Luuk 18:12 - WƖA TENIŊ

¹² Mɩ yie vɔɔ niiŋ bʋlɩa nɛ yɔbɔ-na kala lɛ. Kʋ-la kala mɩ sɩ na, mɩ yie kaa kpaa leree fii nɛ a joŋ dɔŋɔ pɩŋ.’

Luuk 18:12 ပူးပေါင်းရင်းမြစ်များ

2 KUOROO 10:16

Ŋɩɩ nɛ aŋ bʋl, “Kɔ dɩ la mʋ dɩ ŋ na ŋɩɩ mɩ sɩɩfɩɛsɩŋ sɩ maga La TƖƖNA lɛ.” Ŋɩɩ nɛ ba balɩa jɩl Jehu laalɩŋ jaaba toruko-la a mʋ Samarɩa.

AZAAYA 1:15

Dɩ ma nɛ kɔ mɩ teeŋ a je nɩsaa sʋlmɛ, mɩ jaŋ joŋ mɩ harɩŋ a yɩama. Dɩ ma nɛ sʋlmɛ magɛ ŋɩɩ kala, mɩ bɩ jaŋ nɩɩ, bɛɛ wɩaa ma nɩsaa kala nɛ suo arɩ chalɩŋ.

MALAKAƖ 3:8

Ʋ maga dɩ nʋʋ gaa Wɩa nɛɛ? Ama maa gaa mɩ nɛ aŋ yie pɩɛsɛ, ‘Ɛɛ nɛ laa gaaŋ?’ Maa gaa mɩ kɩalɩŋ ma sɩ yie kaa kʋ ŋaa Wɩɩsʋlʋŋ pɩmɛ arɩ kpaalɩŋ fii tʋɔŋ kʋbala-la sɩ ŋaa mɩ kʋa nɛ.

NAMBABA 18:24

Mɩ sɩ joŋ Iziral tɩŋŋaa sɩ yie kɛŋ ba kɩaa kpaa leree fii a joŋ kʋbala-la pɩ mɩ-na ma TƖƖNA a pɩ Levi doho nɩaa ŋɩɩ, ŋɩɩ nɛ tɩɩ mɩ sɩ ba bɩ jaŋ laa kpaal kala Iziral tɩŋŋaa dʋa tʋɔŋ.”

NAMBABA 23:4

Wɩa kɔ ʋ teeŋ, Balam bʋla pʋ, “Mɩ saa korunuŋ balɩpɛ nɛ a kpʋ nɛ-bele arɩ pie-bele koru na-kala lɛ a ŋaa Wɩɩsʋlʋŋ.”

Matiu 5:20

Mɩ jaŋ bʋla pɩma, see dɩ ma kɛŋ tʋɔpʋla a kɩɩ Wɩa teniŋ kerichiba arɩ Farisii tɩŋŋaa a ŋɩŋaa wɩalɩŋ Wɩa sɩɩ chɛ, dɩ ŋɩɩ dee, ma bɩ jaŋ wuo jʋʋ Wɩa kuorii-la tʋɔŋ.”

Matiu 6:1

Yesu bɩra dagɛ ʋ harɩ-tooroo a bʋl, “Dɩ ŋ nɩɩ chɛ dɩ ŋ ŋaa wʋzɔŋ a pɩ ŋ dɔŋɔ tɩɩna, sɩ́ wʋzɔŋ-la joŋo ŋaa ʋ lɛ nɩaa tʋɔŋ. Dɩ ŋ nɛ ŋaa ŋɩɩ, ŋ bɩ time kɛnɛ ŋ Nyɩmma sɩ hɛ Wɩa-jaŋ lɛ teeŋ.

Matiu 6:16

Ŋɩɩ nɛ Yesu sɩ, “Dɩ ma nɛ vɔɔ niiŋ, ma sɩ́ sɩaa kaa chei a nagɛ nɩalɩŋ sɩɩ dagɛ ba tɩtɩa. Ba yie gʋgɔllɛ arɩ losuŋ a kɛŋ sɩaa kala chei dɩ nʋʋkala na a jɩŋ arɩ ba vɔɔ niiŋ nɛ. Wʋtɩtɩɩ nɛ, mɩ bʋlaa pɩma, ba-na paala laa ba time kala dɛrɛ nɛ.

Matiu 6:5

Ŋɩɩ nɛ Yesu bɩra bʋl, “Dɩ ma nɩɩ chʋɔlɛ Wɩa, ma sɩ́ nɩalɩŋ sɩɩ dagɛ ba tɩtɩa nagʋ. Ba yie cho dɩ ba chɩŋ Wɩɩchʋɔlɛ dɩɩsɩŋ lɛ arɩ wombiee sɛmɛ a chʋchʋɔlɛ Wɩa dɩ nʋʋkala naba. Wʋtɩtɩɩ nɛ mɩ bʋlaa pɩma, ba paala laa ba time nɛ.

Matiu 9:14

Ŋɩɩ nɛ Jɔɔŋ Wɩa lɩɩ-fooru-la harɩ-tooroo kɔ Yesu teeŋ a pɩɛsʋ, “Bɛɛ nɛ tɩɩ la dɩ Farisii tɩŋŋaa vʋvɔɔ niiŋ aŋ ka ŋ harɩ-tooroo-na bɩ niiŋ vɔɔ?”

Luuk 11:42

Ma Farisii tɩŋŋaa, ma jaŋ na hɛɛŋ. Kʋbiisiŋ ma yie kaa kpaa leree fii fii, a joŋ leriŋ kʋbala a pɩ Wɩa. Dɩ ma nɛ jaa pɩpaarɩ-la sʋɔra sɩ sɩma arɩ pɩpaarɩ-la sʋɔra sɩ bɩ sɩŋ arɩ pɩpaa-diilee maa, ma yie kɛmba kaa kpaa leree fii fii, a joŋ ba kʋŋkala leriŋ dɔŋɔ a pɩ Wɩa, ama ma vɩa wʋtɩtɩɩ wombiiŋ a bɩ Wɩa cho. Ʋ maga dɩ ma kpaa ma kɩalɩŋ leree fii fii, a joŋ leriŋ kʋbala a pɩ Wɩa, ama ʋ bɩ maga dɩ ma vɩa wʋtɩtɩɩ wombiiŋ.

Luuk 17:10

Ma saa nagɛ ŋɩɩ nɛ. Dɩ ma nɛ ŋaa wɩalɩŋ kala ba sɩ sɩ dɩ ma ŋaa, ʋ maga dɩ ma bʋl, ‘La ŋaa tɩntɩnnaa nɛ, ʋ bɩ maga dɩ ba lɔllɛla. Tɩntɩmɩɩ-la sɩ maga dɩ la tɩŋ nɛ la tɩŋ.’ ”

Rom Tɩŋŋaa 3:27

Wʋbɛɛ nɛ saa la jaŋ kaa bigisi la tɩtɩa lɛ? Wɩɩkala tuo. Bɛɛ nɛ tɩɩ? La sɩɩ to wɩalɩŋ Mosis sɩ ŋmʋnsa bil dɩ la tuto nɛ tɩɩ? Aɩ, ama la sɩ laa Yesu dii nɛ tɩɩ.

1 Kɔrɩntɩ Nɩaa 1:29

Wɩa ŋaa ŋɩɩ dɩ nʋʋkala sɩ́ ʋ doluŋ lɛ wuo to a bigisi ʋ tɩtɩa lɛ ʋ sɩpaaŋ.

Galiisia Nɩaa 1:14

La Juu tɩŋŋaa Wɩɩ-chʋɔlʋŋ wombiiŋ lɛ, mɩ nɛ fa jɩŋ wɩaa kɩɩ mɩ dɔnsʋŋ tɩŋŋaa jesiŋ kala. Mɩ fa joŋ mɩ nyuŋ kala a hɛ la naabarɩŋ wombiiŋ lɛ nɛ.

Ɛfɛsɩs Nɩaa 2:9

Ʋ bɩ naga ma tɩntɩŋ-zɔŋŋɔɔ wɩaa nɛ tɩɩ ʋ laama ta. Ŋɩɩ wɩaa nʋʋkala bɩ maga dɩ ʋ bibigisi ʋ tɩtɩa lɛ.

1 Timoti 4:8

Dɩ ŋ nɛ kɛŋ ŋ yaraa hʋhʋgʋsɛ, ŋɩɩ jaŋ pɛ ŋ lɛ mʋa. Ama dɩ ŋ nɛ kɛŋ ŋ tʋɔŋ a to Wɩa wombiiŋ, ŋɩɩ jaŋ pɛ ŋ lɛ dɩ ŋ na mɩɩsɩŋ dʋnɩa deeŋ lɛ, dɩ ŋ nɛ sʋba ma, ŋ jaŋ kɛŋ mɩɩsɩ-la sɩ bɩ dɛrɛ.

1 SAMƲƐL 15:13

Bʋa-la lɛ Samʋɛl sɩ kʋ na Sɔɔl, Sɔɔl chʋɔlʋ aŋ bʋl, “La TƖƖNA jaŋ pɛ ŋ lɛ! Mɩ to wɩalɩŋ kala La TƖƖNA sɩ daga nɛ.”