Luuk 2:11 - WƖA TENIŊ

¹¹ Tɩtaŋɩŋ deeŋ ba lʋl ma Laataara nɛ Devit jaŋ lɛ. Baa yɩrʋ La Tɩɩna Kirisito, Nɩɩ-la Wɩa sɩ lɩɩsa.

Luuk 2:11 ပူးပေါင်းရင်းမြစ်များ

WƖAA DƖ-SUOMUŊ 3:15

Mɩ jaŋ joŋ dʋndɔnnʋŋ hɛ ŋ dɩ haal-la pɛgɛ. Ŋ biiriŋ arɩ ʋ biiriŋ jaŋ ŋaa dʋndɔmɔ. Adam doho nʋʋ jaŋ ŋmoo ŋ nyuŋ yɛrɛ, ka dɩ ŋ ma ta ʋ naatilimiŋ lɛ.”

WƖAA DƖ-SUOMUŊ 49:10

Kuori-dantɩga-la bɩ jaŋ kɔ dɩ ʋ lɩɩ ŋ nɩsɩŋ lɛ koo dɩ ʋ paala sʋrɩsɛ ŋ naasɩŋ bʋbʋɔŋ, a mʋʋ yi nɩɩ-la sɩ maga dɩ ʋ tɩɩʋ. Tinteyee kala jaŋ tuto ŋ niiŋ.

WƖA YƖƖLAA 2:2

Tinteeŋ kuoroo kʋ hɛ dɔŋɔ lɛ nɛ dɩ ba yuo La Tɩɩna arɩ Nɩɩ-la ʋ sɩ lɩɩsa.

AZAAYA 9:6

bɛɛ wɩaa ba lʋl bii nɛ a pɩla, hambolibie nɛ ba joŋo pɩla, ʋ nɛ jaŋ bibenla. Ba jaŋ yɩyɩrʋ: Nɩɩ-la sɩ jɩŋ nɩaa chagɩlɩŋ ʋ dɔŋ tuo, Wɩa sɩ kɛŋ doluŋ, Nyɩmma-la sɩ jaŋ hɛ nɩmɛ deeŋ deeŋ, Kuori-bile sɩ kɛŋ fɩɛlɩŋ kʋkɔ.

Matiu 1:16

Jekɔb ma sii lʋl Josɛf, Josɛf nɛ saa jaa Mɛɛrɩ. Mɛɛrɩ nɛ lʋl Yesu, Nɩɩ-la ba sɩɩ yɩrɛ Kirisito.

Matiu 1:21

Ʋ jaŋ lʋl baal, ŋ jaŋ hɛ ʋ yɩrɩŋ Yesu, bɛɛ wɩaa ʋ nɛ jaŋ laa ʋ nɩaa wʋbɔŋŋɔɔ ta.”

Matiu 16:16

Ŋɩɩ nɛ Saamɔŋ Pɩɩta bʋl, “Ŋ nɛ ŋaa Kirisito, Wɩa-la sɩ weye Bie.”

Matiu 16:20

Ŋɩɩ nɛ Yesu bʋla pɩ ʋ harɩ-tooro-la arɩ sɩɩfɩɛsɩŋ dɩ ba sɩ́ bʋla pɩ nʋʋkala arɩ ʋ nɛ ŋaa Kirisito, nɩɩ-la Wɩa sɩ lɩɩsa.

Luuk 1:43

Mɩ ma nɛ kʋbɛɛ, Wɩa Bie naaŋ kɔ dɩ ʋ chʋɔlɛmɛ?

Luuk 1:69

Ʋ lɩɩsɛ nɩduo nɛ pɩla dɩ ʋ kʋ laala ta. Ʋ lɩɩ Devit doho nɩaa tʋɔŋ nɛ.

Luuk 2:26

Wɩa Dɩŋ-zɔmʋŋ fa bʋla pʋ arɩ ʋ bɩ jaŋ sʋʋ see dɩ ʋ na Kirisito, Nɩɩ-la Wɩa sɩ jaŋ lɩɩsɛ dɩ ʋ kɔ.

Luuk 2:4

Josɛf ma sii Nazarɛt Galilii tinteeŋ lɛ a mʋ Judiya tinteeŋ, a mʋ jʋʋ taŋ kʋbala baa yɩrɛ Bɛtɩlɛhɛm. Lee-la nɛ ba fa lʋl kuoro Devit. Josɛf fa ŋaa kuoro Devit doho nʋʋ nɛ. Ŋɩɩ nɛ tɩɩ ʋ mʋ nɩmɛ.

Jɔɔŋ 1:41

Ŋɩɩ nɛ Anduru ma chɛ ʋ malɩma Saamɔŋ leriŋ, a bʋla pʋ, “La na Kirisito nɛ, nɩɩ-la Wɩa sɩ lɩɩsa.”

Jɔɔŋ 1:45

Ŋɩɩ nɛ Fɩlɩp na Natanɩal a bʋla pʋ, “Nɩɩ-la wɩaa Mosis fa sɩ ŋmʋnsa wombie-la Wɩa sɩ bile dɩ la tuto tʋɔŋ, la naʋ nɛ. Wɩa wʋlaabʋllaa ma fa bʋl ʋ wɩaa nɛ. Ʋ nɛ Yesu, Josɛf nanʋala a lɩɩ Nazarɛt.”

Jɔɔŋ 11:27

Ŋɩɩ nɛ Maata bʋl, “Oo, mɩ Tɩɩna. Mɩ laa dii arɩ ŋ nɛ ŋaa Kirisito, Wɩa Bie, Nɩɩ-la sɩ maga dɩ ʋ kɔ dʋnɩa deeŋ.”

Jɔɔŋ 20:31

Ama mɩ ŋmʋnsɛ wɩaa deemba dɩ ma wuo laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa aŋ pɛ ŋaa Wɩa Bie ma. Dɩ ma nɛ laa wɩaa deemba dii, ma jaŋ kɛŋ mɩɩsɩŋ ʋ yɩrɩŋ lɛ.

Jɔɔŋ 4:25

Ŋɩɩ nɛ haal-la bʋl, “Mɩ jɩma arɩ Nɩɩ-la ba sɩɩ yɩrɛ Kirisito, Nɩɩ-la Wɩa sɩ lɩɩsa, jaŋ kɔ. Dɩ ʋ nɛ kɔ, ʋ jaŋ dagɛla wɩɩ-na kala.”

Jɔɔŋ 4:42

Ŋɩɩ nɛ nɩalɩŋ bʋla pɩ haal-la, “Lɛɛlɛ la laa ʋ wɩaa dii a tɩŋ la tɩtɩa sɩ nɩɩ ʋ niiŋ wɩaa nɛ, ʋ bɩ naga wɩɩ-la ŋ sɩ bʋla pɩla nɛ tɩɩ. La jɩma arɩ ʋ nɛ sɛnɛ ŋaa dʋnɩa Laataara.”

Jɔɔŋ 6:69

Lɛɛlɛ la laa dii a jɩŋ arɩ ŋ nɛ ŋaa Wɩa tʋɔpʋl Tɩɩna.”

Jɔɔŋ 7:41

Dɔnsʋŋ ma sɩ, “Ʋ nɛ ŋaa Kirisito, Nɩɩ-la Wɩa sɩ lɩɩsa.” Ama dɔnsʋŋ ma sɩ, “Nɩɩ-la Wɩa sɩ lɩɩsa bɩ jaŋ lɩɩ Galilii tinteeŋ.

Tɩntɩŋŋaa 10:36

Ma ma nɩɩ Wɩa wʋzɔmɔ-la ʋ sɩ joŋo pɩ Iziral tɩŋŋaa nɛ. Ʋ fa bʋla pɩba dɩ ba to Yesu Kirisito lɛ a na wiese. Ʋ nɛ ŋaa kʋŋkala Tɩɩna.

Tɩntɩŋŋaa 13:23

Devit doho nɩaa tʋɔŋ nɛ Yesu lɩɩ. Wɩa ŋaa ʋ kʋ ŋaa Iziral nɩaa Laataara, arɩ ʋ fa sɩ hɛ niiŋ ŋɩɩ.

Tɩntɩŋŋaa 17:3

Ʋ karɩmɛ Wɩa teniŋ aŋ dagɛba arɩ Kirisito, Nɩɩ-la Wɩa sɩ lɩɩsa maga dɩ ʋ na hɛɛŋ a sʋʋ aŋ sii sʋʋŋ lɛ. Pɔɔl bɩra sɩ, “Yesu deeŋ wɩaa ʋ sɩ bʋlaa pɩma nɛ ŋaa Kirisito.”

Tɩntɩŋŋaa 2:36

Ma Iziral tɩŋŋaa, ma jɩŋ ʋ sɛnɛ ŋaa wʋtɩtɩɩ arɩ Yesu deeŋ ma sɩ kaa kpaasɛ daagɛsɛ nyuŋ, ʋ nɛ Wɩa leŋ ʋ ŋaa La Tɩɩna. Ʋ nɛ bɩra Kirisito ma.”

Tɩntɩŋŋaa 5:31

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, dɩ ʋ ŋaa ba Sɩpaalaara arɩ ba Laataara, a leŋ dɩ Iziral tɩŋŋaa bɩrɩma lɩɩ ba wʋbɔŋŋɔɔ lɛ, ka dɩ ʋ joŋ ba wʋbɔŋŋɔɔ chɛba.

1 Kɔrɩntɩ Nɩaa 15:47

Nuhuobiiŋ bumbuŋ-la, dʋnɩa tɩarɩŋ nɛ Wɩa lɔgɛ mɛʋ. Nɩɩ-la sɩ to harɩŋ kɔ-na lɩɩ Wɩa-jaŋ nɛ.

Fɩlɩpa Nɩaa 2:11

Nʋʋkala jaŋ suri ʋ niiŋ a bʋl arɩ Yesu Kirisito nɛ ŋaa ʋ Tɩɩna, dɩ la Nyɩmma Wɩa yɩrɩŋ yɩrɛ.

Fɩlɩpa Nɩaa 3:8

Mɩ sɩ kʋ jɩŋ mɩ Tɩɩna Yesu Kirisito, mɩ na arɩ mɩ tele nɛ wɩaa deemba lɛ. Mɩ chaasa jɩŋ arɩ ʋ nɛ kɛŋ nyʋʋrʋŋ a kɩɩ wɩaa deemba kala mɩ fa sɩɩ to. A tɩŋ Yesu wɩaa mɩ joŋ wɩɩkala yuo ta nɛ. Mɩ na arɩ ba kala nagɛ nɩsʋrʋŋ nɛ. Mɩ ŋaa ŋɩɩ dɩ mɩ wuo na nyʋʋrʋŋ nɛ Kirisito teeŋ, aŋ pɛ kɛŋ ʋ tʋɔpʋla-la,

Koloosi Nɩaa 2:6

Ma sɩ sɛyɛ arɩ Yesu Kirisito nɛ ŋaa ma Tɩɩna, má leŋ dɩ wɩɩ na-kala ma sɩɩ ŋaa lɛ, dɩ ʋ nagɛ ma dɩ ʋ ŋaa kʋbala nɛ.

1 Jɔɔŋ 4:14

La tɩtɩa na nɛ a laa dii arɩ Wɩa ta ʋ Bie dɩ ʋ kʋ tuu ŋaa dʋnɩa nɩaa Laataara nɛ.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.