Luuk 22:16 - WƖA TENIŊ

¹⁶ Mɩ jaŋ bʋla pɩma arɩ mɩ bɩra bɩ jaŋ kɔ dɩ mɩ dii kʋdiilee deemba, a kaa mʋ yi bʋa-la lɛ Wɩa kuorii-la sɩ jaŋ kɔ.”

Luuk 22:16 ပူးပေါင်းရင်းမြစ်များ

Luuk 12:37

Dɩ ba kʋhɩaŋ nɛ mɩɩra kɔ a na dɩ ba weye a ŋaa siri, ba tʋɔŋ jaŋ tɔrɛ. Wʋtɩtɩɩ, mɩ bʋlaa pɩma, ʋ jaŋ laalɛ gɛnnɩŋ aŋ leŋ dɩ ʋ tɩntɩnna-la hɔŋ, dɩ ʋ ŋaa kʋdiilee pɩba dɩ ba dii.

Luuk 14:15

Yesu sɩ bʋl wɩɩŋ deeŋ, ŋɩɩ nɛ nɩalɩŋ sɩ hɔnɔɔ dii kɩalɩŋ dɔŋɔ bʋla pɩ Yesu a bʋl, “Nɩalɩŋ sɩ jaŋ dii kɩaa Wɩa kuorii-la tʋɔŋ, ba tʋɔŋ jaŋ tɔrɛ.”

Luuk 22:15

Ŋɩɩ nɛ Yesu bʋla pɩba, “Mɩ fa paala cho dɩ la dɩ ma dii kɩaa deemba nɛ, aŋ ka dɩ mɩ-na na hɛɛŋ.

Luuk 22:18

Mɩ bʋlaa pɩma, mɩ bɩra bɩ jaŋ kɔ dɩ mɩ nyʋa sɩnɩŋ deeŋ, a kaa mʋ yi bʋa-la lɛ Wɩa kuorii-la sɩ jaŋ kɔ.”

Luuk 22:30

Mɩ dɩ ma kala jaŋ dii kʋdiilee Wɩa kuorii-la tʋɔŋ. Ma jaŋ hɔŋ kuoru kpasɩnɩŋ nyuŋ a dii Iziral doho doho fii arɩ balɩa-la sarɩya.”

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Tɩntɩŋŋaa 10:41

Nʋʋkala dee bɩ ʋ na, ama la nɩalɩŋ Wɩa fa sɩ lɩɩsa dɩ la ŋaa ʋ dansɩaba, la nɛ naʋ. Ʋ sɩ sii sʋʋŋ lɛ, la kala hɔŋ dɩ-bala a dii kɩaa.

Jɔɔŋ Wʋnaalaa 19:9

Ŋɩɩ nɛ Wɩa tɩndaarʋ-la bʋla pɩmɛ, “Ŋmʋnsɛ wɩɩŋ deeŋ, ‘Wɩa jaŋ pɛ nɩalɩŋ ba sɩ yɩra dɩ ba kʋ gbieli Pie-bie-la hajaarɩ gbiele a dii kʋdiilee nɩmɛ.’ ” Ŋɩɩ nɛ Wɩa tɩndaarʋ-la bʋla pɩmɛ, “Wɩa niiŋ wɩaa wʋtɩtɩɩba nɛ ŋɩɩ.”