Luuk 18:7 - WƖA TENIŊ

⁷ Ma saa bɩɩna Wɩa bɩ jaŋ pɛ nɩalɩŋ ʋ sɩ lɩɩsa lɛ dɩ ba laa kʋsɩŋŋaa, dɩ ba nɩɩ yel ʋ teeŋ wɩɩhɛyɛ arɩ tɩtaŋɩŋ kala? Ma bɩɩna ʋ jaŋ kɛmba kaa didieni aŋ vɩa dɩ ʋ pɛ ba lɛɛ.

Luuk 18:7 ပူးပေါင်းရင်းမြစ်များ

WƖA YƖƖLAA 88:1

La TƖƖNA Wɩa mɩ Laataara, tɩtaŋɩŋ arɩ wɩɩhɛyɛ kala nɛ mɩɩ ŋmoo niiŋ ŋ sɩpaaŋ dɩ ŋ pɛ mɩ lɛ.

WƖA YƖƖLAA 9:8

Ʋʋ dii dʋnɩa nɩaa sarɩya arɩ tʋɔpʋla nɛ, aa beŋ tinteyee nɩaa arɩ wʋtɩtɩɩ.

MOSIS KƐŊ IZIRAL TƖŊŊAA LƖƖ 22:23

Dɩ ma nɛ kɛmba ŋmoo gbɛɛŋ dɩ ba yelle pɩmɛ, mɩ-na ma TƖƖNA jaŋ nɩɩ ba yele a pɛ ba lɛ.

AZAAYA 40:27

Iziral tɩmma, bɛɛ nɛ tɩɩ ma gʋrɩmɛ wɩaa a bʋl, “La TƖƖNA bɩ wɩalɩŋ sɩɩ ŋaa la lɛ jɩŋ. Wɩa sɩpaa tuo hɛɛ-la la sɩɩ na lɛ.”

HABAKU 2:3

Wɩalɩŋ mɩ sɩ kaa dagɩŋ kɛŋ ba tapʋlɩɩ nɛ. Wɩalɩŋ mʋʋ tɩgɛ dʋnɩa dɩdɛrɩŋ lɛ nɛ, ba bɩ jaŋ ŋaa wʋnyɩɛrɩ. Dɩ ba nɛ naga baa dienu ma, ha gbɛrɛ, bɛɛ wɩaa ba jaŋ sɛnɛ kʋ ŋaa, ba bɩ jaŋ dieni.

Matiu 24:22

Dɩ Wɩa nɛ bɩ tapʋlɩa-la kere ta, nɩbala ma bɩ jaŋ ka. Ama nɩalɩŋ Wɩa sɩ lɩɩsa dɩ baa tou, ba wɩaa nɛ tɩɩ ʋ jaŋ keri tapʋlɩa-la ta.

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Matiu 7:11

Dɩ ma nɛ bɔmɔ aŋ jɩŋ kʋzɔŋŋɔɔ joŋo pɩ ma biiriŋ, ɛɛ nɛ ma Nyɩmma sɩ hɛ Wɩa-jaŋ, a kɛŋ kʋzɔŋŋɔɔ bɩ jaŋ joŋo pɩ nɩalɩŋ sɩ sʋla chɩchɛ?

Luuk 11:13

Dɩ ma nɛ bɔmɔ aŋ joŋ kʋzɔŋŋɔɔ pɩpɩ ma biiriŋ, ɛɛ nɛ ma Nyɩmma sɩ hɛ Wɩa-jaŋ bɩ jaŋ joŋ ʋ Dɩŋ-zɔmʋŋ a pɩ nɩalɩŋ sɩ sʋla chɩchɛ?”

Luuk 2:37

ka ʋ ŋaa yo-haal a kaa mʋ yi ʋ jɩsɩŋ mahɩŋ banɛsɛ arɩ banɛsɛ lɛ. Ʋ fa yie hɛ Wɩa dɩɩ-balɩŋ lɛ nɛ wɩɩhɛyɛ arɩ tɩtaŋɩŋ kala, ʋ bɩ lɩɩ. Ʋ yie vɔɔ niiŋ nɩmɛ aŋ pɛ chʋchʋɔlɛ Wɩa.

Luuk 21:28

Dɩ wɩaa deemba nɛ suomo a ŋɩŋaa, má sii chɩŋ a kɛŋ ma dɩgɩlaa wuoli, bɛɛ wɩaa bʋa-la lɛ Wɩa sɩ jaŋ laama ta yie nɛ.”

Rom Tɩŋŋaa 8:33

Kʋbɛɛ nɛ saa jaŋ bɩra joŋ cheeriŋ a pɩ nɩalɩŋ Wɩa sɩ lɩɩsa? Wɩa tɩtɩa nɛ leŋe ba kɛŋ tʋɔpʋla ʋ sɩpaaŋ.

Koloosi Nɩaa 3:12

Ŋɩɩ wɩaa, Wɩa sɩ lɩɩsɛma a choma a leŋ ma ŋaa ʋ nɩaa sɩ bɩ disiniŋ kɛnɛ, ma fɩfá nɩaa nenige a kɛŋ zile, a kɛŋ ma tɩtɩa muuri, a leŋ dɩ ma sɩaa fɩɛlɛ, a kɛŋ kenyiri.

1 Tɛsalonaaka Nɩaa 3:10

Laa sʋl Wɩa nɛ woruŋ tɩtaŋɩŋ arɩ wɩɩhɛyɛ kala dɩ la wuo kʋ nama, a wuo pɛ ma lɛ dɩ ma na kɩalɩŋ sɩ ka a tɩgɛ wɩalɩŋ ma sɩ laa dii lɛ.

2 Tɛsalonaaka Nɩaa 1:6

Wɩa kɛŋ wʋtɩtɩɩ, ʋ jaŋ dɔgɩsɛ nɩalɩŋ sɩ dɔgɩsɛma a magɛ ŋɩɩ kala ba sɩ dɔgɩsɛma magɛ.

1 Timoti 5:5

Yo-haal-la chaasa bɩ nʋʋkala kɛnɛ dɩ ʋ benu, ʋ yie joŋ ʋ yɩɛlaa kala hɛ Wɩa lɛ aa sʋlʋ tɩtaŋɩŋ arɩ wɩɩhɛyɛ bʋa na-kala dɩ ʋ pɛ ʋ lɛ.

2 Timoti 1:3

Mɩɩ lɔllɛ Wɩa kɩŋkɛŋ, nɩɩ-la mɩ sɩ tɩma pa arɩ tʋɔ-bala, a nagɛ mɩ naabalɩmaba fa sɩ tɩma pʋ ŋɩɩ. Dɩ mɩ nɩɩ chʋɔlɛ Wɩa tɩtaŋɩŋ arɩ wɩɩhɛyɛ kala, mɩ yie liliisi ŋ wɩaa nɛ.

2 Timoti 2:10

Mɩ nyalɩma nɛ wɩɩkala lɛ a tɩŋ nɩalɩŋ Wɩa sɩ lɩɩsa wɩaa, dɩ Yesu Kirisito wuo laaba ta dɩ ba na ʋ tʋla a kaa mʋ deeŋ deeŋ.

Taatɩs 1:1

Mɩ-na Pɔɔl nɛ ŋmʋnsɛ teniŋ deeŋ aa pɩ ŋ-na Taatɩs. Mɩ ŋaa Wɩa tɩntɩnnʋ nɛ a ŋaa Yesu Kirisito nanzɔɔ ma. Wɩa nɛ lɩɩsɛmɛ dɩ mɩ pɛ nɩalɩŋ ʋ sɩ lɩɩsa lɛ dɩ ba wasa chɩŋ wɩalɩŋ ba sɩ laa dii lɛ, a wuo jɩŋ wʋtɩtɩɩ-la sɩɩ to Wɩa wombiiŋ.

1 Pɩɩta 1:1

Mɩ-na Pɩɩta sɩ ŋaa Yesu Kirisito nanzɔɔ, mɩ nɛ ŋmʋnsɛ teniŋ deeŋ a pɩpɩ ma nɩalɩŋ kala sɩ laa Yesu wɩaa dii aŋ tɩŋ hɛɛŋ wɩaa a pɩsɛ a hɛ Pɔntɔs lɛ, Galiisia, Kapadoosia, Esia, arɩ Bitiinia tinteeŋ kala lɛ.

2 Pɩɩta 3:9

Nɩaa dɔnsʋŋ bɩɩna arɩ Wɩa fɩɛla nɛ arɩ wɩalɩŋ ʋ sɩ sɩ ʋ jaŋ ŋaa lɛ. Ʋ bɩ fɩɛlɛ, ama ʋ kɛŋ kenyiri nɛ a tɩŋ ma wɩaa, bɛɛ wɩaa ʋ bɩ chɛ dɩ ma kʋŋkala lɛl. Ʋʋ chɛ dɩ nʋʋkala bɩrɩma lɩɩ ʋ wʋbɔŋŋɔɔ lɛ nɛ.

Jɔɔŋ Wʋnaalaa 18:20

Ma nɩalɩŋ sɩ hɛ Wɩa-jaŋ lɛ, má jʋjʋɔsɛ Babɩlɔŋ wɩaa. Ma Wɩa nɩaa arɩ Wɩa nanzɔɔba arɩ Wɩa wʋlaabʋllaa, má jʋjʋɔsɛ. Wɩa joŋ wɩalɩŋ Babɩlɔŋ sɩ ŋaa ma lɛ chɩmɩŋ a tiŋ ʋ lɛ nɛ.”

Jɔɔŋ Wʋnaalaa 6:10

Ŋɩɩ nɛ ba ŋmoo niiŋ vɩl vɩl aa bʋl, “La Tɩɩna Wɩɩjarɩbakɔ, ŋ ŋaa wʋtɩtɩɩ Tɩɩna nɛ a bɩ disiniŋ kɛnɛ, bʋa bɛɛ lɛ nɛ ŋ jaŋ dii dʋnɩa nɩaa sarɩya, aŋ dɔgɩsɛ nɩalɩŋ sɩ kpʋla?”

Jɔɔŋ Wʋnaalaa 7:15

Ŋɩɩ nɛ tɩɩ ba chɩŋ Wɩa kuoru kpasa-la sɩpaaŋ a tɩma pʋpʋ wɩɩhɛyɛ arɩ tɩtaŋɩŋ kala ŋɩɩ ʋ dɩɩ-balɩŋ lɛ. Nɩɩ-la sɩ hɔŋ kuoru kpasa-la lɛ nɛ jaŋ chu tɔ ba.