Luuk 17:30 - WƖA TENIŊ

³⁰ Ŋɩɩ nɛ ʋ jaŋ nagɛ tapʋlɩɩ-la mɩ-na Nuhuobiine Bie ma sɩ jaŋ mɩɩra kɔ.

Luuk 17:30 ပူးပေါင်းရင်းမြစ်များ

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Matiu 24:3

Ŋɩɩ nɛ Yesu mʋ hɔŋ Olif peel-la nyuŋ. Ʋ harɩ-tooroo lʋara kɔ ʋ teeŋ a bɩra pɩɛsʋ, “Bʋa bɛɛ lɛ nɛ wɩaa deemba jaŋ ŋaa? Wʋbɛɛ ba nɛ la jaŋ na a jɩŋ bʋa-la lɛ ŋ sɩ jaŋ kɔ, arɩ bʋa-la lɛ dʋnɩa sɩ jaŋ dɛrɛ?”

Matiu 24:37

Bʋa-la lɛ mɩ-na Nuhuobiine Bie sɩ jaŋ mɩɩra kɔ, ʋ jaŋ nagɛ bʋa-la lɛ Nowa fa sɩ hɛ ʋ mɩɩsɩŋ lɛ.

Matiu 24:39

Ba fa bɩ jɩŋ wɩɩ-la kala sɩɩ ŋaa see bʋa-la lɛ lɩɩ-la sɩ kʋ pɛllɛ paa ba kala, ba sʋʋ. Ŋɩɩ tɩtɩa nɛ jaŋ ŋaa bʋa-la lɛ mɩ-na Nuhuobiine Bie sɩ jaŋ kɔ.

Matiu 26:64

Ŋɩɩ nɛ Yesu bʋla pʋ, “Mɩ-na nɛ, ama mɩ bʋlaa pɩma kala, a lɩɩ bʋa deeŋ lɛ a kaa mʋ, ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ, nɩduoŋ dɩhɔnʋŋ a to duoŋ-bɩlɩmbaanaa tʋɔŋ kʋʋ tuu.”

Maak 13:26

Ŋɩɩ lɛ nɛ ma jaŋ na mɩ-na Nuhuobiine Bie, dɩ mɩ to duoŋ-bɩlɩmbaanaa tʋɔŋ kʋʋ tuu. Mɩ jaŋ kɛŋ doluŋ yʋgɛ a chaanɛ.

Luuk 17:24

Mɩ-na Nuhuobiine Bie sɩ jaŋ mɩɩra kɔ tapʋlɩɩ-la, ʋ jaŋ nagɛ duonuŋ sɩ lɩgɩsa a lɩɩ wɩa-nyuŋ sɛmɛ dɔŋɔ a kʋ tuu sɛmɛ dɔŋɔ.

Luuk 17:29

Ama tapʋlɩɩ-la Lɔt sɩ lɩɩ taŋ kʋbala ba sɩɩ yɩrɛ Sodom lɛ, nyiniŋ arɩ jiribiiŋ lɩɩ wɩa-nyuŋ nɛ a kʋ tuu kpʋ nɩalɩŋ kala.

Luuk 21:22

Tapʋlɩɩ-la Wɩa jaŋ dɔgɩsɛ Iziral nɩaa, a leŋ dɩ wɩalɩŋ kala ba sɩ bʋla Wɩa teniŋ tʋɔŋ sɛnɛ kʋ ŋaa.

Luuk 21:27

Ŋɩɩ lɛ nɛ ma jaŋ na mɩ-na Nuhuobiine Bie dɩ mɩ to duoŋ-bɩlɩmbaanɩŋ tʋɔŋ kʋʋ tuu. Mɩ jaŋ kɛŋ doluŋ a chaanɛ kɩŋkɛŋ.

1 Kɔrɩntɩ Nɩaa 1:7

Ŋɩɩ wɩaa, ma sɩɩ gbɛrɛ La Tɩɩna Yesu Kirisito dɩ ʋ mɩɩra kɔ ŋɩɩ, ŋɩɩ nɛ tɩɩ ʋ joŋ kɩalɩŋ kala sɩ lɩɩ ʋ Dɩŋ-zɔmʋŋ teeŋ a dii zile ma lɛ.

1 Kɔrɩntɩ Nɩaa 1:8

Wɩa ma jaŋ chaasa kɛmma woruŋ dɩ ma sɩ́ wʋbɔŋ ŋaa, a kaa mʋ yi tapʋlɩɩ-la La Tɩɩna Yesu Kirisito sɩ jaŋ mɩɩra kɔ.

Koloosi Nɩaa 3:4

Kirisito nɛ ŋaa la mɩɩsɩŋ. Bʋa-la lɛ ʋ sɩ jaŋ mɩɩra kɔ, nɩaa jaŋ na ma dɩ ʋ kala dɩ maa kpaa ʋ yɩrɩ-bal-la.

2 Tɛsalonaaka Nɩaa 1:7

Ʋ jaŋ pɩ ma nɩalɩŋ sɩɩ na hɛɛŋ wiese, a pɩ la ma wiese. Wɩɩŋ deeŋ jaŋ ŋaa bʋa-la lɛ La Tɩɩna Yesu sɩ jaŋ kɔ arɩ ʋ tɩndaara-la sɩ kɛŋ doluŋ.

1 Pɩɩta 1:13

Ŋɩɩ wɩaa, má kɛŋ ma tʋɔbɩɩnaa hɛ dɔŋɔ lɛ a ŋaa siri dɩ ma tɩŋ. Má kɛŋ ma tɩtɩa woruŋ, a joŋ ma yɩɛlaa kala hɛ kʋ-la Wɩa sɩ jaŋ joŋo pɩma lɛ bʋa-la Yesu Kirisito sɩ jaŋ mɩɩra kɔ.

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.

1 Pɩɩta 4:13

Hɛɛ-la Kirisito sɩ na, má ma na hɛɛ-la tɩtɩa nɛ. Ŋɩɩ wɩaa má jʋjʋɔsɛ. Tapʋlɩɩ-la Kirisito nɛ kɔ arɩ ʋ tʋla, ma jaŋ faasa jʋɔsɛ.

1 Jɔɔŋ 2:28

Mɩ biiri, dɩ ma nɩɩ to Kirisito ŋɩɩ a kaa mʋ, la jaŋ kɛŋ bɔɩ-duoŋ chɛɛ-la ʋ sɩ jaŋ mɩɩra kɔ. Hɩɩsɩŋ bɩ jaŋ kɛnla dɩ la faa.

1 Jɔɔŋ 3:2

Mɩ nandɔŋ-kpɩanaba, lɛɛlɛ la ŋaa Wɩa biiriŋ nɛ. Ama Wɩa ha bɩ chaasa daga pʋllɛ ŋɩɩ la sɩ jaŋ nagɛ. Ama wɩɩ-la la sɩ jɩma nɛ ŋ-la: Bʋa-la lɛ Kirisito sɩ jaŋ kɔ, la ma jaŋ nagɛ ŋɩɩ ʋ sɩ naga, bɛɛ wɩaa la jaŋ na ʋ sɩ nagɛ ŋɩɩ kala.

Jɔɔŋ Wʋnaalaa 1:7

Má bee na, ʋ nɛ to duoŋ-bɩlɩmbaanaa tʋɔŋ a kʋkɔ. Nʋʋkala jaŋ naʋ. Nɩalɩŋ ma sɩ joŋ kɩaa tɔbʋ jaŋ naʋ. Dʋnɩa nɩaa kala jaŋ yel ʋ wɩaa. Ŋɩɩ sɛnɛ jaŋ ŋaa. Amɩɩ.