Luuk 2:10 - WƖA TENIŊ

¹⁰ Ŋɩɩ nɛ Wɩa tɩndaarʋ-la bʋla pɩba, “Má sɩ́ leŋe dɩ fawʋllʋŋ kɛmma. Mɩ kɛŋ wʋzɔŋŋɔɔ nɛ kɔ dɩ mɩ bʋla pɩma. Nɩɩ-la kala sɩ nɩɩ wʋzɔmɔ-la, ʋ tʋɔŋ jaŋ tɔrɛ.

Luuk 2:10 ပူးပေါင်းရင်းမြစ်များ

WƖAA DƖ-SUOMUŊ 12:3

Mɩ jaŋ pɛ nɩalɩŋ kala sɩ pɛ ŋ lɛ, aŋ ŋmɩɛsa hɛ nɩalɩŋ ma sɩ ŋmɩɛsa hɛ ŋ lɛ, aŋ to ŋ lɛ a pɛ dʋnɩa nɩaa kala lɛ.”

AZAAYA 40:9

Ma nɩalɩŋ sɩ kɛŋ wʋzɔŋŋɔɔ, má kɔ Jerusalɛm, má jɩl peeliŋ sɩ leŋie nyuŋ a heele bʋl wɩalɩŋ. Má sɩ́ fawʋllʋŋ fá, má bʋla pɩ Juda tasɩŋ nɩaa: “Ma Wɩa hɛ daha.”

AZAAYA 41:27

Mɩ-na ma TƖƖNA nɛ laa sɩpaaŋ bʋla pɩ Zaayɔŋ nɩaa, ‘Ma nɩaa ka kɔ nɛ.’ Mɩ-na nɛ bʋl wʋzɔmɔ-la a pɩ Jerusalɛm nɩaa.

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

AZAAYA 52:10

La TƖƖNA jaŋ dagɛ ʋ doluŋ dɩ tinteyee kala na. Dʋnɩa sɛmɛ na-kala nɩaa jaŋ na ŋɩɩ, la Wɩa sɩ laa ʋ nɩaa ta.

AZAAYA 52:7

Ʋ ŋaa wʋzɔŋ nɛ dɩ nʋʋ nɛ chɩŋ peeliŋ nyuŋ a bʋla pɩ ʋ nɩaa arɩ ba yuo dii ba dʋndɔŋŋɔɔ nɛ, a bʋla pɩ Jerusalɛm nɩaa dɩ Wɩa laaba ta nɛ, dɩ ba jaŋ na fɩɛlɩŋ, a bʋla pɩ Jerusalɛm nɩaa, “Ma Wɩa nɛ kuoro.”

AZAAYA 61:1

La TƖƖNA Wɩɩjarɩbakɔ Dɩma hɛ mɩ lɛ nɛ. Ʋ nɛ lɩɩsɛmɛ dɩ mɩ bʋl Wɩa wʋzɔmɔ-la a pɩ summoo. Ʋ tɩmmɛ nɛ dɩ mɩ leŋ dɩ nɩalɩŋ tʋɔŋ sɩ cheye kɛŋ tʋɔtɔrʋŋ, dɩ mɩ heele bʋla pɩ nɩalɩŋ ba sɩ yuo kɛsɛ, arɩ ba jaŋ jomba ta, aŋ chaarɛ nɩalɩŋ ma sɩ hɛ birimiŋ tʋɔŋ nɩtɔɔrɩ dɩa lɛ.

DANƖƐL 10:19

Ʋ bʋla pɩmɛ, “Wɩa choŋ nɛ woruŋ, sɩ́ fawʋllʋŋ fá, kɛŋ yarɩfɩɛlaa a faasa dol.” Ʋ sɩ bʋl ŋɩɩ, mɩ bɩra kɛŋ doluŋ a bʋl, “Mɩ nɩhɩaŋ, bʋl wɩaa pɩmɛ, ŋ sɩ folo pɩmɛ doluŋ.”

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Matiu 14:27

Ŋɩɩ nɛ Yesu guu bʋla pɩba, “Má nyɩrɛ bɔyɛ. Mɩ-na nɛ. Má sɩ́ leŋe dɩ fawʋllʋŋ kɛmma.”

Matiu 28:18

Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ.

Matiu 28:5

Ŋɩɩ nɛ Wɩa tɩndaarʋ-la bʋla pɩ haala-la sɩ hɛ nɩmɛ, “Má sɩ́ fawʋllʋŋ fá. Mɩ jɩma arɩ Yesu nɛ maa chɛ, nɩɩ-la ba sɩ kpaasa mɛrɛ daagɛsɛ nyuŋ.

Maak 1:15

a bʋl, “Bʋa-la yie nɛ. Wɩa kuorii-la kpaga nɛ. Má bɩrɩma lɩɩ ma wʋbɔŋŋɔɔ lɛ a laa Wɩa wʋzɔmɔ-la dii.”

Maak 16:15

Ʋ bʋla pɩba, “Má mʋ dʋnɩa sɛmɛ-na kala a bʋl Wɩa wʋzɔmɔ-la a pɩ nʋʋ na-kala.

Luuk 1:13

Ŋɩɩ nɛ Wɩa tɩndaarʋ-la bʋla pʋ, “Zɛkarɩya, sɩ́ leŋe dɩ fawʋllʋŋ kɛnɩŋ. Wɩalɩŋ ŋ sɩ sʋl Wɩa chɩchɛ, ʋ joŋo pɩŋ nɛ. Ŋ haala Ɛlɩzabɛt jaŋ lʋl baal. Ŋ jaŋ hɛ ʋ yɩrɩŋ Jɔɔŋ.

Luuk 1:19

Ŋɩɩ nɛ Wɩa tɩndaarʋ-la bʋla pʋ, “Mɩ yɩrɩŋ nɛ Gebiral a hɔŋ Wɩa sɛmɛ. Ʋ nɛ tɩmmɛ dɩ mɩ kʋ bʋl wʋzɔmʋŋ deeŋ a pɩŋ.

Luuk 1:30

Ŋɩɩ nɛ Wɩa tɩndaarʋ-la bʋla pʋ, “Mɛɛrɩ, Wɩa cho ŋ wɩaa, sɩ́ leŋe dɩ fawʋllʋŋ kɛnɩŋ.

Luuk 2:11

Tɩtaŋɩŋ deeŋ ba lʋl ma Laataara nɛ Devit jaŋ lɛ. Baa yɩrʋ La Tɩɩna Kirisito, Nɩɩ-la Wɩa sɩ lɩɩsa.

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Luuk 8:1

Ŋɩɩ harɩŋ Yesu gɔllɔ to tabalaa arɩ tabiisiŋ a bʋbʋl Wɩa wʋzɔmɔ-la a tɩgɛ Wɩa kuorii-la lɛ. Ʋ harɩ-tooro-la fii arɩ balɩa to ʋ harɩŋ mʋ,

Tɩntɩŋŋaa 13:32

La ma saa kɔ dɩ la bʋl Wɩa wʋzɔmɔ-la nɛ pɩma, wɩɩla Wɩa fa sɩ hɛ niiŋ a pɩ la naabalɩmaba arɩ ʋ jaŋ ŋaa.

Rom Tɩŋŋaa 10:15

Dɩ Wɩa nɛ bɩ nɩaa tɩma dɩ ba bʋl ʋ wɩaa, ɛɛ nɛ ba jaŋ wuo ŋaa bʋl ʋ wɩaa? Ba fa ŋmʋnsa Wɩa teniŋ tʋɔŋ a bʋl, “Ʋ ŋaa wʋzɔŋ nɛ nɩalɩŋ sɩɩ bʋl Wɩa wʋzɔmɔ-la sɩ kɔ.”

Ɛfɛsɩs Nɩaa 3:8

Wɩa nɩaa kala tʋɔŋ, mɩ nɛ ŋaa ba kʋbie, aŋ ka ʋ lɩɩsɛmɛ ʋ lahɔrɩmɔ lɛ dɩ mɩ bʋl ʋ wʋzɔmɔ-la wɩaa a pɩ nɩalɩŋ sɩ bɩ Juu tɩŋŋaa ŋaa, dɩ ba jɩŋ Kirisito dʋa-la sɩ bɩ dɩdɛrɩ kɛnɛ wɩaa,

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.