Luuk 21:1 - WƖA TENIŊ

¹ Bʋa kʋbala Yesu hɛ Wɩa dɩɩ-bal-la lɛ a na nɩalɩŋ sɩ kɛŋ kɩaa sɩ joŋ ba moribiee bil a pɩpɩ Wɩa.

Luuk 21:1 ပူးပေါင်းရင်းမြစ်များ

1 KUOROO 14:26

a paa sɩɩfɩaŋ kɩalɩŋ kala sɩ hɛ La TƖƖNA dɩɩ-bal-la arɩ kuoru dɩa kala lɛ. Ʋ pɛ paa Solomoŋ fa sɩ kɛŋ sɛlɩmɛ libi hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ a kaa viiri.

2 KUOROO 12:9

Jehoyada chɛ dagɩ-bie a luri bʋa daga-la nii-tɔlɔ lɛ, a joŋo bil ŋ sɩɩ jʋʋ Wɩa dɩɩ-bal-la nadiiŋ Wɩɩsʋllɩ koru-la sɛmɛ. Wɩɩsʋllɩ sɩpaalaaraa sɩɩ pɔ Wɩa dɩɩ-bal-la boiŋ niiŋ joŋ moribie-la kala nɩaa sɩ kaa kɔ a hɩhɛ dagɩ-bie-la tʋɔŋ.

2 KUOROO 24:13

Nebukadineza sii paa kɩalɩŋ kala sɩ hɛ La TƖƖNA dɩɩ-bal-la lɛ arɩ kɩalɩŋ kala sɩ hɛ kuoru dɩa lɛ, a pɛ sɛlɩmɛ kɩalɩŋ kala Solomoŋ fa sɩ ŋaa bil Wɩa dɩɩ-bal-la lɛ a kaa mʋ Babɩlɔŋ arɩ La TƖƖNA fa sɩ bʋl ŋɩɩ.

2 IZIRAL TƖŊŊAA NAABARƖŊ 36:18

Ʋ paa Wɩa dɩɩ-bal-la tʋɔŋ tɩntɩnnɩ kɩaa kala, kʋbalaa arɩ kʋbiisiŋ, a paa dʋa-la kala sɩ hɛ La TƖƖNA dɩɩ-bal-la tʋɔŋ, a paa kuoro arɩ ʋ tɩntɩnnɩ-hɩasɩŋ ma dʋa kala a kaa mʋ Babɩlɔŋ tinteeŋ.

NƐHƖMAAYA 13:13

Ŋɩɩ nɛ mɩ lɩɩsɛ Sɛlɛmaaya sɩ ŋaa Wɩɩsʋllɩ sɩpaalaara, Zadɔk sɩ ŋaa Wɩa teniŋ kerichi arɩ Levi tɩɩna kʋbala baa yɩrɛ Pedaaya, a leŋ ba nɛ bibeŋ chʋgʋsʋŋ dɩɩsɩ-la. Ŋɩɩ nɛ mɩ bɩra lɩɩsɛ Hanaŋ sɩ ŋaa Zaku nanʋala, a ŋaa Matanɩa ma nihiŋ ʋ tɩtɩgɛ ba lɛ, bɛɛ wɩaa baalaa deemba fa ŋaa nɩa ba sɩ bene dɩ ba ŋaa nɩtɩtɩɩba nɛ. Ba nɛ fa maga dɩ ba kpɩkpaa kɩalɩŋ nɩaa sɩ kaa kɔ a pɩpɩ ba naambiiriŋ.

Matiu 27:6

Wɩɩsʋllɩ sɩpaalaaraa kʋhɩasɩŋ paa moribie-la aŋ bʋl, “Chalɩŋ moribiee nɛ ŋ-la. Ʋʋ kɩsɛ nɛ dɩ la jomba hɛ Wɩa dɩɩ-balɩŋ moribiee lɛ.”

Luuk 20:47

Ba yie kɛŋ yo-haalaa kɩaa kaa laa didii aŋ fugo chʋɔlɛ Wɩa didieni. Bʋa-la lɛ Wɩa sɩ jaŋ dii ba sarɩya, ba nɛ jaŋ na hɛɛŋ a kɩɩ ba dɔnsʋŋ tɩŋŋaa kala.”

Jɔɔŋ 8:20

Yesu bʋl wɩaa deemba kala bʋa-la lɛ ʋ sɩɩ dagɛ nɩaa Wɩa dɩɩ-bal-la lɛ nɛ, lee-la ba sɩ yie joŋ Wɩɩsʋlʋŋ kɩaa bil. Ka nʋʋkala bɩ ʋ kɛnɛ, bɛɛ wɩaa bʋa-la lɛ ba sɩ jaŋ kɛnʋ ha bɩ yie.

JOSUA 6:19

Sɛlɩmɛ, hɔpʋla arɩ kɩalɩŋ kala ba sɩ kɛŋ kɔlɩɩŋ koo hɔɔŋ ŋaa, ba ŋaa La TƖƖNA kɩaa nɛ. Ba maga dɩ ba jʋʋ ʋ dʋa dɩ-biliŋ nɛ.”

JOSUA 6:24

Ŋɩɩ nɛ ba jʋʋ paa hɔpʋla, sɛlɩmɛ arɩ kɔlɩɩŋ kɩaa arɩ hɔɔŋ a kaa jʋʋ bil La TƖƖNA dʋa dɩ-biliŋ, aŋ nyɩgɛ taŋ-la kala arɩ kʋŋ na-kala sɩ hɛ nɩmɛ.