Luuk 18:9 - WƖA TENIŊ

⁹ Yesu bɩra magɛ namaga a pɩ nɩalɩŋ sɩ bɩɩna ba tʋɔŋ lɛ dɩ ba kɛŋ tʋɔpʋla aŋ lileeni ba dɔnsʋŋ tɩŋŋaa. Ʋ bʋla pɩba,

Luuk 18:9 ပူးပေါင်းရင်းမြစ်များ

NAMAGABA 30:12

Dɔnsʋŋ ma hɛ nɩmɛ a bɩɩnɛ dɩ ba tʋɔŋ pʋlla nɛ, aŋ ka ba bɩ ba disiniŋ fo ta.

AZAAYA 65:5

Ba yie bʋl nɩaa lɛ, ‘Má sɩ́ la kʋ kpagɛ, la ŋaa nɩaa sɩ zɔmɔ nɛ kɩŋkɛŋ arɩ ma sɩ jaŋ digila.’ Mɩ bɩ jaŋ wuo sɛɩ pɩ nɩdosunuŋ deemba, ba wʋŋaalaa nagɛ nyʋɔsʋŋ sɩɩ jʋʋ mɩ mɩɩsɩŋ nɛ, a ŋaa nyiŋ sɩɩ dii tapʋl piliŋ.

AZAAYA 66:5

Ma nɩalɩŋ sɩɩ to La TƖƖNA niiŋ, má jegile nɩɩ wɩɩ-la ʋ sɩ bʋla. La TƖƖNA sɩ, “Ma naambiiri-la sɩ bɛrɛma, a lɩɩsɛma ta a tɩŋ ma sɩɩ to mɩ wɩaa, a sieri ma lɛ a bʋl, ‘Má leŋ dɩ ma TƖƖNA dagɛ ʋ doluŋ a laama ta yei, dɩ la na dɩ ma hɛ sɩma tʋɔŋ,’ hɩɩsɩŋ jaŋ diiba.

LEVI DOHO NƖAA 13:32

Tapʋl-pɛɩ chɛɛŋ Wɩɩsʋllɩ sɩpaalaara maga ʋ bɩra beŋ naawɩɩl-la nɛ, dɩ ʋ nɛ na dɩ ʋ bɩ kiere pɛ a bɩ mʋʋra tuu, ka dɩ pʋna-la ma sɩ hɛ lee-la bɩ gɩla,

Luuk 10:29

Ŋɩɩ nɛ Wɩa teniŋ kerichi-la chɩchɛ dɩ ʋ dagɛ arɩ ʋ kɛŋ wʋtɩtɩɩ. Ŋɩɩ nɛ ʋ pɩɛsɛ Yesu, “Kʋbɛɛ nɛ ŋaa mɩ dɔŋɔ tɩɩna?”

Luuk 15:2

Ŋɩɩ nɛ Farisii tɩŋŋaa arɩ Wɩa teniŋ kerichiba suomo gʋgʋrɩmɛ wɩaa a bʋl, “Baala deeŋ leŋe wʋbɔŋ ŋaaraa kʋkɔ ʋ teeŋ nɛ aŋ pɛ leŋ ʋ dɩ ba kala didii kɩaa.”

Luuk 16:15

Yesu bʋla pɩba, “Ma nɛ ŋaa nɩdosunu-la sɩ yie chɛ dɩ nɩaa bɩɩnɛ ma kɛŋ wʋtɩtɩɩ nɛ, ama Wɩa jɩŋ ma tʋɔŋ nɛ. Kɩalɩŋ sɩ ŋaa kʋfɩɛma nuhuobiinee teeŋ, ba ŋaa kʋtɔɔnʋ nɛ Wɩa teeŋ.”

Luuk 18:11

Farisii tɩɩna-la sii chɩŋ a bigisi ʋ tɩtɩa lɛ a chʋɔlɛ Wɩa a bʋl, ‘La Tɩɩna Wɩa, mɩɩ lɔllʋŋ arɩ mɩ sɩ bɩ nɩaa dɔnsʋŋ naga, nɩalɩŋ sɩ gɔllɔ kɛŋ nɩaa kɩaa lɩlaa, koo nɩalɩŋ sɩ bɩ wʋtɩtɩɩ kɛnɛ, koo nɩalɩŋ sɩ gɔllɔ chɩchɛ nɩaa haalaa. Mɩ bɩ lampoo laara deeŋ ma sɩ hɛ daha naga.

Luuk 19:7

Nɩalɩŋ kala sɩ hɛ nɩmɛ a na ŋɩɩ, ba suomo gʋgʋrɩmɛ wɩaa a bʋl, “Baala deeŋ mʋa dɩ ʋ chʋa wʋbɔŋ ŋaarʋ-la dɩa lɛ nɛ.”

Luuk 7:39

Farisii tɩɩna-la sɩ yɩrɛ Yesu dɩ ʋ kʋ dii kɩaa na wɩɩŋ deeŋ a bɩbɩɩnɛ ʋ tʋɔŋ lɛ, “Dɩ baala deeŋ sɛnɛ ŋaa Wɩa wʋlaabʋllʋ nɛ, ʋ fa jaŋ jɩŋ arɩ haala deeŋ sɩ digu ŋaa wʋbɔŋ ŋaarʋ nɛ.”

Jɔɔŋ 8:48

Ŋɩɩ nɛ Juu tɩmma-la bʋla pɩ Yesu, “La bɩ wʋtɩtɩɩ bʋlaa, la sɩ sɩ ŋ ŋaa Samarɩa tɩɩna nɛɛ, jɩŋ-bɔmʋŋ ma kɛnɩŋ?”

Jɔɔŋ 9:28

Ŋɩɩ nɛ ba tʋʋsʋ woruŋ aŋ bʋl, “Ŋ nɛ ŋaa ʋ harɩ-tooro, ama la-na ŋaa Mosis harɩ-tooroo nɛ.

Jɔɔŋ 9:34

Ŋɩɩ nɛ ba bʋla pɩ baal-la, “Ba paala lʋlʋŋ dɩ ŋ ŋaa wʋbɔŋ ŋaarʋ nɛ, ka ŋ ma saa chɩchɛ dɩ ŋ dagɛla koo?” Ŋɩɩ nɛ ba kiru ta ʋ lɩɩ Wɩɩchʋɔlɛ dɩa-la lɛ.

Tɩntɩŋŋaa 22:21

Ŋɩɩ nɛ mɩ Tɩɩna bʋla pɩmɛ, ‘Sii daha, mɩ jaŋ tɩmɩŋ dɩ ŋ mʋ dɩ-bolii, nɩalɩŋ sɩ bɩ Juu tɩŋŋaa ŋaa leriŋ.’ ”

Rom Tɩŋŋaa 10:3

Ba bɩ jɩŋ wombii-la Wɩa sɩ yie leŋ ba to a kɛŋ tʋɔpʋla ʋ sɩpaaŋ, aŋ chɩchɛ dɩ ba to ba tɩtɩa wombiee. Ŋɩɩ nɛ tɩɩ ba bɩ ba tɩtɩa joŋo hɛ wombii-la Wɩa sɩ yie to a leŋ nɩaa kɛŋ tʋɔpʋla ʋ sɩpaaŋ.

Rom Tɩŋŋaa 14:10

Bɛɛ nɛ saa tɩɩ ma tʋɔŋ dɔŋɔ bʋbʋl ʋ naambie sɩ laa Yesu wɩaa dii teeŋ a bʋl dɩ ʋ bɩ woruŋ ŋaa? Dɔŋɔ ma bee gʋgʋʋnɛ ʋ naambie sɩ laa Yesu wɩaa dii lɛ. La kala jaŋ chɩŋ Wɩa sɩpaaŋ dɩ ʋ dii la sarɩya.

Rom Tɩŋŋaa 14:3

Má sɩ́ leŋe dɩ nɩɩ-la sɩɩ dii kʋŋkala mʋmɔŋ nɩɩ-la sɩɩ kɩsɛ kɩalɩŋ lɛ. Má sɩ́ leŋe dɩ nɩɩ-la ma sɩɩ kɩsɛ kʋŋkala, dɩ ʋ bʋl nɩɩ-la sɩɩ dii kʋŋkala teeŋ arɩ ʋ bɩ woruŋ ŋaa, bɛɛ wɩaa Wɩa cho tɩɩna nɛ a leŋ ʋ ŋaa ʋ bii.

Rom Tɩŋŋaa 7:9

Bʋa-la lɛ mɩ fa ha sɩ bɩ wɩalɩŋ Mosis fa sɩ bile jɩŋ, mɩ fa weye nɛ. Ŋɩɩ nɛ mɩ kʋ jɩŋ wɩalɩŋ Mosis sɩ bile dɩ nɩaa tuto. Mɩ sɩ kʋ jɩŋ wɩalɩŋ ŋɩɩ, wʋbɔmʋŋ fa sɩ nagɛ kʋsʋʋ mɩ teeŋ, ʋ mɩɩra kʋ kɛŋ doluŋ a ŋaa mɩ nagɛ nɩsʋʋ.