Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luuk 2:41 - WƖA TENIŊ

41 Jɩna-kala Yesu nyɩmma arɩ ʋ naaŋ yie mʋ Jerusalɛm dɩ ba gbieli dɩɩsɩŋ kiele bal gbiele.

အခန်းကိုကြည့်ပါ။ ကော်ပီ




Luuk 2:41
18 ပူးပေါင်းရင်းမြစ်များ  

Ŋ-la nɛ ma jaŋ dii kɩalɩŋ: Má vɔɔ ma gɛnnɩŋ arɩ damɛrɩsɩŋ, a hɛ nɛntɛŋŋɛɛ aŋ paa ma dantɩgɩsɩŋ kori a dii kɩalɩŋ lɩma lɩma. Mɩ-na ma TƖƖNA dɩɩsɩŋ kiele bal gbiele nɛ.


Tapʋlʋŋ deeŋ jaŋ ŋaa magɩl a pɩma, dɩ ma dɩ ma doho nɩaa kala gbieli a liliisi wɩalɩŋ mɩ-na ma TƖƖNA sɩ ŋaa a kaa mʋ wuu.


Jɩna tʋɔŋ ʋ maga dɩ Iziral tɩŋŋaa baalaa kala kɔ mɩ-na ma TƖƖNA Wɩɩjarɩbakɔ sɩpaaŋ naansɩɩŋ butori, mɩ nɛ ŋaa Iziral tɩŋŋaa Wɩa.


Mɩ-na ma TƖƖNA dɩɩsɩŋ kiele bal gbiele jaŋ suomi jɩna tʋɔŋ chɛŋ-bumbuŋ tapʋlaa fii arɩ banɛsɛ chɛɛŋ dɩdaanɩŋ.


Chɛŋ-bumbuŋ tʋɔŋ tapʋlaa fii arɩ banɛsɛ chɛɛŋ nɛ maga ma gbieli mɩ-na ma TƖƖNA dɩɩsɩŋ kiele bal gbiele-la.


Yesu sɩ ŋaa jɩsɩŋ fii arɩ balɩa, ʋ dɩ ʋ nyɩmma arɩ ʋ naaŋ mʋ dɩɩsɩŋ kiele bal gbiele-la Jerusalɛm lɛ, arɩ ba sɩ vɛnɛɛ ŋaa ŋɩɩ.


Bʋa-la lɛ dɩ Juu tɩŋŋaa dɩɩsɩŋ kiele bal gbiele-la kpaga. Ŋɩɩ nɛ Juu tɩŋŋaa yʋgɛ a lɩɩ ba jasɩŋ lɛ a mʋ Jerusalɛm, dɩ ba pɩɩsɛ ba disiniŋ ta, aŋ ka dɩ gbiele-la-na yi.


Ʋ fa ka tapʋl-bala nɛ, ka dɩ Juu tɩŋŋaa dɩɩsɩŋ kiele bal gbiele-la yi. Yesu jɩma arɩ bʋa-la lɛ sɩ maga dɩ ʋ lɩɩ dʋnɩa deeŋ lɛ a mʋ ʋ Nyɩmma teeŋ yie nɛ. Ʋ cho nɩalɩŋ sɩɩ to ʋ harɩŋ nɛ dʋnɩa deeŋ lɛ. Bʋa deeŋ lɛ nɛ ʋ chaasa dagɛ chono-la kɩŋkɛŋ ʋ sɩ kɛnɛ arɩ ʋ harɩ-tooroo.


Ʋ fa ka mʋa, ka dɩ Juu tɩŋŋaa dɩɩsɩŋ kiele bal gbiele-la yi. Ŋɩɩ nɛ Yesu sii mʋ Jerusalɛm a jʋʋ Wɩa dɩɩ-balɩŋ.


Dɩ Juu tɩŋŋaa dɩɩsɩŋ kiele bal gbiele-la ma kpaga.


Dɩ ma nɛ jʋʋ tintee-la dɩ ma TƖƖNA Wɩa lɩɩsɛ lee-la ʋ sɩɩ chɛ dɩ ma zizilu, nɩmɛ nɛ ma jaŋ kɛŋ Wɩɩsʋlʋŋ kɩalɩŋ kala mɩ sɩ dagɛma kaa mʋ. Ma kʋnyɩgaa Wɩɩsʋlʋŋ arɩ ma Wɩɩsʋlʋŋ kɩaa dɔnsʋŋ arɩ ma kpaalɩŋ fii-la sɩ ŋaa La TƖƖNA kʋa arɩ Wɩɩsʋlɩɩ-la ma sɩ yie kaa je a zaarɛ La TƖƖNA sɩpaaŋ arɩ ma Wɩɩsʋlʋŋ kɩalɩŋ ma sɩ yie hɛ niiŋ dɩ ma joŋo pɩ La TƖƖNA.


Ʋ maga dɩ má kɛmba mʋ lee-la ma TƖƖNA Wɩa sɩ jaŋ lɩɩsɛ dɩ ma mʋ a zizilu nɛ, a diiba ʋ sɩpaaŋ, ma dɩ ma biiriŋ ma tɩntɩnnaa arɩ Levi doho nɩalɩŋ sɩ hɛ ma tasɩŋ lɛ. Ʋ maga dɩ má gbieli ma TƖƖNA Wɩa sɩpaaŋ a tɩŋ ʋ sɩ pɛ ma lɛ ma tɩntɩmɩɩ-kala lɛ.


Jɩna na-kala tʋɔŋ Iziral tɩŋŋaa baalaa kala maga má mʋ ma TƖƖNA sɩpaaŋ naansɩɩŋ butori nɛ, lee-la ʋ sɩ jaŋ dagɛma dɩ ma zizilu, a gbieli gbielee deemba: La TƖƖNA dɩɩsɩŋ kiele bal gbiele, baga kɩaa ŋaanɩŋ gbiele arɩ lɛŋŋɛɛ gbiele. Nʋʋkala bɩ maga dɩ ʋ mʋ La TƖƖNA sɩpaaŋ arɩ na-hɩllɩŋ.


Harɩŋ, Ɛlɩkaana arɩ ʋ dɩa nɩaa kala bɩra sii mʋ Sɩlɔ dɩ ba kpʋ pʋsʋŋ a sʋl Wɩɩsʋlʋŋ, arɩ ba sɩ vɛnɛɛ ŋaa ŋɩɩ jɩna na-kala, aŋ pɛ lɩɩsɛ nii-la ʋ sɩ ta.


Jɩna na-kala, Ɛlɩkaana yie lɩɩ ʋ jaŋ Rama a mʋ taŋ-la ba sɩɩ yɩrɛ Sɩlɔ dɩ ʋ zil La TƖƖNA doluŋ kala Tɩɩna aŋ pɛ kpʋ pʋsʋŋ a ŋaa Wɩɩsʋlʋŋ. Sɩlɔ lɛ baal kʋbala nɛ fa hɛ nɩmɛ baa yɩrɛ Eli. Ʋ fa ŋaa La TƖƖNA Wɩɩsʋllɩ sɩpaalaarʋ nɛ. Ʋ fa kɛŋ hambolibiisiŋ balɩa nɛ, baa yɩrɛ Hofini arɩ Finihas, ba ma fa ŋaa La TƖƖNA Wɩɩsʋllɩ sɩpaalaaraa nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ