Luuk 22:53 - WƖA TENIŊ

⁵³ Mɩ dɩ ma kala nɛ fa hɛ Wɩa dɩɩ-bal-la lɛ tapʋlɩɩ kala, aŋ ka ma bɩ walɩma dɩ ma kɛmmɛ nɩmɛ. Ama bʋa deeŋ lɛ nɛ birimiŋ tɩɩna Sɩtaanɩ pɩma doluŋ ma wuo kɔ dɩ ma kɛmmɛ.”

Luuk 22:53 ပူးပေါင်းရင်းမြစ်များ

JOB 20:5

nɩbɔmʋŋ tʋɔtɔrʋŋ bɩ dieni, nɩɩ-la sɩ bɩ Wɩa ka to ma tʋɔtɔrʋŋ bɩ dieni.

Matiu 21:23

Ba sɩ mʋ Jerusalɛm, Yesu mʋ jʋʋ Wɩa dɩɩ-balɩŋ. Ʋ sɩ jʋʋ Wɩa dɩa-la ŋɩɩ a dɩdagɛ nɩaa, Wɩɩsʋllɩ sɩpaalaaraa kʋhɩasɩŋ arɩ Juu tɩŋŋaa kʋhɩasɩŋ, ba kala sii kɔ ʋ teeŋ a pɩɛsʋ, “Dol bɛɛ nɛ ŋ kɛŋ a ŋɩŋaa wɩaa deemba? Kʋbɛɛ nɛ pɩŋ doluŋ ŋ kaa ŋɩŋaa ŋɩɩ?”

Luuk 22:52

Ŋɩɩ nɛ Yesu pɩɛsɛ Wɩɩsʋllɩ sɩpaalaaraa kʋhɩasɩŋ arɩ Wɩa dɩɩ-bal-la kʋhɩasɩŋ arɩ ba taŋ kʋhɩasɩ-la sɩ kɔ dɩ ba kɛnʋ, “Mɩ ŋaa wʋcheeru nɛ ma paa tokobiee arɩ toŋguloo a kʋkɔ dɩ ma kɛmmɛɛ?

Luuk 22:54

Ŋɩɩ nɛ ba kɛŋ Yesu a kaa mʋ Wɩɩsʋllɩ sɩpaalaara kʋhɩaŋ dɩa, ka Pɩɩta daa tuto ba harɩŋ.

Jɔɔŋ 12:27

Lɛɛlɛ mɩ tʋɔŋ bɩ dɩ-bala pɩna. Bɛɛ nɛ saa mɩ jaŋ bʋl? Mɩ saa bʋl dɩ mɩ Nyɩmma sɩ́ leŋe dɩ wɩalɩŋ kala sɩ jaŋ ŋaa mɩ lɛ ŋaa koo? Aɩ, mɩ bɩ jaŋ wuo bʋl ŋɩɩ. Wɩaa deemba sɩ jaŋ ŋaa mɩ lɛ wɩaa nɛ tɩɩ mɩ kɔ dʋnɩa.

Jɔɔŋ 13:30

Judas sɩ laa boroboro-la dɛrɛ, ʋ guu sii a lɩɩ lɩma lɩma. Bʋa-la lɛ dɩ tɩtaŋ nɛ.

Jɔɔŋ 14:30

Mɩ bɩ jaŋ wuo bʋl wɩaa ma teeŋ a dieni, bɛɛ wɩaa dʋnɩa kuoro ka kɔ nɛ. Ama ʋ bɩ dol kala kɛnɛ mɩ lɛ.

Jɔɔŋ 7:30

Ŋɩɩ nɛ ba chɩchɛ dɩ ba kɛnʋ, ama nʋʋkala nɩsɩŋ bɩ ʋ dige, bɛɛ wɩaa bʋa-la lɛ ʋ sɩ jaŋ sʋʋ ha bɩ yie.

Jɔɔŋ 7:45

Ŋɩɩ nɛ nɩalɩŋ sɩɩ pɔ Wɩa dɩɩ-bal-la ba sɩ tɩma dɩ ba mʋ kɛŋ Yesu mɩɩra mʋ Farisii tɩŋŋaa arɩ Wɩɩsʋllɩ sɩpaalaaraa kʋhɩasɩŋ teeŋ arɩ na-hɩllɩŋ. Ba pɩɛsɛba, “Bɛɛ nɛ tɩɩ ma bɩ ʋ kaa kɔ?”

Tɩntɩŋŋaa 26:18

Mɩ jaŋ tɩmɩŋ dɩ ŋ mʋ bʋl wɩaa a suri ba sɩaa, dɩ ba bɩrɩma lɩɩ birimiŋ lɛ a kʋ jʋʋ pʋlʋmʋŋ tʋɔŋ, a ŋaa dɩ ba lɩɩ Sɩtaanɩ nɩsɩŋ lɛ a kɔ Wɩa teeŋ. Dɩ ba nɛ ŋaa ŋɩɩ a laa mɩ wɩaa dii, Wɩa jaŋ joŋ ba wʋbɔŋŋɔɔ chɛba. Ba jaŋ na leriŋ nɩalɩŋ Wɩa sɩ lɩɩsa tʋɔŋ.’

Ɛfɛsɩs Nɩaa 6:12

Ama la bɩ naga nɩalɩŋ sɩɩ yuo nuhuobiinee. Laa yuo Sɩtaanɩ arɩ ʋ harɩ-tooroo nɛ, arɩ kʋŋkala sɩ kɛŋ doluŋ nɩalɩŋ sɩ hɛ birimiŋ tʋɔŋ teeŋ. Dʋnɩa deeŋ arɩ dol-bɔmɔ-la kala sɩ hɛ wɩa-nyuŋ, ba nɛ laa yuo.

Koloosi Nɩaa 1:13

Ʋ laala Sɩtaanɩ nɩsɩŋ lɛ nɛ, a kɛnla kaa mʋ hɛ ʋ bii-chooluŋ kuorii-la tʋɔŋ.