Luuk 3:11 - WƖA TENIŊ

¹¹ Ʋ bʋla pɩba, “Dɩ ŋ kɛŋ gɛnnɩŋ balɩa, ʋ maga dɩ ŋ joŋ dɔŋɔ a pɩ nɩɩ-la sɩ bɩ kʋŋ kɛnɛ. Nɩɩ-la sɩ kɛŋ kʋdiilee ma, ʋ maga dɩ ŋ ŋaa kpaa nɩalɩŋ sɩ bɩ kʋdiilee kɛnɛ nɛ.”

Luuk 3:11 ပူးပေါင်းရင်းမြစ်များ

ƐZƖKƖƐL 18:7

Ʋ bɩ nʋʋkala nyaga bil, ama dɩ nʋʋ nɛ dii ʋ chɩmɩŋ aŋ joŋ kʋŋ bil bʋbʋɔŋ, ʋ yie mɩɩra joŋ tɩɩna kʋa pʋ nɛ. Ʋ bɩ nɩaa kɩaa kaa lɩlaa arɩ doluŋ, ama ʋ yie ŋaa kʋdiilee pɩpɩ nɩalɩŋ losuŋ sɩ kɛnɛ nɛ, a joŋ gɛnnɩŋ ma pɩpɩ nɩalɩŋ sɩ kɛŋ yarɩ-biree.

DANƖƐL 4:27

Ŋɩɩ wɩaa, kuoro, mɩɩ sʋlʋŋ, sɛɩ wɩɩ-la mɩ sɩ jaŋ dagɛ: Leŋ ŋ wʋbɔmɔ-la ŋaanɩŋ aŋ ŋɩŋaa wɩaa ba bʋa lɛ, a leŋ ŋ nɩbɔŋ wɩalɩŋ aŋ kɛŋ zile nɩalɩŋ ba sɩ nyaga bil lɛ. Ʋ ŋɩɩ nɛ jaŋ leŋ dɩ wɩaa vɛŋ woruŋ pɩŋ.”

Matiu 25:40

Mɩ-na Kuoro jaŋ bʋla pɩba, ‘Wʋtɩtɩɩ nɛ mɩ bʋlaa pɩma, bʋa-la kala lɛ ma sɩ ŋaa wʋzɔmʋŋ a pɩ mɩ naambiiriŋ deemba tʋɔŋ nɩɩ-la sɩ bɩ lee kɛnɛ, ma ŋaa ŋɩɩ pɩmɛ nɛ.’

Luuk 11:41

Dɩ ma nɩɩ chɛ dɩ ma tʋɔŋ pʋllɛ, má kɛŋ ma tʋɔŋ a cho summoo a fɩfá ba nenige.

Luuk 18:22

Yesu sɩ nɩɩ wɩalɩŋ ʋ sɩ bʋla, ʋ bʋla pʋ, “Wʋbala nɛ ka ŋ ha jaŋ ŋaa. Joŋ ŋ kɩaa kala a yallɛ, a joŋ moribie-la a pɩ summoo, aŋ kʋ tomi. Ŋ nɛ ŋaa ŋɩɩ, ŋ jaŋ kɛŋ kɩaa Wɩa-jaŋ lɛ.”

Luuk 19:8

Yesu sɩ hɛ Zakɩyas dɩa lɛ ŋɩɩ, Zakɩyas sii chɩŋ a bʋla pɩ La Tɩɩna Yesu, “Mɩ Kʋhɩaŋ, jegile nɩɩ mɩ teeŋ. Mɩ jaŋ joŋ mɩ kɩaa kpaa magɛ dɔŋɔ a pɩ summoo. Dɩ mɩ nɛ gɩrɩmɛ nʋʋ maa, mɩ jaŋ tiŋ ʋ tɩɩna arɩ moribiee naansɩɩŋ bʋnɛsɛ.”

Jɔɔŋ 13:29

Judas fa sɩɩ kori ba moribiee ŋɩɩ, Yesu harɩ-tooro-la dɔnsʋŋ fa bɩɩna arɩ Yesu faa chɛ dɩ ʋ mʋ yɔɔ kɩalɩŋ ba sɩɩ chɛ dɩ ba dii nɛ gbiele-la lɛ, koo dɩ ʋ joŋ kʋŋ nɛ a pɩ summoo.

Tɩntɩŋŋaa 10:2

Ʋʋ fá Wɩa, ʋ dɩ ʋ dɩa nɩaa kala tuto Wɩa. Ʋ yie pɩpɛ summoo lɛ, a chʋchʋɔlɛ Wɩa ma bʋa na-kala lɛ.

Tɩntɩŋŋaa 10:31

Ʋ bʋla pɩmɛ, ‘Kɔnɩɩlɩas, Wɩa nɩɩ ŋ sɩ yie chʋchʋɔlʋ ŋɩɩ nɛ, a na ŋ sɩ yie pɩpɛ summoo ma lɛ.

Tɩntɩŋŋaa 10:4

Ʋ chaarɛ sɩaa bibeŋ Wɩa tɩndaarʋ-la, fawʋllʋŋ kɛnʋ. Ʋ pɩɛsɛ, “Bɛɛ kʋŋ nɛ mɩ Tɩɩna?” Ŋɩɩ nɛ Wɩa tɩndaarʋ-la bʋla pʋ, “Wɩa nɩɩ ŋ sɩ yie chʋchʋɔlʋ ŋɩɩ nɛ a na ŋ sɩ yie pɩpɛ summo-la ma lɛ ŋɩɩ. A tɩŋ wɩaa deemba wɩaa ʋʋ liisi ŋ wɩaa nɛ.

Ɛfɛsɩs Nɩaa 4:28

Nɩɩ-la kala fa sɩɩ gaa, ʋ maga dɩ ʋ leŋ gaarɩŋ, aŋ kɛŋ ʋ nɩsaa faasa tɩŋ tɩntɩŋ-zɔŋŋɔɔ a wuo na kʋ-la kala ʋ sɩɩ chɛ ʋ tɩtɩa lɛ, aŋ wuo pɛ summoo ma lɛ.

1 Timoti 6:17

Bʋla pɩ nɩalɩŋ sɩ kɛŋ kɩaa dʋnɩa deeŋ lɛ dɩ ba sɩ́ ba tɩtɩa dagʋ koo a joŋ ba yɩɛlaa hɛ ba dʋa lɛ, bɛɛ wɩaa nʋʋkala bɩ jɩŋ ʋ dʋa-la chie sɩ jaŋ chɩŋ ŋɩɩ. Ama ʋ maga dɩ ba joŋ ba yɩɛlaa hɛ Wɩa lɛ. Ʋ nɩɩ pɩla kʋŋkala la sɩɩ chɛ dɩ la kaa nɩnɩɩ sɩma.

1 Timoti 6:18

Bʋla pɩ nɩalɩŋ sɩ kɛŋ kɩaa dɩ ba ŋɩŋaa wʋzɔŋŋɔɔ, dɩ ba leŋ dɩ ba wʋzɔŋŋɔɔ yʋgɛ. Bʋla pɩba dɩ ba kɛŋ zile a ŋaa kɩaa pɩpɩ nɩaa.

Hiburu TƖŊŊAA 6:10

Wɩa kɛŋ wʋtɩtɩɩ, ʋ bɩ jaŋ yʋ tɩntɩmɩɩ-la ma sɩ tɩma pʋ arɩ chono-la ma sɩ daga pʋ a pɛ ʋ nɩaa lɛ aŋ ha pɩpɛ ba lɛ.

Jeems 1:27

La Nyɩmma Wɩa wombiiŋ tonuŋ ʋ sɩ daga arɩ ʋ ŋaa wombii-tɩtɩɩ nɛ ŋ-la: Má pɩpɛ biisinsiŋ arɩ yo-haala-la sɩɩ na hɛɛŋ lɛ, aŋ lɩɩsɛ ma tɩtɩa dʋnɩa nɩaa wʋŋaalaa sɩ jaŋ leŋ dɩ ma kɛŋ disiniŋ lɛ.

Jeems 2:14

Mɩ naambiiriŋ, dɩ nʋʋ nɛ sɩ ʋ laa Wɩa wɩaa dii nɛ aŋ bɩ wɩalɩŋ Wɩa sɩ cho ka ŋaa, ʋ ŋɩɩ zɔmɔɔ? Dɩ ʋ Wɩa laa diiniŋ nɛ nagɛ ŋ-la, ma bɩɩna Wɩa jaŋ laaʋ ta koo?

1 Jɔɔŋ 3:17

Dɩ nʋʋ nɛ kɛŋ kɩaa woruŋ aŋ na ʋ dɔŋɔ tɩɩna ʋ jʋʋ wɩɩ a chɩchɛ pɛnɩŋ, ka ʋ kɛŋ tʋɔhɛɛŋ a bɩ ʋ nenige fá, ɛɛ nɛ ʋ jaŋ wuo bʋl dɩ ʋ cho Wɩa nɛ?

1 Jɔɔŋ 4:20

Dɩ nʋʋ nɛ sɩ ʋ cho Wɩa nɛ aŋ bɛrɛ ʋ dɔŋɔ tɩɩna, ʋ ŋaa wʋnyɩɛrʋ nɛ. Ʋ sɩ wuo na ʋ dɔŋɔ tɩɩna aŋ bɩ ʋ cho, ŋɩɩ-na ʋ bɩ Wɩa ʋ sɩ bɩ wuo na ma cho.