Luuk 16:2 - WƖA TENIŊ

² Ʋ sɩ nɩɩ ŋɩɩ, ʋ yɩrʋ a pɩɛsʋ, ‘Bee na wɩalɩŋ mɩ sɩɩ nɩɩ a tɩgɛ ŋ lɛ. Leŋ dɩ mɩ jɩŋ nɩalɩŋ ŋ sɩ yallɛ mɩ kɩalɩŋ pa. Ŋ bɩra bɩ jaŋ wuo ŋaa mɩ tɩntɩnnʋ.’

Luuk 16:2 ပူးပေါင်းရင်းမြစ်များ

TƖƖCHA 12:14

Wɩa jaŋ dii la sarɩya wɩɩ na-kala la sɩ ŋaa lɛ, dɩ ba ŋaa wʋzɔmɔ koo wʋbɔmɔ, a pɛ wɩalɩŋ kala la sɩ lʋara ŋaa lɛ.

Matiu 12:36

Mɩ bʋlaa pɩma arɩ sarɩya chɛ-diiliŋ, nʋʋkala jaŋ dagɛ wʋbɔmɔ-la ʋ niiŋ sɩ bʋla.

Matiu 20:8

Dɩdaanɩŋ sɩ yie, ŋɩɩ nɛ baga-la tɩɩna yɩrɛ nɩɩ-la sɩɩ beŋ ʋ baga-la dɩ ʋ yɩrɛ nɩalɩŋ sɩ tɩŋ ʋ baga-la lɛ a timba, dɩ ʋ suomi nɩalɩŋ sɩ to harɩŋ mʋ baga-la a timba aŋ-na mʋ yi nɩalɩŋ sɩ laa sɩpaaŋ mʋ baga-la.

Luuk 12:20

Ŋɩɩ nɛ Wɩa bʋla pʋ, ‘Nɩyaarɩ! Tɩtaŋɩŋ deeŋ mɩ jaŋ leŋ dɩ ŋ sʋʋ. Kɩalɩŋ saa ŋ sɩ chɛ bil ŋ tɩtɩa lɛ, kʋbɛɛ nɛ jaŋ dii?’ ”

Luuk 12:42

Ŋɩɩ nɛ La Tɩɩna mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la sɩ magɛ lɛ.

Luuk 16:1

Yesu magɛ namaga dɔŋɔ a pɩ ʋ harɩ-tooroo, “Baal kʋbala nɛ fa hɛ nɩmɛ. Ʋ fa ŋaa kɩaa tɩɩna nɛ. Ʋ fa kɛŋ tɩntɩnnʋ. Ʋ nɛ faa beŋ ʋ kɩalɩŋ. Ŋɩɩ nɛ nɩaa kʋ bʋla pɩ kɩaa tɩɩna-la, arɩ ʋ tɩntɩnnʋ-la kɛŋ ʋ kɩalɩŋ chichei nɛ.

Luuk 16:3

Ŋɩɩ nɛ baal-la bʋl ʋ tɩtɩa lɛ, ‘Mɩ kʋhɩaŋ ka chɛ dɩ ʋ kirimi nɛ mɩ tɩntɩŋŋaa lɛ. Bɛɛ nɛ mɩ jaŋ ŋaa? Mɩ bɩ doluŋ kɛnɛ dɩ mɩ pɛrɛ. Mɩ bɩra bɩ jaŋ wuo gɔllɔ sʋsʋl kɩaa ma. Mɩ jaŋ fɩfá hɩɩsɩŋ.

Rom Tɩŋŋaa 14:12

Bʋa-la lɛ la nʋʋkala jaŋ dagɛ wɩalɩŋ kala ʋ sɩ ŋaa a pʋ.

1 Kɔrɩntɩ Nɩaa 1:11

Mɩ naambiiriŋ, mɩ nɩa dɩ maa yuo dɔŋɔ nɛ. La naambie ba sɩɩ yɩrɛ Kuluuwi, ʋ dɩa nɩaa nɛ bʋla pɩmɛ.

1 Kɔrɩntɩ Nɩaa 4:2

Ʋ saa maga dɩ tɩntɩnnʋ kala kɛŋ wʋtɩtɩɩ a tɩtɩŋ ʋ tɩntɩŋŋaa.

1 Kɔrɩntɩ Nɩaa 4:5

Ŋɩɩ wɩaa, má sɩ́ cheeriŋ joŋo pɩ nʋʋkala, dɩ tapʋlɩɩ-la La Tɩɩna sɩ jaŋ kɔ a dii la sarɩya ha bɩ yie. Dɩ ʋ nɛ mɩɩra kɔ, wʋbɔmɔ-la kala nɩaa sɩ ŋaa birimiŋ tʋɔŋ, ba kala jaŋ kʋ lɩɩ pʋlʋmʋŋ. Nɩaa tʋɔbɩɩnaa kala ba sɩ kɛnɛ jaŋ kʋ lɩɩ pʋlʋmʋŋ. Bʋa-la lɛ Wɩa jaŋ bɛsɛ nʋʋkala lɛ a mʋ tɩgɛ wɩalɩŋ ʋ sɩ ŋaa.

2 Kɔrɩntɩ Nɩaa 5:10

bɛɛ wɩaa la kala jaŋ mʋ chɩŋ Kirisito sɩpaaŋ dɩ ʋ dii la sarɩya. Kirisito jaŋ tiŋ nʋʋkala magɛ ŋɩɩ ʋ sɩ tɩma magɛ dʋnɩa deeŋ lɛ. Dɩ ŋ nɛ faa ŋaa wʋzɔŋŋɔɔ, ʋ jaŋ joŋ wʋzɔŋŋɔɔ timiŋ. Dɩ ŋ nɛ faa ŋaa wʋbɔŋŋɔɔ ma, ʋ jaŋ joŋ wʋbɔŋŋɔɔ timiŋ.

1 Timoti 4:14

Sɩ́ kʋ-la Wɩa Dɩŋ-zɔmʋŋ sɩ joŋo dii zile ŋ lɛ vɩa, Wɩa wʋlaabʋllaa sɩ bʋl kʋ-la wɩaa, ka Wɩa nɩaa nɩhɩasɩŋ joŋ ba nɩsaa a daŋ ŋ lɛ ŋ laa.

1 Timoti 5:24

Nɩaa dɔnsʋŋ wʋbɔŋŋɔɔ bɩ faa, ka dɩ ba-na dii ba sarɩya nʋʋkala yie jɩŋ arɩ ba cheye nɛ, ama nɩaa dɔnsʋŋ wʋbɔŋŋɔɔ yie faa nɛ, tapʋlɩɩ dɔŋ nɛ ba jaŋ kʋ lɩɩ pʋlʋmʋŋ.

1 Pɩɩta 4:10

Wɩa joŋ doluŋ pɩ nɩaa dɩ ba kaa tɩŋ tɩntɩŋ-dosunuŋ nɛ. Ŋɩɩ wɩaa nʋʋkala kɛŋ wɩɩ-la Wɩa sɩ joŋo pʋ a kaa pɩpɛ ʋ dɔnsʋŋ tɩŋŋaa lɛ.

1 Pɩɩta 4:5

Ama tapʋlɩɩ kʋbala, ba jaŋ dagɛ wɩalɩŋ kala ba sɩ ŋaa a pɩ nɩɩ-la sɩ kɛŋ ʋ tɩtɩa dɩ ʋ dii nɩweyee arɩ nɩsʋʋnʋŋ kala sarɩya.

Jɔɔŋ Wʋnaalaa 20:12

Ŋɩɩ nɛ ka mɩ na nɩalɩŋ sɩ sʋba, nɩhɩasɩŋ arɩ hambiisiŋ kala, dɩ ba chɩŋ kuoru kpasa-la sɩpaaŋ. Ŋɩɩ nɛ ba suri tenniŋ, a bɩra suri teniŋ dɔŋɔ ma, mɩɩsɩŋ teniŋ nɛ ŋɩɩ. Tenni-la lɛ nɛ ba ŋmʋnsɛ nʋʋkala sɩ hɛ dʋnɩa lɛ wʋŋaalaa hɛ, ba lɛ nɛ ba to a dii nʋʋkala sɩ sʋba sarɩya.