Luuk 22:41 - WƖA TENIŊ

⁴¹ Ʋ sɩ bʋl ŋɩɩ dɛrɛ, ʋ kieli ʋ harɩ-tooro-la a mʋ sɩpaaŋ mʋapɩlɩɩ, a tuu kpirimi a chʋɔlɛ Wɩa bʋl,

Luuk 22:41 ပူးပေါင်းရင်းမြစ်များ

Matiu 26:39

Ba hɔŋ, ka ʋ sʋrɩsa mʋ sɩpaaŋ mʋa a tuu pɩna chigi tinteeŋ a sʋl Wɩa a bʋl, “Mɩ Nyɩmma, dɩ wombiiŋ nɛ hɛ nɩmɛ, lɩɩsɛ hɛɛ-la sɩɩ kɔ mɩ lɛ. Ama mɩ-na tʋɔtɔrʋŋ lɛ dee, ŋ-na tʋɔtɔrʋŋ lɛ nɛ.”

Maak 14:35

Ba hɔŋ. Ka ʋ sʋʋsa mʋ sɩpaaŋ mʋa a tuu kpirimi tinteeŋ a sʋl Wɩa a bʋl dɩ ʋ nɛ kɛŋ wombiiŋ, dɩ ʋ sɩ́ leŋe dɩ wɩɩ-la jʋʋ-ʋ lɛ

Luuk 18:11

Farisii tɩɩna-la sii chɩŋ a bigisi ʋ tɩtɩa lɛ a chʋɔlɛ Wɩa a bʋl, ‘La Tɩɩna Wɩa, mɩɩ lɔllʋŋ arɩ mɩ sɩ bɩ nɩaa dɔnsʋŋ naga, nɩalɩŋ sɩ gɔllɔ kɛŋ nɩaa kɩaa lɩlaa, koo nɩalɩŋ sɩ bɩ wʋtɩtɩɩ kɛnɛ, koo nɩalɩŋ sɩ gɔllɔ chɩchɛ nɩaa haalaa. Mɩ bɩ lampoo laara deeŋ ma sɩ hɛ daha naga.

Luuk 18:13

Ama lampoo laarʋ-la chɩŋ dɩ-bolii. Ʋ paala bɩ ʋ sɩaa ma kaa wʋl wɩa-nyuŋ aŋ paa ʋ nɩsaa chʋŋ ʋ nyuŋ lɛ aŋ bʋl, ‘Wɩa, fá mɩ nisusuŋ. Mɩ ŋaa wʋbɔŋ ŋaarʋ nɛ.’ ”

Tɩntɩŋŋaa 20:36

Pɔɔl sɩ bʋl wɩaa dɛrɛ, ʋ dɩ ba kala tuu kpirimi ʋ chʋɔlɛ Wɩa a pɩba kala.

Tɩntɩŋŋaa 21:5

La sɩ hɔŋ nɩmɛ tapʋlaa balɩpɛ ŋɩɩ, la bɩra lɩɩ nɩmɛ a joŋ la wombiiŋ. Baalaa arɩ ba haalaa arɩ ba biiriŋ kɛnla kaa lɩɩ taŋ-la tʋɔŋ. La kala tuu kpirimi lɩɩŋ niiŋ a chʋɔlɛ Wɩa.

Tɩntɩŋŋaa 7:60

Ʋ tuu kpirimi a faasa ŋmoo niiŋ a bʋl, “Mɩ Tɩɩna Yesu, mɩɩ sʋlʋŋ, sɩ́ wʋbɔmʋŋ deeŋ ba sɩ ŋaa chɩmɩŋ joŋo tiŋ ba lɛ.” Ʋ fa bʋl ŋɩɩ nɛ aŋ sʋʋ.

Tɩntɩŋŋaa 9:40

Pɩɩta ŋaa ba kala lɩɩ dɩa-la tʋɔŋ. Ba sɩ lɩa, ʋ tuu kpirimi a chʋɔlɛ Wɩa. Ŋɩɩ nɛ aŋ bɩrɩmɛ sʋʋ-la teeŋ a bʋl, “Tabɩta, sii.” Ʋ suri ʋ sɩaa. Ʋ sɩ na Pɩɩta, ʋ sii hɔŋ.

Hiburu TƖŊŊAA 5:7

Yesu fa sɩ hɛ ʋ mɩɩsɩŋ lɛ dʋnɩa deeŋ lɛ, ʋ chʋɔlɛ Wɩa a faasa yel sɩlɩɩrɩŋ a sʋl Wɩa, ʋ-na nɩɩ-la sɩ jaŋ wuo laa ʋ mɩɩsɩŋ ta dɩ ʋ sɩ́ sʋʋ. Yesu kɛŋ ʋ tɩtɩa muuri nɛ a ŋaa wɩalɩŋ sɩɩ tɔrɛ Wɩa tʋɔŋ, ŋɩɩ nɛ tɩɩ Wɩa laa ʋ Wɩɩsʋlʋŋ.