Luuk 16:16 - WƖA TENIŊ

¹⁶ Ŋɩɩ nɛ Yesu bɩra bʋl, “Nɩalɩŋ faa to wɩalɩŋ Mosis fa sɩ bile nɛ. Ba to tenni-la lɛ Wɩa wʋlaabʋllaa fa sɩ ŋmʋnsa a kaa mʋ bʋa-la lɛ Jɔɔŋ sɩ kɔ nɛ, nɩɩ-la fa sɩɩ fo nɩaa Wɩɩchʋɔlɛ lɩɩŋ. Jɔɔŋ sɩ kɔ ŋɩɩ, ba suomo bʋbʋl Wɩa wʋzɔmɔ-la a tɩgɛ Wɩa kuorii-la lɛ aa pɩ nɩaa. Ŋɩɩ nɛ nʋʋkala fɩɛsɛ sɩɩŋ a wʋwalɩmɛ dɩ ʋ jʋʋ Wɩa kuorii-la tʋɔŋ.

Luuk 16:16 ပူးပေါင်းရင်းမြစ်များ

Matiu 10:7

Má mʋ a bʋla pɩba arɩ Wɩa kuorii-la kpaga nɛ.

Matiu 15:11

Ʋ bɩ naga kʋ-la sɩ yie to nuhuobiine niiŋ tuu nɛ yie ŋaa ʋ kɛŋ disiniŋ, ama kʋ-la sɩ yie to ʋ niiŋ lɩɩ nɛ kɛŋ disiniŋ.”

Matiu 21:32

Bɛɛ wɩaa Jɔɔŋ Wɩa lɩɩ-fooru-la kɔ a dagɛma wombii-tɩtɩɩ-la nɛ ma sɩ jaŋ to, aŋ ka ma bɩ ʋ wɩaa laa dii, ama lampoo laaraa arɩ jagumuloba laa ʋ wɩaa dii nɛ. Ma paala na ba sɩ laa ʋ wɩaa dii ŋɩɩ nɛ, aŋ ka ma ha bɩ bɩrɩma dɩ ma laa ʋ wɩaa dii.”

Matiu 3:2

Ʋ bʋla pɩba, “Má bɩrɩma lɩɩ ma wʋbɔŋŋɔɔ lɛ, bɛɛ wɩaa Wɩa kuorii-la kpaga nɛ.”

Matiu 4:17

Yesu sɩ hɛ Kapɛnam lɛ, ʋ suomi ʋ tɩntɩŋŋaa a bʋl Wɩa wɩaa pɩ nɩaa a bʋl, “Má bɩrɩma lɩɩ ma wʋbɔŋŋɔɔ lɛ, bɛɛ wɩaa, Wɩa kuorii-la kpaga nɛ.”

Matiu 4:23

Ŋɩɩ nɛ Yesu gɔllɛ Galilii tinteeŋ kala a dɩdagɛ nɩaa ba Wɩɩchʋɔlɛ dɩɩsɩŋ lɛ a bʋbʋl Wɩa wʋzɔmɔ-la wɩaa arɩ Wɩa kuorii-la wɩaa a pɩ nɩaa aŋ pɛ vɩvaarɛ nɩaa nyanyal dosunuŋ kala.

Maak 1:14

Ba sɩ kɛŋ Jɔɔŋ tɔ dɩa, ʋ ŋɩɩ harɩŋ, Yesu sii a mʋ Galilii tinteeŋ a bʋl Wɩa wʋzɔmɔ-la aa pɩ nɩaa

Maak 1:45

Ama baal-la kɛŋ wɩɩ-la kaa lɩɩ a bʋla gaarɛ leriŋ kala. Ŋɩɩ nɛ Yesu bɩra bɩ wuo chaasa jʋʋ taŋ kala tʋɔŋ, ama ʋ yie mʋ hɔŋ pɔkɔŋ nyuŋ, ka nɩaa lɩɩ lee na-kala a kʋkɔ ʋ teeŋ.

Luuk 10:11

‘Ma taŋ-la hagɩla sɩ mɛrɛ la naasɩŋ lɛ, ba nɛ la kpesee hɛ ma lɛ ŋ-la. Ama ʋ maga dɩ ma jɩŋ arɩ Wɩa kuorii-la kpaga nɛ.’

Luuk 10:9

Má vaarɛ nyanyal tɩŋŋaa ma kala sɩ hɛ taŋ-la lɛ aŋ bʋla pɩba, ‘Wɩa kuorii-la kʋ kpagɛma nɛ.’

Luuk 16:29

Ŋɩɩ nɛ Abɩraham bʋla pʋ, ‘Wɩalɩŋ Mosis arɩ Wɩa wʋlaabʋllaa sɩ ŋmʋnsa, ba hɛ ŋ naambiiriŋ teeŋ. Leŋ dɩ ba jegile nɩɩ ba wɩalɩŋ.’

Luuk 16:31

Ŋɩɩ nɛ Abɩraham bɩra bʋla pʋ, ‘Dɩ ba nɛ bɩ jaŋ jegile nɩɩ wɩalɩŋ Mosis arɩ Wɩa wʋlaabʋllaa sɩ ŋmʋnsa, ba bɩ jaŋ sɛɩ wɩalɩŋ dɩ nʋʋ nɛ paala sii sʋʋŋ lɛ a mʋ ba teeŋ a dagɛba ma.’ ”

Luuk 9:2

Ŋɩɩ nɛ ʋ tɩmba dɩ ba lɩɩ a bʋl Wɩa kuorii-la wɩaa aŋ pɛ vaarɛ nyanyal tɩŋŋaa.

Jɔɔŋ 1:45

Ŋɩɩ nɛ Fɩlɩp na Natanɩal a bʋla pʋ, “Nɩɩ-la wɩaa Mosis fa sɩ ŋmʋnsa wombie-la Wɩa sɩ bile dɩ la tuto tʋɔŋ, la naʋ nɛ. Wɩa wʋlaabʋllaa ma fa bʋl ʋ wɩaa nɛ. Ʋ nɛ Yesu, Josɛf nanʋala a lɩɩ Nazarɛt.”

Jɔɔŋ 11:48

Dɩ la nɛ leŋe dɩ ʋ ŋɩŋaa wɩaa deemba, nʋʋkala jaŋ laa ʋ wɩaa dii. Ŋɩɩ harɩŋ Rom tinteeŋ nɩaa jaŋ kɔ a kɛŋ la Wɩa dɩɩ-balɩŋ arɩ la tinteeŋ kala laa.”

Jɔɔŋ 12:19

Ŋɩɩ nɛ Farisii tɩmma-la bʋla pɩ dɔŋɔ, “La bɩ wɩɩkala wuo ŋɩŋaa. Má bee na, dʋnɩa nɩaa kala nɩɩ to ʋ harɩŋ ŋɩɩ.”

Jɔɔŋ 5:4

Bʋa dɔŋɔ Wɩa tɩndaarʋ nɛ fa yie kʋ tuu fuo-la a kɛŋ lɩɩ-la kaa vuugi. Dɩ Wɩa tɩndaarʋ-la nɛ kɛŋ lɩɩ-la vuugi, nyanyal tɩɩna-la sɩ laa sɩpaaŋ tuu lɩɩ-la, ʋ nyanyalɩŋ cho dɩ ʋ nagɛ ŋɩɩ ma kala, ʋ yie duori nɛ.]

Tɩntɩŋŋaa 3:18

Wɩa leŋe ʋ Wɩa wʋlaabʋllaa bʋl faafaa kala arɩ Kirisito-la jaŋ na hɛɛŋ. Ʋ sɛnɛ kʋ ŋaa wʋtɩtɩɩ ŋ-la.