Luuk 3:14 - WƖA TENIŊ

¹⁴ Laalɩyuoroo dɔnsʋŋ ma pɩɛsʋ, “Ka la ma, bɛɛ nɛ la ma jaŋ ŋaa?” Ʋ bʋla pɩba, “Má sɩ́ nʋʋkala moribiee kaa laa arɩ doluŋ, má sɩ́ wʋnyɩɛrɩŋ nyɩɛ a laa moribiee. Má leŋ dɩ ma tʋɔŋ tɔrɛ arɩ time-la ma sɩɩ laa.”

Luuk 3:14 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 20:16

Má pɔ dɩ ma sɩ́ wɩaa nyɩɛ a joŋ cheeriŋ pɩ ma dɔnsʋŋ tɩŋŋaa.

MOSIS KƐŊ IZIRAL TƖŊŊAA LƖƖ 23:1

Má pɔ ma sɩ́ wɩaa gɔllɔ nyɩnyɩa, má sɩ́ laa bʋla pɛ nɩɩ-la kɩaa sɩ bɩ sɩŋ lɛ.

LEVI DOHO NƖAA 19:11

Má sɩ́ gaa. Má sɩ́ wɩaa nyɩa. Má sɩ́ dɔŋɔba ma nyɩsʋ.

Matiu 8:5

Ŋɩɩ nɛ Yesu sii mʋ Kapɛnam dɩ Rom laalɩyuoroo kʋhɩaŋ kʋ chemu a sʋlʋ dɩ ʋ pɛ ʋ lɛ a bʋl,

Luuk 19:8

Yesu sɩ hɛ Zakɩyas dɩa lɛ ŋɩɩ, Zakɩyas sii chɩŋ a bʋla pɩ La Tɩɩna Yesu, “Mɩ Kʋhɩaŋ, jegile nɩɩ mɩ teeŋ. Mɩ jaŋ joŋ mɩ kɩaa kpaa magɛ dɔŋɔ a pɩ summoo. Dɩ mɩ nɛ gɩrɩmɛ nʋʋ maa, mɩ jaŋ tiŋ ʋ tɩɩna arɩ moribiee naansɩɩŋ bʋnɛsɛ.”

Luuk 3:10

Nɩalɩŋ dɔnsʋŋ sɩ nɩɩ wɩalɩŋ ʋ sɩ bʋla pɩɛsʋ, “Bɛɛ nɛ la saa jaŋ ŋaa?”

Luuk 3:13

Ʋ bʋla pɩba, “Má sɩ́ moribiee laa kɩɩ ŋɩɩ ba sɩ daga dɩ maa laa.”

Tɩntɩŋŋaa 10:7

Wɩa tɩndaarʋ-la sɩ bʋl wɩalɩŋ dɛrɛ, ʋ mɩɩra viiri. Ŋɩɩ nɛ aŋ ka Kɔnɩɩlɩas yɩrɛ ʋ dɩa tɩntɩnnaa balɩa a pɛ laalɩyuoro kʋbala lɛ. Laalɩyuoru-la ŋaa nɩalɩŋ sɩ yie hʋhɔŋ ʋ bʋbʋɔŋ dɔŋɔ nɛ a fɩfá Wɩa.

Fɩlɩpa Nɩaa 2:15

Dɩ ma nɛ ŋaa ŋɩɩ, ma jaŋ ŋaa tʋɔpʋl tɩmma a sɩ́ wʋcheeli kala kɛŋ. Ma jaŋ ŋaa Wɩa biiriŋ a hɛ wʋbɔŋ ŋaaraa arɩ nɩbɔŋŋɔɔ tʋɔŋ dʋnɩa deeŋ lɛ. Ma chaanɛ nɩaa deemba tʋɔŋ a nagɛ chɛnwʋlaa sɩ chaanɛ ŋɩɩ wɩa-nyuŋ.

Fɩlɩpa Nɩaa 4:11

Ʋ bɩ naga arɩ mɩ chɛ kʋŋ ka nɛ tɩɩ mɩɩ bʋl wɩɩŋ deeŋ, bɛɛ wɩaa mɩ mala nɛ mɩ mɩɩsɩŋ lɛ, dɩ mɩ kɛŋ kʋŋ koo dɩ mɩ bɩ kʋŋ kɛnɛ, mɩ tʋɔŋ yie tɔrɔ nɛ.

Taatɩs 2:3

Bʋla pɩ hanɩhɩasɩ-la ma dɩ ba ŋaa wɩalɩŋ sɩ daga arɩ baa to Wɩa wombiiŋ nɛ. Ʋ bɩ maga dɩ ba gɩgaa nɩaa harɩŋ koo dɩ ba ŋaa sɩ-nyʋaraa. Bʋla pɩba dɩ ba dɩdagɛ wɩalɩŋ sɩ zɔmɔ,

Jɔɔŋ Wʋnaalaa 12:10

Ŋɩɩ nɛ ka mɩ nɩɩ yikori-bal kʋbala dɩ ʋ lɩɩ Wɩa-jaŋ a bʋl, “Lɛɛlɛ Wɩa dagɛ dol-la ʋ sɩ kɛnɛ dɩ ʋ laa ʋ nɩaa ta nɛ. Ʋ dagɛ ʋ doluŋ arɩ ʋ kuoruŋ nɛ, arɩ dol-la Kirisito sɩ kɛnɛ, Nɩɩ-la ʋ sɩ lɩɩsa, bɛɛ wɩaa nɩɩ-la sɩ joŋ cheeriŋ pɩ la naambiiriŋ, ba joŋu yuo ta nɛ ʋ kʋ tuu tinteeŋ. Ʋ fa joŋ cheeriŋ pɩba Wɩa sɩpaaŋ wɩɩhɛyɛ arɩ tɩtaŋɩŋ kala nɛ.