ nyɩmma arɩ ʋ naaŋ mɩɩra mʋ Nazarɛt a hɔŋ nɩmɛ. Ba sɩ hɛ nɩmɛ, ʋ to ba niiŋ woruŋ. Ʋ naaŋ laa wɩalɩŋ kala sɩ ŋaa a hɛ ʋ tʋɔŋ lɛ aa bɩɩnɛ.

Luuk 4:15

Ŋɩɩ nɛ ʋ dagɛ nɩaa Wɩɩchʋɔlɛ dɩɩsɩŋ lɛ. Ba kala bɩbɛsɛ ʋ lɛ.

Luuk 4:21

Ŋɩɩ nɛ Yesu bʋla pɩba, “Teŋ-la mɩ sɩ karɩma pɩma, jɩnɩŋ ʋ sɛnɛ kʋ ŋaa wʋtɩtɩɩ nɛ.”

Luuk 4:23

Ŋɩɩ nɛ Yesu bɩra bʋla pɩba, “Mɩ laa dii arɩ ma jaŋ magɛ namaga a pɩmɛ. Ʋ nɛ ŋ-la: ‘Daalusuŋ tɩɩna, mʋ vaarɛ ŋ tɩtɩa.’ Ma jaŋ bɩra bʋla pɩmɛ a bʋl dɩ wɩalɩŋ kala mɩ sɩ ŋaa Kapɛnam lɛ, dɩ mɩ ŋaaba mɩ tɩtɩa jaŋ ma lɛ.”

Jɔɔŋ 18:20

Yesu bʋl, “Wɩalɩŋ kala mɩ sɩ bʋla, mɩ yie chɩŋ nɩ-daŋ tʋɔŋ nɛ a bʋl. Mɩ yie chaasa chɩŋ Wɩɩchʋɔlɛ dɩɩsɩŋ tʋɔŋ nɛ arɩ Wɩa dɩɩ-balɩŋ tʋɔŋ, lee-la Juu tɩŋŋaa kala sɩ yie kʋ hilimi a bʋl. Mɩ ha bɩ wɩɩkala lʋara bʋl.

Tɩntɩŋŋaa 17:2

Pɔɔl mʋ jʋʋ Wɩɩchʋɔlɛ dɩa-la arɩ ʋ sɩ vɛnɛɛ ŋaa ŋɩɩ lee-na kala. Ʋ dɩ nɩalɩŋ joŋ chɛ-wiesie-la batori a kɛŋ Wɩa teniŋ a magɩsɛ wɩaa a pɩpɩ dɔŋɔ.