Luuk 17:20 - WƖA TENIŊ

²⁰ Ŋɩɩ nɛ Farisii tɩŋŋaa pɩɛsɛ Yesu dɩ bʋa bɛɛ lɛ nɛ Wɩa kuorii-la jaŋ kɔ? Ŋɩɩ nɛ ʋ bʋla pɩba, “Dɩ Wɩa kuorii-la nɛ jaŋ kɔ, wʋmagɩl dee bɩ jaŋ ŋaa dɩ nɩaa jɩŋ.

Luuk 17:20 ပူးပေါင်းရင်းမြစ်များ

DANƖƐL 2:44

Kuoroo deemba kuoruŋ bʋa lɛ Wɩa sɩ hɛ ʋ jaŋ lɛ a bibeŋ kʋŋkala jaŋ bil kuoro ba sɩ bɩ jaŋ wuo giru, koo ba bɩ jaŋ laa a pɩ nɩa dɔsɛ. Ʋ jaŋ yuo dii kuorusu-la kala a leŋ dɩ ba kuoruŋ dɛrɛ, ama ʋ-na jaŋ hɛ nɩmɛ a kaa mʋ wuu.

ZƐKARƖYA 4:6

Ŋɩɩ nɛ ʋ bʋla pɩmɛ, “Wɩɩ-la La TƖƖNA sɩ bʋla pɩ Zerubabɛl nɛ ŋ-la: ‘Ŋ ballɩŋ lɛ dee koo ŋ doluŋ lɛ dee ŋ jaŋ yuo dii, ama mɩ-na Wɩa Dɩma lɛ nɛ ŋ jaŋ to yuo dii.’ La TƖƖNA doluŋ kala Tɩɩna nɛ bʋla.

Luuk 10:11

‘Ma taŋ-la hagɩla sɩ mɛrɛ la naasɩŋ lɛ, ba nɛ la kpesee hɛ ma lɛ ŋ-la. Ama ʋ maga dɩ ma jɩŋ arɩ Wɩa kuorii-la kpaga nɛ.’

Luuk 14:1

Chɛ-wiesii-la chɛɛ kʋbala, Yesu mʋ dɩ ʋ dii kʋdiilee Farisii tɩŋŋaa kʋhɩaŋ kʋbala dɩa lɛ. Ŋɩɩ nɛ nɩaa faasa bibenu woruŋ.

Luuk 16:16

Ŋɩɩ nɛ Yesu bɩra bʋl, “Nɩalɩŋ faa to wɩalɩŋ Mosis fa sɩ bile nɛ. Ba to tenni-la lɛ Wɩa wʋlaabʋllaa fa sɩ ŋmʋnsa a kaa mʋ bʋa-la lɛ Jɔɔŋ sɩ kɔ nɛ, nɩɩ-la fa sɩɩ fo nɩaa Wɩɩchʋɔlɛ lɩɩŋ. Jɔɔŋ sɩ kɔ ŋɩɩ, ba suomo bʋbʋl Wɩa wʋzɔmɔ-la a tɩgɛ Wɩa kuorii-la lɛ aa pɩ nɩaa. Ŋɩɩ nɛ nʋʋkala fɩɛsɛ sɩɩŋ a wʋwalɩmɛ dɩ ʋ jʋʋ Wɩa kuorii-la tʋɔŋ.

Luuk 19:11

Ŋɩɩ nɛ Yesu magɛ namaga a pɩ nɩalɩŋ sɩ nɩɩ wɩalɩŋ ʋ sɩ bʋla. Bʋa deeŋ lɛ ʋ ka mʋa ka dɩ ʋ yi Jerusalɛm. Ŋɩɩ nɛ tɩɩ nɩalɩŋ bɩɩnɛ arɩ bʋa-la lɛ Wɩa kuorii-la sɩ jaŋ guu kɔ kpaga nɛ.

Jɔɔŋ 18:36

Ŋɩɩ nɛ Yesu bʋl, “Mɩ kuoruŋ tuo dʋnɩa deeŋ lɛ. Dɩ mɩ kuoruŋ nɛ fa hɛ dʋnɩa deeŋ lɛ, mɩ nɩaa fa jaŋ yuo laamɛ dɩ Juu tɩŋŋaa sɩ́ mɩ wuo kɛŋ. Ama mɩ kuoruŋ tuo daha.”