Luuk 22:52 - WƖA TENIŊ

⁵² Ŋɩɩ nɛ Yesu pɩɛsɛ Wɩɩsʋllɩ sɩpaalaaraa kʋhɩasɩŋ arɩ Wɩa dɩɩ-bal-la kʋhɩasɩŋ arɩ ba taŋ kʋhɩasɩ-la sɩ kɔ dɩ ba kɛnʋ, “Mɩ ŋaa wʋcheeru nɛ ma paa tokobiee arɩ toŋguloo a kʋkɔ dɩ ma kɛmmɛɛ?

Luuk 22:52 ပူးပေါင်းရင်းမြစ်များ

2 KUOROO 11:15

Jehoyada bɩra bʋla pɩ laalɩyuori-hɩasɩ-la sɩɩ beŋ laalɩyuoroo zɔlɔba, “Má kɛŋ Atalɩa pɩɛga to nɩalɩŋ sɩɩ pɔ leriŋ tʋɔŋ kʋ lɩɩ, má kpʋ nʋʋkala sɩɩ chɛ dɩ ʋ laaʋ ta, ama má sɩ́ Atalɩa kpʋ a kpagɛ La TƖƖNA dɩɩ-bal-la lee-kala.”

Matiu 26:47

Yesu ha bɩ wɩaa bʋla dɛrɛ, dɩ Judas nɩɩ kɔ ŋɩɩ. Ʋ fa ŋaa Yesu harɩ-tooro-la fii arɩ balɩa dɔŋɔ nɛ. Nɩaa yʋgɛ a tuto ʋ harɩŋ. Dɔnsʋŋ kori tokobiee arɩ toŋguloo. Wɩɩsʋllɩ sɩpaalaaraa kʋhɩasɩŋ arɩ ba taŋ kʋhɩasɩŋ nɛ tɩmba, ba kɔ.

Matiu 26:55

Ŋɩɩ nɛ Yesu pɩɛsɛ nɩ-daŋ-la, “Mɩ ŋaa wʋcheeru nɛ ma sii kɛŋ tokobiee arɩ toŋguloo a kʋkɔ dɩ ma kɛmmɛɛ? Tapʋlɩɩ kala nɛ mɩ yie hɔŋ Wɩa dɩa lɛ a dɩdagɛ nɩaa, aŋ ka ma bɩ walɩma dɩ ma kɛmmɛ nɩmɛ.

Luuk 22:37

Ŋɩɩ nɛ ba ŋmʋnsɛ Wɩa teniŋ tʋɔŋ. Ba bʋla arɩ ba jaŋ kɛnʋ pɛ wʋbɔŋ ŋɩŋaaraa lɛ. Wɩaa deemba ba ŋmʋnsa a tɩgɛ mɩ lɛ nɛ. Ba kala jaŋ ŋaa mɩ lɛ, bɛɛ wɩaa wɩalɩŋ kala ba sɩ ŋmʋnsa a tɩgɛ mɩ lɛ, ba kala jaŋ sɛnɛ ŋaa a dɛrɛ.”

Luuk 22:4

Ŋɩɩ nɛ Judas sii mʋ bʋla pɩ Wɩɩsʋllɩ sɩpaalaaraa kʋhɩasɩŋ arɩ Wɩa dɩɩ-bal-la kʋhɩasɩŋ ŋɩɩ ʋ sɩ jaŋ to a kɛŋ Yesu yalla pɩba.

Luuk 22:51

Ŋɩɩ nɛ Yesu bʋl dɩ ʋ maga nɛ, dɩ ba leŋ. Ʋ sɩ bʋl ŋɩɩ, ʋ digi baal-la dɩgɩl-la lɛ a ŋaa ʋ fɩɛlɛ.

Luuk 22:53

Mɩ dɩ ma kala nɛ fa hɛ Wɩa dɩɩ-bal-la lɛ tapʋlɩɩ kala, aŋ ka ma bɩ walɩma dɩ ma kɛmmɛ nɩmɛ. Ama bʋa deeŋ lɛ nɛ birimiŋ tɩɩna Sɩtaanɩ pɩma doluŋ ma wuo kɔ dɩ ma kɛmmɛ.”

Jɔɔŋ 17:12

Mɩ sɩ hɛ ba teeŋ, mɩ beŋ ba nyuŋ nɛ woruŋ ŋ doluŋ lɛ, dol-la ŋ sɩ joŋo pɩmɛ nɛ mɩ kaa bemba. Mɩ sɩ ŋaa ŋɩɩ, ba kʋbala ma bɩ lɛlɛ, see nɩɩ-la sɩ maga dɩ ʋ lɛl, dɩ wɩalɩŋ ba fa sɩ ŋmʋnsa Wɩa teniŋ tʋɔŋ sɛnɛ ŋaa.

Tɩntɩŋŋaa 5:26

Ŋɩɩ nɛ nɩalɩŋ sɩɩ pɔ Wɩa dɩɩ-bal-la nɩhɩaŋ arɩ ʋ nɩaa mʋ kɛsɛ Yesu nanzɔɔba-la kaa kɔ. Ba bɩ ba fʋga, bɛɛ wɩaa fawʋllʋŋ fa kɛmba nɛ arɩ nɩalɩŋ fa sɩ hɛ Wɩa dɩɩ-bal-la tʋɔŋ jaŋ paa tabɩaa yagɛba.