Luuk 3:19 - WƖA TENIŊ

¹⁹ Ama Jɔɔŋ bʋl wɩaa jʋʋ kuoru-balɩŋ Hɛrɔd lɛ. Ʋ fa jaa ʋ naambie Fɩlɩp haala nɛ baa yɩrɛ Hɛrɔdɩas. Jɔɔŋ bʋla pʋ dɩ ʋ bɩ maga dɩ ʋ jaa ʋ naambie haala. Wʋbɔŋŋɔɔ dɔnsʋŋ yʋga Hɛrɔd fa ŋaa.

Luuk 3:19 ပူးပေါင်းရင်းမြစ်များ

NAMAGABA 15:12

Babii-balɩŋ bɩ sɛɩ dɩ ba kɛnʋ tʋrɛ, ʋ bɩ jaŋ pɩɛsɛ wʋjɩnna dɩ ʋ dagʋ.

Matiu 11:2

Jɔɔŋ Wɩa lɩɩ-fooru-la fa sɩ hɛ sarɩka lɛ a nɩɩ wɩalɩŋ Kirisito fa sɩɩ ŋaa, ʋ tɩŋ ʋ harɩ-tooroo dɔnsʋŋ Yesu teeŋ

Matiu 14:1

Bʋa-la lɛ nɛ Galilii kuoro Hɛrɔd nɩɩ Yesu wɩaa.

Matiu 14:6

Ŋɩɩ nɛ Hɛrɔd chɛ-lʋlʋŋ tapʋlʋŋ bɩra yi. Ʋ yɩrɛ ʋ nɩaa dɩ ba kʋ gbieli. Hɛrɔdɩas tolo kʋ gʋa ba kala sɩpaaŋ, Hɛrɔd tʋɔŋ tɔrɛ ʋ nyuŋ.

Luuk 3:1

Ŋɩɩ nɛ Wɩa ta Zɛkarɩya bie Jɔɔŋ dɩ ʋ mʋ bʋl Wɩa wɩaa pɩ nɩaa tintee-hɩlɩŋ tʋɔŋ. Ʋ sɩ suomo ŋɩɩ, Rom tinteeŋ kuoru-balɩŋ Tabiiras sɩ dii kuoruŋ ʋ jɩsɩŋ fii arɩ banɔŋ nɛ ŋɩɩ. Pɔntɩɔs Paalɩt ma fa chɩŋ kuoru-balɩŋ nyuŋ Judiya tinteeŋ lɛ. Hɛrɔd ma fa bibeŋ Galilii tinteeŋ. Ʋ naambie Fɩlɩp ma fa bibeŋ Ituriya arɩ Takɔnaatɩs tinteeŋ. Baal-la ba sɩɩ yɩrɛ Lasiinias ma nɩɩ beŋ Abiliini tinteeŋ. Anas arɩ Kayafas ma nɛ fa ŋaa Wɩɩsʋllɩ sɩpaalaaraa kʋhɩasɩŋ Jerusalɛm lɛ.

Luuk 3:18

Jɔɔŋ to wombiee yʋgɛ nɛ a bʋl Wɩa wʋzɔmɔ-la a pɩ nɩaa a chagɩlɛba.