Luuk 2:14 - WƖA TENIŊ

¹⁴ “Má leŋ dɩ la dɛnnɛ Wɩa sɩ hɛ Wɩa-jaŋ lɛ. Nɩalɩŋ nyuŋ Wɩa tʋɔŋ sɩ tɔrɔ tinteeŋ lɛ jaŋ na fɩɛlɩŋ.”

Luuk 2:14 ပူးပေါင်းရင်းမြစ်များ

AZAAYA 44:23

Wɩa-nyuŋ arɩ tinteeŋ bʋbʋɔŋ kɩaa, ma yɩɩ yɩɩlaa a ŋaa goŋ arɩ tʋɔtɔrʋŋ, peelee arɩ tɩa na-kala sɩ hɛ duuŋ lɛ má faasa yɩɩ yɩɩlaa, bɛɛ wɩaa La TƖƖNA dagɛ ʋ doluŋ nɛ a laa Iziral tɩŋŋaa a ta.

AZAAYA 49:13

Wɩa-nyuŋ arɩ tinteeŋ kɩaa, má ŋaa goŋ a jʋjʋɔsɛ, peelee ma má yɩyɩɩ yɩɩlaa, bɛɛ wɩaa, La TƖƖNA jaŋ nyagɛ ʋ nɩaa bɔyɛ, aŋ fá ʋ nɩalɩŋ ma sɩɩ na hɛɛŋ nisusuŋ.

AZAAYA 57:19

Mɩ jaŋ ŋaa dɩ nɩalɩŋ kala sɩɩ yel Iziral lɛ yaraa fɩɛlɛ, dɩ ba suri ba niiŋ a dɛnnɛmɛ. Nɩalɩŋ sɩ hɛ dɩ-boloo arɩ dɩ kpagɩsɩŋ kala jaŋ kɛŋ fɩɛlɩŋ. Mɩ jaŋ vaarɛba.

MƖKA 5:5

Ʋ nɛ jaŋ leŋ dɩ ba hɔŋ arɩ fɩɛlɩŋ. Dɩ Asiiria tɩŋŋaa nɛ kɔ dɩ ba yuo la tinteeŋ a chichei la dɩ-duoruŋ, la jaŋ leŋ la sɩpaalaarɩ duoruŋ baŋmɛnɛ ku lɩɩ yuoba.

Matiu 21:9

Nɩ-daŋ-la sɩ laa Yesu sɩpaaŋ arɩ nɩalɩŋ sɩɩ to ʋ harɩŋ suomo ŋɩŋaa goŋ a bʋl, “Tabarɩkala Devit nihii! Wɩa jaŋ pɛ nɩɩ-la sɩɩ kɔ La Tɩɩna doluŋ lɛ. Má leŋ dɩ la dɛnnɛ Wɩa.”

Luuk 1:79

Pʋlʋŋ-la jaŋ lɩɩ Wɩa-jaŋ a pɔsɛ hɛ nɩalɩŋ kala sɩ hɔŋ birimiŋ tʋɔŋ a faa chɛ dɩ ba sʋʋ. Ʋ jaŋ dagɛla wombii-la sɩ kɛŋ yarɩfɩɛlaa dɩ la to.”

Luuk 19:38

Ba bʋla, “Wɩa jaŋ pɛ kuoru-la sɩɩ kɔ La Tɩɩna Wɩa doluŋ lɛ. Ba jaŋ hɔŋ arɩ yarɩfɩɛlaa Wɩa-jaŋ lɛ. Wɩa yɩrɩŋ ma jaŋ yɩrɛ.”

Luuk 2:13

Ŋɩɩ nɛ Wɩa tɩndaaraa yʋgɛ a guu lɩɩ a pɛ Wɩa tɩndaarʋ-la lɛ, ba yɩɩ yɩɩlaa a dɛnnɛ Wɩa a bʋl,

Luuk 2:15

Ŋɩɩ nɛ Wɩa tɩndaara-la mɩɩra mʋ Wɩa-jaŋ. Ka pie-daara-la bʋla pɩ dɔŋɔ, “Má leŋ dɩ la mʋ Bɛtɩlɛhɛm a na wɩɩ-la La Tɩɩna sɩ to ʋ tɩndaaraa lɛ a bʋla pɩla.”

Luuk 3:22

Wɩa Dɩŋ-zɔmʋŋ kʋ tuu a nagɛ kokomo a togili ʋ lɛ. Ʋ nɩɩ yikoro dɩ ʋ lɩɩ wɩa-nyuŋ a bʋla pʋ, “Ŋ nɛ mɩ Bii-chooluŋ. Mɩ tʋɔŋ tɔrɛ ŋ nyuŋ.”

Jɔɔŋ 14:27

Mɩ sɩɩ mʋ ŋɩɩ, ma jaŋ hɔŋ arɩ fɩɛlɩŋ. Mɩ tɩtɩa fɩɛlɩŋ nɛ mɩ joŋoo pɩma, ʋ bɩ naga fɩɛl-la dʋnɩa nɩaa sɩɩ pa nɛ. Má sɩ́ leŋe dɩ ma tʋɔbɩɩnaa vʋgʋmɛ, a bɩra sɩ́ leŋe dɩ fawʋllʋŋ ma kɛmma.

Jɔɔŋ 17:4

Mɩ leŋe ŋ laa yɩrɩŋ nɛ tinteeŋ deeŋ lɛ. Mɩ tɩŋ tɩntɩmɩɩ-la dɛrɛ nɛ, tɩntɩmɩɩ-la ŋ sɩ joŋo pɩmɛ dɩ mɩ tɩŋ.

Jɔɔŋ 3:16

Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.

Tɩntɩŋŋaa 10:36

Ma ma nɩɩ Wɩa wʋzɔmɔ-la ʋ sɩ joŋo pɩ Iziral tɩŋŋaa nɛ. Ʋ fa bʋla pɩba dɩ ba to Yesu Kirisito lɛ a na wiese. Ʋ nɛ ŋaa kʋŋkala Tɩɩna.

Rom Tɩŋŋaa 5:1

Ŋɩɩ wɩaa, la sɩ laa Wɩa dii ŋɩɩ, Wɩa leŋe la ŋaa tʋɔpʋl tɩmma nɛ ʋ sɩpaaŋ. Wɩa to La Tɩɩna Yesu Kirisito lɛ nɛ a leŋ la ŋaa sɩma.

Ɛfɛsɩs Nɩaa 1:6

Ʋ ŋaa ŋɩɩ dɩ la wuo dɛnnʋ, a leŋ dɩ ʋ yɩrɩŋ yɩrɛ, a tɩŋ ʋ sɩ fá la nenige. Ʋ Bii-choolii-la ʋ sɩ joŋo pɩla lɛ nɛ ʋ to a pɛ la lɛ.

Ɛfɛsɩs Nɩaa 1:9

Ʋ tʋɔtɔrʋŋ lɛ nɛ ʋ leŋ la jɩŋ ʋ wɩalɩŋ kala fa sɩ faa, wɩalɩŋ ʋ sɩɩ chɛ dɩ ʋ to Kirisito lɛ a ŋaa pɩla.

Ɛfɛsɩs Nɩaa 2:4

Ama Wɩa chola nɛ kɩŋkɛŋ, a faasa fɩfá la nenige,

Ɛfɛsɩs Nɩaa 2:7

Wɩa ŋaa ŋɩɩ, dɩ ʋ wuo dagɛla ʋ lahɔrɩmɔ sɩ bɩ magɩa kɛnɛ nɛ, arɩ ŋɩɩ ʋ sɩɩ fá nɩaa nenige a kaa mʋ maachie kala. Ʋ to Kirisito lɛ a dagɛ ʋ zile sɩ yʋga ŋɩɩ la lɛ.

Fɩlɩpa Nɩaa 2:11

Nʋʋkala jaŋ suri ʋ niiŋ a bʋl arɩ Yesu Kirisito nɛ ŋaa ʋ Tɩɩna, dɩ la Nyɩmma Wɩa yɩrɩŋ yɩrɛ.

Fɩlɩpa Nɩaa 2:13

Má ŋaa ŋɩɩ, bɛɛ wɩaa, Wɩa hɛ ma teeŋ nɛ bʋa na-kala lɛ a kɛmma tɩtɩŋ, dɩ ma cho dɩ ma ŋaa wɩɩ-la ʋ sɩɩ chɛ.

Koloosi Nɩaa 1:20

Ʋ lɛ nɛ Wɩa to ʋ dɩ kʋŋkala sɩŋ, kɩalɩŋ sɩ hɛ wɩa-nyuŋ arɩ kɩalɩŋ sɩ hɛ tinteeŋ lɛ kala. Bʋa-la lɛ ʋ sɩ sʋʋ daagɛsɛ nyuŋ, ʋ chalɩŋ jaasɛ, ʋ ŋɩɩ nɛ leŋe Wɩa arɩ kɩalɩŋ kala sɩ hɛ nɩmɛ tʋɔŋ tɔrɛ dɔŋɔ nyuŋ.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

Jɔɔŋ Wʋnaalaa 5:13

Ŋɩɩ nɛ ka mɩ nɩɩ kɩalɩŋ kala sɩ hɛ Wɩa-jaŋ, arɩ kɩalɩŋ kala sɩ hɛ dʋnɩa lɛ, arɩ kɩalɩŋ sɩ hɛ lɛlɛɛ-jaŋ, arɩ kɩalɩŋ kala sɩ hɛ mʋgʋ-balɩŋ tʋɔŋ, arɩ kʋŋ na-kala sɩ hɛ nɩmɛ dɩ baa yɩɩ yɩɩlaa aa bʋl, “Nɩɩ-la sɩ hɔŋ kuoru kpasa-la nyuŋ arɩ Pie-bie-la, ba nɛ maga la dɛnnɛ, a zilba a yɩrɛ ba yɩrɩŋ. Ba nɛ kɛŋ doluŋ a kaa mʋ wuu.”