Luuk 3:13 - WƖA TENIŊ

¹³ Ʋ bʋla pɩba, “Má sɩ́ moribiee laa kɩɩ ŋɩɩ ba sɩ daga dɩ maa laa.”

Luuk 3:13 ပူးပေါင်းရင်းမြစ်များ

WƖA YƖƖLAA 18:23

Mɩ bɩ wʋcheeli kɛnɛ ŋ sɩpaaŋ. Mɩ kɛŋ mɩ tɩtɩa nɛ dɩ mɩ sɩ́ wʋbɔŋ kala ŋaa.

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

MƖKA 6:8

Aɩ, Wɩa dagɛla wɩɩ-la sɩ zɔmɔ nɛ. Wʋbɛɛ nɛ La TƖƖNA chɩchɛ dɩ la ŋaa? Ʋʋ chɛ dɩ la kɛŋ wʋtɩtɩɩ a ŋɩŋaa wɩaa, a cho nɩaa, a muuri la tɩtɩa a tuto ʋ wombiiŋ.

Matiu 7:12

Wɩalɩŋ ma sɩ cho dɩ nɩaa joŋo ŋɩŋaa ma lɛ, má ma joŋ ŋɩɩ ŋɩŋaa ba lɛ. Wɩalɩŋ Mosis fa sɩ ŋmʋnsa bil dɩ nɩaa tuto arɩ Wɩa wʋlaabʋllaa wʋdagaa wʋnyuŋ nɛ wɩɩŋ deeŋ.”

Luuk 19:8

Yesu sɩ hɛ Zakɩyas dɩa lɛ ŋɩɩ, Zakɩyas sii chɩŋ a bʋla pɩ La Tɩɩna Yesu, “Mɩ Kʋhɩaŋ, jegile nɩɩ mɩ teeŋ. Mɩ jaŋ joŋ mɩ kɩaa kpaa magɛ dɔŋɔ a pɩ summoo. Dɩ mɩ nɛ gɩrɩmɛ nʋʋ maa, mɩ jaŋ tiŋ ʋ tɩɩna arɩ moribiee naansɩɩŋ bʋnɛsɛ.”

Luuk 3:12

Ŋɩɩ nɛ lampoo lɩlaaraa dɔnsʋŋ ma kɔ dɩ ʋ foba Wɩɩchʋɔlɛ lɩɩŋ a pɩɛsʋ, “La kʋhɩaŋ, bɛɛ nɛ la ma jaŋ ŋaa?”

Luuk 3:14

Laalɩyuoroo dɔnsʋŋ ma pɩɛsʋ, “Ka la ma, bɛɛ nɛ la ma jaŋ ŋaa?” Ʋ bʋla pɩba, “Má sɩ́ nʋʋkala moribiee kaa laa arɩ doluŋ, má sɩ́ wʋnyɩɛrɩŋ nyɩɛ a laa moribiee. Má leŋ dɩ ma tʋɔŋ tɔrɛ arɩ time-la ma sɩɩ laa.”

1 Kɔrɩntɩ Nɩaa 6:10

arɩ gaaraa arɩ tʋɔ-luŋ tɩŋŋaa, arɩ sɩ-nyʋaraa, arɩ nɩalɩŋ sɩɩ chei nɩaa yɩrɩŋ, arɩ nɩalɩŋ sɩ gɩrɩma lɩlaa dɔŋɔba kɩaa, nɩaa deemba kʋŋkala bɩ jaŋ wuo jʋʋ Wɩa kuorii-la tʋɔŋ.

Ɛfɛsɩs Nɩaa 4:28

Nɩɩ-la kala fa sɩɩ gaa, ʋ maga dɩ ʋ leŋ gaarɩŋ, aŋ kɛŋ ʋ nɩsaa faasa tɩŋ tɩntɩŋ-zɔŋŋɔɔ a wuo na kʋ-la kala ʋ sɩɩ chɛ ʋ tɩtɩa lɛ, aŋ wuo pɛ summoo ma lɛ.

Hiburu TƖŊŊAA 12:1

La sɩ na dɩ nɩ-daŋ deeŋ gollila a ŋaa pɛ-naaraa a mʋ tɩgɛ ba sɩ laa Wɩa wɩaa laa dii lɛ, má leŋ dɩ la joŋ wɩalɩŋ kala sɩ nyagɛla bil ta, arɩ wʋbɔmɔ-la kala sɩ mɛrɛ la lɛ. Má leŋ dɩ la nyalɩmɛ a mʋmʋ sɩpaaŋ, a ŋaa wɩɩ-la Wɩa sɩ joŋo bil la sɩpaaŋ.