Luuk 16:1 - WƖA TENIŊ

¹ Yesu magɛ namaga dɔŋɔ a pɩ ʋ harɩ-tooroo, “Baal kʋbala nɛ fa hɛ nɩmɛ. Ʋ fa ŋaa kɩaa tɩɩna nɛ. Ʋ fa kɛŋ tɩntɩnnʋ. Ʋ nɛ faa beŋ ʋ kɩalɩŋ. Ŋɩɩ nɛ nɩaa kʋ bʋla pɩ kɩaa tɩɩna-la, arɩ ʋ tɩntɩnnʋ-la kɛŋ ʋ kɩalɩŋ chichei nɛ.

Luuk 16:1 ပူးပေါင်းရင်းမြစ်များ

WƖAA DƖ-SUOMUŊ 15:2

Ŋɩɩ nɛ Abɩram pɩɛsɛ, “Mɩ Tɩɩna Wɩɩjarɩbakɔ, bɛɛ nɛ ŋ jaŋ joŋo pɩmɛ, bɛɛ wɩaa mɩ bɩ bii kala kɛnɛ sɩ jaŋ dii mɩ dɩa? Nɩɩ-la sɩɩ beŋ mɩ dɩa nɛ Elieza a lɩɩ taŋ-la ba sɩɩ yɩrɛ Damasɩkʋs.”

WƖAA DƖ-SUOMUŊ 43:19

Ba sɩ kʋ yi Josɛf dɩa boiŋ niiŋ, ba bʋla pɩ ʋ dɩa tɩntɩnnʋ-la,

1 IZIRAL TƖŊŊAA NAABARƖŊ 28:1

Kuoro Devit yɩrɛ Iziral tɩntɩnnɩ-hɩasɩŋ kala dɩ ba kʋ hɛ dɔŋɔ Jerusalɛm lɛ. Ŋɩɩ nɛ nɩalɩŋ sɩ ŋaa doho doho-la sɩpaalaaraa, kuoro laalɩyuoro-la ba sɩ kaa kpaa bugoo, nɩalɩŋ sɩɩ beŋ laalɩyuoroo bʋɩba arɩ nɩalɩŋ sɩɩ beŋ laalɩyuoroo zɔlɔba, nɩalɩŋ sɩɩ beŋ kuoro arɩ ʋ biiriŋ pʋsʋŋ arɩ ba kɩaa dɔnsʋŋ, kuoro dɩa tɩntɩnnɩ-hɩasɩŋ, nɩbalaa arɩ laalɩyuori-babiibalaa kʋ hilimi Jerusalɛm lɛ.

NAMAGABA 18:9

Nɩɩ-la sɩ kɛŋ yarɩ-wɩɩŋ ʋ tɩntɩŋŋaa lɛ arɩ wʋcheere kala nagɛ dɔŋɔ nɛ.

HOSIA 2:8

Ʋ bɩ sɛyɛ arɩ mɩ nɛ nɩɩ-la sɩ pʋ mɩaa, girep nɛnɛɛ sɩ-falɩŋ arɩ nʋʋŋ, a pʋ hɔpʋla arɩ sɛlɩmɛ, kɩalɩŋ ʋ sɩ joŋo pɩ vene-la ba sɩɩ yɩrɛ Baal.

Matiu 20:8

Dɩdaanɩŋ sɩ yie, ŋɩɩ nɛ baga-la tɩɩna yɩrɛ nɩɩ-la sɩɩ beŋ ʋ baga-la dɩ ʋ yɩrɛ nɩalɩŋ sɩ tɩŋ ʋ baga-la lɛ a timba, dɩ ʋ suomi nɩalɩŋ sɩ to harɩŋ mʋ baga-la a timba aŋ-na mʋ yi nɩalɩŋ sɩ laa sɩpaaŋ mʋ baga-la.

Luuk 12:42

Ŋɩɩ nɛ La Tɩɩna mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la sɩ magɛ lɛ.

Luuk 15:13

Ʋ bɩ diene, ka ba tʋɔŋ kʋbie-la sii paa ʋ toruŋ kala ʋ sɩ laa a hɛ dɔŋɔ lɛ, a sii mʋ ta-bolii kʋbala. Nɩmɛ nɛ ʋ kɛŋ kɩalɩŋ kala kaa mʋ ŋaa wʋtɔɔnʋŋ, ba kala dɛrɛ.

Luuk 15:30

Ka ŋ bie deeŋ-na kɛŋ ŋ kɩaa kala chei hachɔrʋmʋŋ lɛ. Ka ʋ sɩ mɩɩra kɔ dɩa ŋɩɩ, ŋ kpʋ nɛ-fere a pʋ.’

Luuk 16:19

Ŋɩɩ nɛ Yesu bɩra magɛ namaga a bʋl, “Kɩaa tɩɩna kʋbala nɛ fa hɛ nɩmɛ. Ʋ yie lɩlaalɛ gɛrɩ-zɔmɔ-la yalɩŋ sɩ hɛyɛ, a pɩŋ sɩma nyuŋ woruŋ tapʋlɩɩ-na kala.

Luuk 16:2

Ʋ sɩ nɩɩ ŋɩɩ, ʋ yɩrʋ a pɩɛsʋ, ‘Bee na wɩalɩŋ mɩ sɩɩ nɩɩ a tɩgɛ ŋ lɛ. Leŋ dɩ mɩ jɩŋ nɩalɩŋ ŋ sɩ yallɛ mɩ kɩalɩŋ pa. Ŋ bɩra bɩ jaŋ wuo ŋaa mɩ tɩntɩnnʋ.’

Luuk 19:20

Ŋɩɩ nɛ tɩntɩnnɩ dɔŋ-la ma kɔ a bʋla pʋ, ‘Mɩ kʋhɩaŋ, na ŋ siidi bʋɩ-la ŋ sɩ joŋo pɩmɛ, mɩ joŋo gul gɛrɩ-kɔsʋŋ lɛ nɛ a joŋo faa.

Luuk 8:3

Dɔŋɔ ma yɩrɩŋ nɛ Jʋana. Ʋ bala ma yɩrɩŋ nɛ Kusa. Kusa fa ŋaa nɩhɩaŋ nɛ kuoro Hɛrɔd dɩa lɛ. Haal-la ba sɩɩ yɩrɛ Suzana ma hɛ nɩmɛ a pɛ haalaa dɔnsʋŋ ma lɛ ba fa yʋga. Ba pɛ ba lɛ arɩ kɩalɩŋ kala Yesu arɩ ʋ harɩ-tooroo sɩɩ chɛ.

Taatɩs 1:7

Nɩɩ-la sɩɩ beŋ Wɩa nɩaa ŋaa Wɩa tɩntɩnnɩ-hɩaŋ nɛ. Ʋ bɩ maga dɩ ʋ kɛŋ wʋcheelee nɩaa teeŋ. Ʋ bɩra bɩ maga dɩ ʋ dɩdagɛ ʋ tɩtɩa, a sɩ́ baaŋ tɩɩna koo sɩ-nyʋarʋ koo nii-jɩgɩ tɩɩna koo nɩɩ-la sɩ cho moribiee kɩŋkɛŋ ŋaa.

Jeems 4:3

Bʋa dɔŋɔ ma lɛ ma yie sɛnɛ sʋlʋ a chɩchɛ kɩaa. Ama ma yie kɛŋ tʋɔbɩɩŋ bɔŋŋɔɔ nɛ a sʋl dɩ ma kaa ŋaa ma tɩtɩa tʋɔtɔrɛ wɩaa. Ŋɩɩ nɛ tɩɩ ma bɩ na.

1 Pɩɩta 4:10

Wɩa joŋ doluŋ pɩ nɩaa dɩ ba kaa tɩŋ tɩntɩŋ-dosunuŋ nɛ. Ŋɩɩ wɩaa nʋʋkala kɛŋ wɩɩ-la Wɩa sɩ joŋo pʋ a kaa pɩpɛ ʋ dɔnsʋŋ tɩŋŋaa lɛ.