Luuk 2:9 - WƖA TENIŊ

⁹ Ŋɩɩ nɛ Wɩa tɩndaarʋ kʋbala kɔ ba teeŋ. Ʋ sɩ kɔ ŋɩɩ, Wɩa pʋlʋmʋŋ chaana hɛ ba lɛ. Fawʋllʋŋ kɛmba.

Luuk 2:9 ပူးပေါင်းရင်းမြစ်များ

1 KUOROO 8:11

La TƖƖNA tʋla fa hɛ duoŋ-bɩlɩmbaaŋ-la tʋɔŋ nɛ, a chaanɛ woruŋ, Wɩɩsʋllɩ sɩpaalaaraa bɩra bɩ wuo jʋʋ dɩɩ-bal-la a tɩŋ ba tɩntɩŋŋaa.

MOSIS KƐŊ IZIRAL TƖŊŊAA LƖƖ 16:10

Bʋa-la lɛ Arɔŋ sɩ bʋl wɩaa pɩpɩ Iziral tɩŋŋaa ŋɩɩ, ba beŋ tintee-hɩlɩŋ dɩɩrɩŋ, a na La TƖƖNA tʋla dɩ ʋ chaanɛ duoŋ-bɩlɩmbaanɩŋ lɛ.

MOSIS KƐŊ IZIRAL TƖŊŊAA LƖƖ 16:7

Chie chʋchʋɔŋ ma jaŋ na La TƖƖNA tʋla sɩ nagɛ ŋɩɩ, bɛɛ wɩaa ʋ nɩɩ ma sɩ gʋrɩmɛ wɩalɩŋ ʋ teeŋ nɛ. La ma nɛ kʋbɛɛba ma gʋgʋrɩmɛ wɩaa la teeŋ?”

AZAAYA 35:2

Tɩɩfɩɩla-la jaŋ pɔsɛ dɩ ʋ ŋɩŋaa goŋ arɩ tʋɔtɔrʋŋ. Ba jaŋ joŋ Lɛbanɔŋ tʋla-la a pʋ. Ʋ zɔmʋŋ jaŋ nagɛ peel-la ba sɩɩ yɩrɛ Kamɛl a bɩra nagɛ Sarɔŋ fuonaaŋ. Ba jaŋ na La TƖƖNA Wɩa tʋla arɩ ʋ zɔmʋŋ kala.

AZAAYA 40:5

Ŋɩɩ lɛ nɛ La TƖƖNA jaŋ dagɛ ʋ tʋla dɩ nuhuobiinee kala naʋ. La TƖƖNA tɩtɩa nɛ bʋla.”

AZAAYA 60:1

La TƖƖNA sɩ, “Jerusalɛm, sii chɩŋ a chaanɛ a nagɛ wɩɩpɔsʋŋ. La TƖƖNA tʋla chaana hɛ ŋ lɛ nɛ.

ƐZƖKƖƐL 3:23

Ŋɩɩ nɛ mɩ sii a tuu fuonaa-la, nɩmɛ nɛ mɩ na La TƖƖNA tʋla arɩ mɩ fa sɩ laa sɩpaaŋ naʋ ŋɩɩ Keba fuo-la leriŋ, ŋɩɩ nɛ mɩ tuu tele chu.

Matiu 1:20

Ʋ fa sɩɩ bɩɩnɛ ŋɩɩ, Wɩa tɩndaara kɔ ʋ teeŋ arɩ duosoo tʋɔŋ a bʋla pʋ, “Josɛf, Devit doho nʋʋ, sɩ́ leŋe dɩ fawʋllʋŋ kɛnɩŋ ŋ sɩɩ chɛ dɩ ŋ jaa Mɛɛrɩ, bɛɛ wɩaa luoru-la ʋ sɩ kɛnɛ ŋaa Wɩa Dɩŋ-zɔmʋŋ nɛ hɛ pʋ.

Luuk 1:28

Ŋɩɩ nɛ Wɩa tɩndaarʋ-la kɔ ʋ teeŋ a chʋɔlʋ aŋ bʋla pʋ, “Wɩa cho ŋ wɩaa nɛ a pɛ ŋ lɛ woruŋ.”

Luuk 2:8

Bʋa-la lɛ pie-daaraa nɛ fa hɛ tintee-la sɛmɛ dɔŋɔ a hɛ yaŋ tʋɔŋ a chʋa nɩmɛ tɩtaŋɩŋ aa beŋ ba piesee.

Luuk 24:4

Ba chɩŋ nɩmɛ a bɩ jɩŋ wɩɩ-la kala ba sɩ jaŋ ŋaa. Ba ŋaa dɩ ba beŋ, dɩ baalaa balɩa nɛ chɩŋ ba sɛmɛ ŋɩɩ. Ba gɛnnɩŋ faasa tʋtʋl.

Jɔɔŋ 12:41

Azaaya fa na ŋɩɩ Yesu fa sɩ jaŋ kɛŋ doluŋ nɛ, ŋɩɩ nɛ tɩɩ ʋ bʋl ŋɩɩ.

Tɩntɩŋŋaa 12:7

Ŋɩɩ nɛ Wɩa tɩndaarʋ kʋbala guu kʋ chɩŋ nɩmɛ. Pʋlʋmʋŋ chaanɛ nɩtɔɔrɩ dɩa-la tʋɔŋ. Wɩa tɩndaarʋ-la kʋ pɛɛsɛ Pɩɩta vaaŋ lɛ a chɩsʋ, a bʋla pʋ dɩ ʋ sii lɩma. Chɔrʋmɔ-la guu lɩɩ Pɩɩta nɩsaa lɛ a tuu tel.

Tɩntɩŋŋaa 27:23

Wɩa-la sɩ tɩɩmɛ, mɩ tɩma pʋpʋ, ʋ tɩndaara dɩa kɔ mɩ teeŋ nɛ tɩtaŋɩŋ

Tɩntɩŋŋaa 5:19

Ama tɩtaŋ-la tɩtɩa Wɩa tɩndaara kʋbala kʋ kɛŋ dɩa-la boiŋ-niiree suri, a leŋ Yesu nanzɔɔba-la lɩɩ. Ka ʋ bʋla pɩba,

2 Kɔrɩntɩ Nɩaa 3:18

La nɩalɩŋ kala sɩ laa Yesu wɩaa dii, kʋ-la fa sɩ tɔ la sɩaa, Wɩa kaa suri nɛ. Kirisito tʋla jʋʋ la sɩaa nɛ la tʋtʋl arɩ ʋ sɩɩ tʋl ŋɩɩ. Ʋ kɛnla kaa bɩbɩrɩmɛ nɛ dɩ la wasa tʋtʋl, a kʋ nagʋ. La Tɩɩna Dɩŋ-zɔmʋŋ nɛ ŋaa ŋɩɩ la lɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

Hiburu TƖŊŊAA 12:21

Wɩalɩŋ ba sɩ na leŋe fawʋllʋŋ kɛŋ ba kala nɛ, ŋɩɩ nɛ Mosis tɩtɩa bʋl, “Fawʋllʋŋ kɛŋ mɩ ma nɛ mɩ chichel.”

Jɔɔŋ Wʋnaalaa 18:1

Wɩaa deemba kala sɩ ŋaa bal, mɩ bɩra na Wɩa tɩndaara dɔŋɔ dɩ ʋ lɩɩ Wɩa-jaŋ a kʋ tuu tinteeŋ. Ʋ fa kɛŋ doluŋ nɛ woruŋ, ka ʋ tʋla leŋ dʋnɩa kala pʋllɛ.

Jɔɔŋ Wʋnaalaa 20:11

Ŋɩɩ nɛ mɩ na kuori-kpasɩ-bal kʋbala sɩ ŋaa kʋpʋla dɩ ʋ chɩna, nʋʋ hɔŋ ʋ nyuŋ. Ŋɩɩ nɛ mɩ na dɩ tinteeŋ arɩ wɩa-nyuŋ kala lɛlɛ nɩɩ-la sɩɩŋ lɛ. Ba bɩra bɩ lee kɛnɛ.