40 Bile waa a kɛŋ doluŋ a kala ŋaa wʋjɩmɩɩ. Wɩa pɛ ʋ lɛ.
La Tɩɩna, ŋ nɛ leŋe ba lʋlmɛ wɩɩkala bɩ mɩ lɛ ŋaa. Ŋ pɔmɛ nɛ bʋa-la lɛ mɩ ha sɩɩ wasɛ yɩlɩŋ.
Ŋ nɛ ŋaa baalaa tʋɔŋ nɩzɔmʋŋ. Wɩa lahɔrɩmɔ hɛ ŋ lɛ nɛ ŋ jɩŋ wɩaa bʋlʋŋ woruŋ, bɛɛ wɩaa ʋ pɛ ŋ lɛ nɛ a kaa mʋ wuu.
Ŋɩɩ nɛ bile sii waa a hɛ yaraa a kɛŋ doluŋ arɩ wʋjɩmɩŋ. Ʋ mʋ hɛ tintee-hɩlɩŋ tʋɔŋ a mʋ yi tapʋlɩɩ-la ʋ sɩ kɛŋ ʋ tɩtɩa kaa kʋ lɩɩ dagɛ Iziral tɩŋŋaa.
Nɩalɩŋ kala sɩ hɛ nɩmɛ a nɩɩ ʋ sɩɩ chaarɛ wɩaa sɩaa arɩ wʋjɩmɩŋ ŋɩɩ, ʋ ŋaaba wʋkpuŋkpere.
Ŋɩɩ nɛ Yesu waa, ʋ wʋjɩmɩŋ ma pʋŋa pɛ. Wɩa chou, nɩaa ma zizilu woruŋ.
Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.
Wɩa dol-bal-la nɛ tɩɩ Yesu nanzɔɔba-la wuo na wombiiŋ a bʋlaa pɩ nɩaa arɩ La Tɩɩna Yesu sii sʋʋŋ lɛ nɛ. Ŋɩɩ nɛ Wɩa chaasa pɛ ba kʋŋkala lɛ woruŋ.
Wɩɩ-la mɩ sɩɩ chɛ mɩ bʋl, ʋ wʋkaanɩŋ nɛ ŋ-la: Má leŋ dɩ La Tɩɩna dol-bal-la hɛ ma lɛ dɩ ma kɛŋ doluŋ woruŋ.
Ŋ-na mɩ bii Timoti, kɛŋ bɔɩ-duoŋ La Tɩɩna Yesu Kirisito lahɔrɩmɔ lɛ.
Ŋɩɩ harɩŋ lɛ Manʋa haala lʋl hambolibie, a hɛ ʋ yɩrɩŋ Samɩsɩŋ. Ʋ waa, La TƖƖNA pɛ ʋ lɛ.
Ama Samʋɛl-na fa hɛ La TƖƖNA teeŋ nɛ a tɩma pʋpʋ bʋa na-kala. Ʋ fa ŋaa bii-bie nɛ a laalɛ gɛrɩpɛ fʋfʋlʋŋ gɛrɩ-laala-daŋɩŋ.
Ŋɩɩ nɛ La TƖƖNA pɛ Hana lɛ, ʋ bɩra lʋl hambolibiisiŋ batori arɩ hantolibiisiŋ ma balɩa. Ama Samʋɛl-na hɛ La TƖƖNA teeŋ nɛ a mʋ waa.
Ka Samʋɛl ha wʋwaa, La TƖƖNA arɩ nuhuobiinee kala tʋɔŋ tɔrɛ ʋ nyuŋ.
Samʋɛl sɩɩ waa ŋɩɩ, La TƖƖNA chɩŋ ʋ harɩŋ nɛ woruŋ a leŋ wɩalɩŋ kala Samʋɛl sɩ bʋla sɛnɛ kʋ ŋaa.